[24,7] (23,8) ´ VII. Ὅτι τῶν περὶ τὸν Κόιντον τὸν Μάρκιον πρεσβευσάντων εἰς Μακεδονίαν, ἀπέβη μὲν ἀπὸ τῶν ἐπὶ Θρᾴκης Ἑλληνίδων πόλεων ὁλοσχερῶς ὁ Φίλιππος καὶ τὰς φρουρὰς ἐξήγαγεν, ἀπέβη δὲ βαρυνόμενος καὶ στένων. Διωρθώσατο δὲ καὶ τἄλλα πάντα, περὶ ὧν οἱ Ῥωμαῖοι προσεπέταττον, βουλόμενος ἐκείνοις μὲν μηδεμίαν ἔμφασιν ποιεῖν ἀλλοτριότητος, λαμβάνειν δ' ἀναστροφὴν πρὸς τὰς εἰς τὸν πόλεμον παρασκευάς. Τηρῶν δὲ τὴν προκειμένην ὑπόθεσιν, ἐξῆγε στρατιὰν ἐπὶ τοὺς βαρβάρους. Διελθὼν δὲ διὰ μέσης τῆς Θρᾴκης ἐνέβαλεν εἰς Ὀδρύσας καὶ Βέσσους καὶ Δενθηλήτους. Παραγενόμενος δ' ἐπὶ τὴν προσαγορευομένην Φιλίππου πόλιν, φυγόντων τῶν ἐνοικούντων εἰς τὰς ἀκρωρείας, ἐξ ἐφόδου κατέσχε τὴν πόλιν. Μετὰ δὲ ταῦτα πᾶν τὸ πεδίον ἐπιδραμὼν καὶ τοὺς μὲν ἐκπορθήσας, παρ' ὧν δὲ πίστεις λαβών, ἐπανῆλθε, φρουρὰν καταλιπὼν ἐν τῇ Φιλίππου πόλει. Ταύτην δὲ συνέβη μετά τινα χρόνον ἐκπεσεῖν ὑπὸ τῶν Ὀδρυσῶν, ἀθετησάντων τὰς πρὸς τὸν βασιλέα πίστεις.

[24,7] (23,8) VII. Sur ces entrefaites, Quintus Marcius était arrivé en Macédoine, et Philippe évacua les villes de Thrace, en retira ses garnisons, mais il les retira le chagrin dans le cœur et gémissant. Il exécuta de même tous les ordres des Romains, afin de ne point leur laisser entrevoir sa haine et de se ménager les loisirs nécessaires pour se préparer à la guerre. Ce fut dans cette intention qu'il mena ses troupes contre les Barbares; il traversa la Thrace, tomba sur les Odryses, les Besses et les Denteletiens. A peine fut-il parvenu sous les murs de Philippopolis qu'il s'en empara, les habitants l'ayant abandonnée pour se retirer dans les montagnes. Il battit les campagnes d'alentour, pilla quelques peuplades, accepta la soumission des autres, et ne regagna son royaume qu'après avoir laissé une garnison dans Philippopolis; mais cette garnison fut, peu de temps après, chassée par les Odryses qui violèrent la foi jurée au roi.