Texte grec :
| [5,14] Οὕτως ἐκτάξας τὸν μὲν πεζὸν στρατὸν ἐν κόσμῳ
βάδην ἕπεσθαι ἐκέλευσεν, οὐ πολὺ ἀποδέοντας τῶν
ἑξακισχιλίων· αὐτὸς δέ, ὅτι κρατεῖν ἐδόκει τῇ ἵππῳ,
τοὺς ἱππέας μόνους ἀναλαβὼν σπουδῇ ἡγεῖτο, ὄντας
ἐς πεντακισχιλίους. Ταύρωνι δὲ τῷ τοξάρχῃ προσέταξε
τοὺς τοξότας ἐπάγειν τῇ ἵππῳ καὶ αὐτοὺς σπουδῇ.
γνώμην δὲ ἐπεποίητο, ὡς εἰ μὲν προσμίξειαν αὐτῷ οἱ
ἀμφὶ τὸν Πῶρον ξὺν τῇ δυνάμει ἁπάσῃ, ἢ κρατήσειν
αὐτῶν οὐ χαλεπῶς τῇ ἵππῳ προσβαλὼν ἢ ἀπομαχεῖσθαί
γε ἔστε τοὺς πεζοὺς ἐν τῷ ἔργῳ ἐπιγενέσθαι· εἰ δὲ
πρὸς τὴν τόλμαν τῆς διαβάσεως ἄτοπον γενομένην οἱ
Ἰνδοὶ ἐκπλαγέντες φεύγοιεν, οὐ πόρρωθεν ἕξεσθαι
αὐτῶν κατὰ τὴν φυγήν, ὡς πλείονα ἐν τῇ ἀποχωρήσει τὸν
φόνον γενόμενον ὀλίγον ἔτι ὑπολείπεσθαι αὐτῷ τὸ ἔργον.
Ἀριστόβουλος δὲ λέγει τὸν Πώρου παῖδα φθάσαι
ἀφικόμενον σὺν ἅρμασιν ὡς ἑξήκοντα πρὶν τὸ ὕστερον
ἐκ τῆς νήσου τῆς μικρᾶς περᾶσαι Ἀλέξανδρον·
καὶ τοῦτον δυνηθῆναι ἂν εἶρξαι Ἀλέξανδρον τῆς
διαβάσεως χαλεπῶς καὶ μηδενὸς εἴργοντος περαιωθέντα,
εἴπερ οὖν καταπηδήσαντες οἱ Ἰνδοὶ ἐκ τῶν
ἁρμάτων προσέκειντο τοῖς πρώτοις τῶν ἐκβαινόντων·
ἀλλὰ παραλλάξαι γὰρ ξὺν τοῖς ἅρμασι καὶ ἀκίνδυνον
ποιῆσαι Ἀλεξάνδρῳ τὴν διάβασιν· καὶ ἐπὶ τούτους
ἀφεῖναι Ἀλέξανδρον τοὺς ἱπποτοξότας, καὶ τραπῆναι
αὐτοὺς οὐ χαλεπῶς, πληγὰς λαμβάνοντας. οἱ δὲ καὶ
μάχην λέγουσιν ἐν τῇ ἐκβάσει γενέσθαι τῶν Ἰνδῶν
τῶν ξὺν τῷ παιδὶ τῷ Πώρου ἀφιγμένων πρὸς Ἀλέξανδρόν
τε καὶ τοὺς ξὺν αὐτῷ ἱππέας. καὶ γὰρ καὶ
ἀφικέσθαι ξὺν μείζονι δυνάμει τὸν Πώρου παῖδα, καὶ
αὐτόν τε Ἀλέξανδρον τρωθῆναι πρὸς αὐτοῦ καὶ τὸν
ἵππον αὐτοῦ ἀποθανεῖν τὸν Βουκεφάλαν, φίλτατον
Ἀλεξάνδρῳ ὄντα τὸν ἵππον, καὶ τοῦτον τρωθέντα ὑπὸ
τοῦ παιδὸς τοῦ Πώρου. ἀλλὰ Πτολεμαῖος ὁ Λάγου,
ὅτῳ καὶ ἐγὼ ξυμφέρομαι, ἄλλως λέγει. ἐκπεμφθῆναι
μὲν γὰρ τὸν παῖδα ὑπὸ τοῦ Πώρου λέγει καὶ οὗτος,
ἀλλ´ οὐχ ἑξήκοντα μόνα ἅρματα ἄγοντα. οὐδὲ γὰρ
εἰκὸς Πῶρον ἀκούσαντα ἐκ τῶν σκοπῶν, ὅτι δὴ ἢ
αὐτὸς Ἀλέξανδρος διαβέβηκεν τοῦ Ὑδάσπου τὸν πόρον
ἢ μέρος γέ τι τῆς στρατιᾶς, ξὺν ἑξήκοντα ἅρμασι
μόνοις ἐκπέμψαι τὸν αὑτοῦ παῖδα· ἃ δὴ ὡς μὲν ἐπὶ
κατασκοπὴν ἐκπεμπόμενα πολλά τε καὶ οὐκ εὔζωνα ἐς
τὴν ἀποχώρησιν ἦν, ὡς δὲ εἰς τὸ εἶρξαί τε τοὺς οὔπω
πεπερακότας τῶν πολεμίων καὶ τοῖς ἤδη ἐκβεβηκόσιν
ἐπιθέσθαι οὐδαμῇ ἀξιόμαχα. ἀλλὰ δισχιλίους γὰρ
λέγει ἱππέας ἄγοντα ἀφικέσθαι τοῦ Πώρου τὸν παῖδα,
ἅρματα δὲ ἑκατὸν καὶ εἴκοσι· φθάσαι δὲ περάσαντα
Ἀλέξανδρον καὶ τὸν ἐκ τῆς νήσου τὸν τελευταῖον πόρον.
|
|
Traduction française :
| [5,14] L'ordre de bataille ainsi disposé, il laisse derrière lui six mille hommes
d'infanterie qui doivent le suivre au pas. Il court à la tête de cinq mille
chevaux contre l'ennemi , auquel il croit sa cavalerie supérieure. Tauron,
Toxarque, le soutiendra de suite avec ses archers. Si Porus venait à sa
rencontre avec toute son armée, il espérait la mettre en déroute du premier choc
de la cavalerie, ou du moins soutenir le combat jusqu'à l'arrivée de
l'infanterie. Si les Indiens, épouvantés de son audace, se débandaient, il les
poursuivait, en faisait une boucherie, et détruisait d'autant la masse de leurs
forces pour un autre combat.
Aristobule raconte que le fils du monarque indien parut avec soixante chars sur
le rivage, avant qu'on eût franchi la seconde île; qu'il aurait pu alors
s'opposer au passage des Grecs qui s'était même effectué difficilement, alors
qu'ils n'avaient point été repoussés; qu'il aurait pu tomber encore sur eux au
moment où ils abordèrent, mais qu'il s'éloigna sans tenter aucune résistance ;
qu'Alexandre détacha à sa poursuite les archers à cheval qui tuèrent à l'ennemi
beaucoup de monde dans sa fuite.
Selon d'autres historiens, le fils de Porus, à la tête d'un nombre considérable
d'indiens, attaqua la cavalerie d'Alexandre au sortir du fleuve, blessa ce
prince, et tua même son cheval Bucéphale qu'il chérissait beaucoup.
Mais Ptolémée le rapporte autrement, et je partage son opinion. Porus détacha
effectivement son fils contre l'ennemi, mais non avec soixante chars, ce qui
n'est pas vraisemblable. En effet, comment, instruit de la marche d'Alexandre,
Porus aurait-il exposé son fils avec des forces trop embarrassantes, s'il ne
s'agissait que d'une reconnaissance, et trop faibles pour arrêter les Grecs ou
les combattre ? il vint avec deux mille chevaux, et cent vingt chars, mais il
n'arriva que lorsque Alexandre avait franchi la seconde île.
|
|
