Texte grec :
| [7,24] Βελισαρίῳ δὲ τόλμα προμηθὴς γέγονε τότε
ἀρχὴν μὲν μανιώδης δόξασα εἶναι τοῖς τε ὁρῶσι καὶ
ἀκούουσι πρῶτον, ἐκβᾶσα δὲ ἐς ἀρετῆς ἔργον ὑψηλόν
τε καὶ δαιμονίως ὑπέρογκον. τῶν γὰρ στρατιωτῶν
ὀλίγους τινὰς φρουρᾶς ἕνεκα τῆς ἐν Πόρτῳ ἀπολιπὼν
αὐτὸς ξὺν τῷ ἄλλῳ στρατῷ ἐς Ῥώμην ἦλθε, προσποιεῖσθαί
τε αὐτὴν σθένει παντὶ ἤθελεν. ἐπεὶ δὲ οὐχ
οἷός τε ἦν ὅσα καθελὼν τοῦ περιβόλου Τουτίλας ἔτυχε
βραχεῖ ἀνοικοδομήσασθαι χρόνῳ, ἐποίει τάδε. λίθους
ἄγχιστά πη ὄντας ξυναγαγὼν ἐπ´ ἀλλήλους οὐδενὶ
κόσμῳ ξυνέβαλεν, οὐδὲν τὸ παράπαν ἐντὸς ἔχοντας,
ἐπεὶ οὔτε τίτανον εἶχεν οὔτε τι ἄλλο τοιοῦτον, ἀλλ´
ὅπως μόνον τὸ τῆς οἰκοδομίας σώζοιτο πρόσωπον,
σκολόπων τε μέγα τι χρῆμα ἔξωθεν ἵστη. ἐτύγχανε
δὲ καὶ τάφρους βαθείας ἀμφὶ τὸν περίβολον ὅλον
ὀρύξας πρότερον, ὥσπερ μοι ἐν τοῖς ἔμπροσθεν λόγοις
ἐρρήθη. παντὸς δὲ τοῦ στρατοῦ προθυμίᾳ τῇ πάσῃ
ταῦτα ἐργαζομένου πέντε καὶ εἴκοσιν ἡμερῶν ὅσα τοῦ
περιβόλου καθῄρητο τῷ τρόπῳ τούτῳ τετέλεστο. τῶν
τε Ῥωμαίων ὅσοι ἀμφὶ τὰ ἐκείνῃ χωρία ᾤκηντο ἐνταῦθα
ἠγείροντο, τῆς τε ἐν Ῥώμῃ οἰκήσεως ἐπιθυμίᾳ
καὶ ὅτι τῶν ἐπιτηδείων τέως σπανίζοντες ἀφθονίαν
ἐνταῦθα εὗρον, ἥνπερ Βελισάριος ποιεῖν ἴσχυσε, ναῦς
ὅτι πλείστας πάντων ἐμπλησάμενος τῶν ἀναγκαίων, ἔς
τε Ῥώμην διὰ τοῦ ποταμοῦ ἐσκομίσας {εἰσῆξε}.
Ταῦτα ἐπεὶ Τουτίλας ἤκουσεν, ἄρας αὐτίκα παντὶ
τῷ στρατῷ ἐπὶ Βελισάριόν τε καὶ Ῥώμην ἦλθεν, οὔπω
Βελισαρίου τὰς πύλας ἐναρμόσασθαι τῷ περιβόλῳ
ἰσχύσαντος. πάσας γὰρ διαφθείρας Τουτίλας ἔτυχεν,
ἅσπερ οὐκ ἔφθη τεχνιτῶν ἀπορίᾳ Βελισάριος τεκτηνάμενος.
ἐπεὶ δὲ ὁ τῶν βαρβάρων στρατὸς ἀγχοῦ ἐγένοντο, τότε μὲν
ἐνστρατοπεδευσάμενοι ηὐλίσαντο παρὰ
Τίβεριν ποταμὸν, ἡμέρᾳ τε τῇ ἐπιγενομένῃ ἅμα ἡλίῳ
ἀνίσχοντι θυμῷ τε πολλῷ καὶ θορύβῳ ἐχόμενοι ἀμφὶ
τὸ τεῖχος ᾔεσαν. Βελισάριος δὲ τῶν μὲν στρατιωτῶν
τοὺς μαχιμωτάτους ἀπολεξάμενος ἐς τὴν χώραν τῶν
πυλῶν ἔστησε, τοὺς δὲ λοιποὺς ἄνωθεν ἀπὸ τῶν περιβόλων
ἀμύνεσθαι τοὺς ἐπιόντας πάσῃ δυνάμει ἐκέλευε.
γέγονε τοίνυν καρτερὰ μάχη. οἱ γὰρ βάρβαροι τὰ
μὲν πρῶτα ἐλπίδα εἶχον αὐτοβοεὶ τὴν πόλιν αἱρήσειν,
τοῦ δὲ πράγματος σφίσιν ἀντιστατοῦντος, καὶ τῶν
Ῥωμαίων ἰσχυρότατα ἀμυνομένων, ὀργῇ χρώμενοι τοῖς
πολεμίοις ἐπέκειντο, τοῦ θυμοῦ σφᾶς παρὰ δύναμιν
ἐς τὴν εὐτολμίαν ὁρμῶντος. οἵ τε Ῥωμαῖοι παρὰ
δόξαν ἀντείχοντο, τοῦ κινδύνου, ὡς τὸ εἰκὸς, ἐς τὴν
εὐψυχίαν ἐνάγοντος. γέγονεν οὖν φόνος τῶν βαρβάρων
ἅτε ἀφ´ ὑψηλοῦ βαλλομένων πολὺς, κόπῳ τε πολλῷ
καὶ ταλαιπωρίᾳ ἑκάτεροι εἴχοντο καὶ ἡ μάχη πρωῒ
ἀρξαμένη ἐτελεύτα ἐς νύκτα. ἔπειτα οἱ μὲν βάρβαροι
ἐν τοῖς στρατοπέδοις γενόμενοι ἐνυκτέρευσαν, τῶν ἐν
σφίσι τραυματιῶν ἐπιμελούμενοι, Ῥωμαίων δὲ οἱ μὲν
ἄλλοι ἐν τῷ περιβόλῳ φυλακὴν εἶχον, οἱ δὲ ἀνδρίας
πέρι μάλιστα πάντων εὖ ἥκοντες ἐν περιτροπῇ τὰς
τῶν πυλῶν χώρας ἐφύλασσον, τριβόλους ἔμπροσθεν
πολλοὺς θέμενοι, ὅπως μὴ ἐξ ἐπιδρομῆς οἱ πολέμιοι
ἐπὶ σφᾶς ἴωσιν. οἱ δὲ τρίβολοι τοιοίδε εἰσί. σκολόπων
τεττάρων ἰσομήκων μάλιστα τὰ ὄπισθε πρὸς ἄλληλα
ἐναρμοσάμενοι τριγώνου σχῆμα τὰς αὐτῶν εὐθείας
πανταχόθεν ἐργάζονται, καὶ αὐτοὺς ἐς τὴν γῆν ὅπου
παρατύχῃ ῥίπτουσι. ταύτῃ τε τῶν σκολόπων οἱ μὲν
τρεῖς ἐς τὸ ἔδαφος ἰσχυρότατα ἑστήκασι πάντες, ὁ δὲ
λειπόμενος ἀνέχων μόνος ἐμπόδιον ἀνδράσι τε καὶ
ἵπποις ἐς ἀεὶ γίγνεται. ὁσάκις δέ τις τοῦτον δὴ κυλίνδει
τὸν τρίβολον, ὁ μὲν τέως ἐκ τῶν σκολόπων τὴν
τοῦ ἀέρος ὄρθιον κληρωσάμενος χώραν ἐς τὸ ἔδαφος
ἕστηκεν, ἄλλος δὲ ἀντ´ αὐτοῦ γιγνόμενος ἄνω τοῖς
ἐπιέναι βουλομένοις ἐμπόδιόν ἐστιν. οἱ μὲν τρίβολοι
τοιοίδε εἰσίν. ἑκάτεροι δὲ οὕτω μετὰ τὴν μάχην ηὐλίσαντο.
Τῇ δὲ ὑστεραίᾳ Τουτίλας αὖθις παντὶ τῷ στρατῷ
τειχομαχεῖν ἔγνω, οἱ δὲ Ῥωμαῖοι τρόπῳ τῷ εἰρημένῳ
ἠμύνοντο. καθυπέρτεροί τε τῇ ξυμβολῇ γεγενημένοι
ἐπεξελθεῖν τοῖς πολεμίοις ἐθάρσησαν. καὶ τῶν βαρβάρων
ὑποχωρούντων διώκοντες τῶν Ῥωμαίων τινὲς
πόρρω που τοῦ περιβόλου ἐγένοντο. οὓς δὴ κυκλώσεσθαι
οἱ βάρβαροι ἔμελλον, ὡς μὴ ἀναστρέφειν ἐς τὴν
πόλιν δυνατοὶ εἶεν. ἀλλὰ Βελισάριος (κατενόησε γὰρ τὰ
ποιούμενα) τῶν ἀμφ´ αὑτὸν πολλοὺς ἐνταῦθα στείλας
διασώσασθαι τοὺς ἄνδρας ἴσχυσεν. οὕτω τε ἀποκρουσθέντες
οἱ βάρβαροι ἀνεχώρησαν, πολλοὺς μὲν ἀποβεβληκότες τῶν
ἐν σφίσι μαχίμων, πλείστους δὲ
τραυματίας ἐς τὸ στρατόπεδον ἐπαγόμενοι. ἐνταῦθά τε
ἡσυχῆ ἔμενον, τά τε τραύματα θεραπεύοντες καὶ τῶν
ὅπλων ἐπιμελούμενοι (πολλὰ γὰρ σφίσι διέφθαρτο
ἤδη) καὶ τὰ ἄλλα ἐν παρασκευῇ πάσῃ ποιούμενοι.
ἡμέραις δὲ πολλαῖς ὕστερον ἐπὶ τὸν περίβολον ὡς
τειχομαχήσοντες ᾔεσαν. Ῥωμαῖοι δὲ σφίσιν ὑπαντιάσαντες
ἐς χεῖρας ἦλθον. τύχῃ τέ τινι ὁ τὸ Τουτίλα
σημεῖον φέρων καιρίαν πληγεὶς αὐτός τε ἐκ τοῦ ἵππου
ἐκπίπτει καὶ τὸ σημεῖον ἐς τὴν γῆν ἔρριψε. καὶ Ῥωμαίων
μὲν ὅσοι ἐς τὰ πρῶτα ἐμάχοντο, ὥρμησαν ὥστε
τὸ σημεῖον καὶ τὸν νεκρὸν ἁρπασόμενοι. φθάσαντες
δὲ τῶν βαρβάρων οἱ εὐτολμότατοι τό τε σημεῖον ἁρπάζουσι
καὶ τοῦ νεκροῦ χεῖρα τὴν λαιὰν ἀποτεμόντες
ξὺν αὑτοῖς ἔλαβον. ψέλλιον γὰρ χρυσοῦν ἐπὶ ταύτης
ὁ πεπτωκὼς φορῶν ἔτυχε λόγου ἄξιον, ᾧπερ ἐναβρύνεσθαι
τοὺς ἐναντίους ἥκιστα ἤθελον, φεύγοντες δηλονότι τὴν
ἀπὸ τοῦ ἔργου αἰσχύνην. καὶ ὁ μὲν τῶν
βαρβάρων στρατὸς ἐς ὑπαγωγὴν ἐτράποντο οὐδενὶ
κόσμῳ, Ῥωμαῖοι δὲ τὸ μὲν ἄλλο τοῦ νεκροῦ σῶμα
ἐσκύλευσαν, τοὺς δὲ πολεμίους ἐπὶ πλεῖστον διώκοντες
πολλοὺς ἔκτειναν, ἔς τε τὴν πόλιν κακῶν παντάπασιν
ἀπαθεῖς ἦλθον.
Τότε δὲ ὅσοι ἐν Γότθοις λόγιμοι ἦσαν Τουτίλᾳ
προσελθόντες ἐλοιδοροῦντό τε καὶ ἀνέδην αὐτῷ τὴν
ἀβουλίαν ὠνείδιζον, ὅτι δὴ Ῥώμην ἑλὼν οὔτε ξύμπασαν
ἐς ἔδαφος καθεῖλεν, ὅπως μηκέτι τοῖς πολεμίοις
καταληπτὴ εἴη, οὔτε αὐτὸς ἔσχεν, ἀλλ´ ὅπερ πόνῳ τε
καὶ χρόνῳ πολλῷ αὐτοῖς ἐργασθὲν ἔτυχε, τοῦτο λόγῳ
αὐτὸς οὐδενὶ διαφθείρειεν. οὕτω τοῖς ἀνθρώποις
ἐμπέφυκε πρὸς τῶν πραγμάτων τὰς ἀποβάσεις ἀεὶ τὴν
γνώμην ῥυθμίζειν καὶ τὴν διάνοιαν τῷ τῆς τύχης ῥεύματι
προσχωρεῖν, ἀγχιστρόφους τε ἀπ´ αὐτοῦ τὰς
μεταστάσεις ποιεῖσθαι τῆς δόξης. διὸ δὴ καὶ Γότθοι
εὐημεροῦντα μὲν τοῖς ἐγχειρήμασι Τουτίλαν ἐτεθήπεσαν
ἴσα θεῷ, ἄμαχόν τινα καὶ ἀήττητον ἀποκαλοῦντες,
ἡνίκα πόλεων τῶν ἁλισκομένων ἐκ μοίρας τινὸς τὰ
τείχη διαφθείρειν εἴα, σφαλέντι δὲ, ὥσπερ ἐρρήθη,
λοιδορεῖσθαι οὐκ ἀπηξίουν τῶν ἔναγχος σφίσιν ἀμφ´
αὐτὸν εἰρημένων ἀμνημονοῦντες, ἀπ´ ἐναντίας τε αὐτῶν
οὐδεμιᾷ ὀκνήσει ἰόντες. ἀλλὰ ταῦτα μὲν καὶ τὰ τοιαῦτα
οὐχ οἷόν τέ ἐστι μὴ οὐχὶ τοῖς ἀνθρώποις ἐς ἀεὶ ἁμαρτάνεσθαι,
ἐπεὶ καὶ φύσει γίγνεσθαι εἴωθε. Τουτίλας
δὲ καὶ οἱ βάρβαροι λύσαντες τὴν προσεδρείαν ἐς
Τίβουριν πόλιν ἀφίκοντο, πάσας σχεδόν τι τὰς τοῦ
Τιβέριδος γεφύρας διελόντες, ὅπως μὴ Ῥωμαῖοι
εὐπετῶς σφίσιν ἐπιέναι οἷοί τε ὦσι. γέφυραν μέντοι μίαν,
ἣ Μολιβίου ἐπώνυμός ἐστι, διαφθεῖραι οὐδαμῆ ἴσχυσαν,
ἐπεὶ ἄγχιστα τῆς πόλεως ἐτύγχανεν
οὖσα. τό τε ἐν Τιβούρει φρούριον ἀνοικοδομήσασθαι
σθένει παντὶ ἔγνωσαν· καθελόντες γὰρ αὐτὸ πρότερον
ἔτυχον· τά τε χρήματα ἐνταῦθα καταθέμενοι ἅπαντα
ἡσυχῆ ἔμενον. καὶ Βελισάριος ἀδεέστερον ἤδη τὰς
πύλας τοῦ Ῥώμης περιβόλου πανταχόθι ἐφαρμοσάμενος
σιδήρῳ τε αὐτὰς περιβαλὼν αὖθις βασιλεῖ τὰς κλεῖς
ἔπεμψε. καὶ ὁ χειμὼν ἔληγε, καὶ τὸ δωδέκατον
ἔτος ἐτελεύτα τῷ πολέμῳ τῷδε, ὃν Προκόπιος ξυνέγραψεν.
|
|
Traduction française :
| [7,24] CHAPITRE XXIV.
1. Bélisaire fit une entreprise également prudente et hardie, qui d'abord passa pour
extravagante au jugement de tout le monde, mais qui depuis fut admirée, comme l'ouvrage
d'une vertu héroïque. Ayant laissé une petite partie de ses gens à la garde du Port,
il mena le reste à Rome, dans l'intention de s'en emparer. Or comme les ruines des murailles
que Totila avait abbatues ne pouvaient étre réparées
si promptement, il ramassa toutes les pierres
qui étaient aux environs, et les mit à la hâte les unes
sur les autres sans ciment, ni autre matière propre à
les lier gardant toutefois aux endroits qu'il réparait
la même proportion que celle du reste des murailles et
les fortifiant en dehors avec des pieux. Il y avait fait
un fossé dès auparavant, comme nous l'avons dit.
Tous les soldats ayant été incessament occupés à ce
travail, l'ouvrage fut achevé en vingt-cinq jours et
tout ce que Totila avait abbatu fut relevé. Alors tous
les Romains qui logeaient à l'entour s'y rassemblèrent
par le désir qu'ils avaient d'habiter cette grande Ville
et d'y jouir de la commodité des vivres que Bélisaire
y faisait amener en abondance.
2. Au premier bruit de cette nouvelle, Totila mena
son armée vers Rome, où Bélisaire n'avait encore pu
remettre des Portes, faute d'ouvriers, et étant arrivé
sur les bords du Tybre, il s'y campa, et y passa la nuit.
Le lendemain, dés que le jour parut, les Barbares
tout transportés de colére, coururent vers les murailles.
Bélisaire avait choisi les plus courageux de ses soldats,
pour les exposer au lieu des portes, et avait commandé
aux autres de tirer du haut des créneaux. Le
combat fut rude ; car comme les Barbares avaient espéré
d'emporter la place du premier assaut, et qu'ils
y trouvaient ùne vigoureuse résistance, le dépit animait
leur courage, et augmentait leurs efforts. Les
Romains se défendaient vaillamment, à cause de la
nécessité du péril, mais comme ils avaient l'avantage
de tirer de haut en bas, ils firent un grand carnage des
Barbares. Enfin les deux parties ayant donné de rares
exemples dé valeur, la nuit finit le combat qui avait
commencé avec le jour. Les Barbares passèrent la nuit
dans leur Camp à panser leurs bleessures, et les Romains
demeurèrent debout sous les armes pour garder
leurs Portes. Ils avaient mis des chausses-trapes au devant
afin d'empêcher les irruptions.
3. Une chausse-trape est une machine faite avec quatre pieux, d'une longueur égale, et dont les extrémités sont jointes ensemble, de telle sorte, que de quelque côte que ce soit, les rayons forment toujours un triangle. Quand on jette la machine à terre, iI y a trois pieux qui sont couchés, et un qui est debout, et qui arrête les hommes et les chevaux. Toutes les fois que l'on la tourne, le pieu qui était droit tombe à terre, et un autre se relève.
4. Totila donna le lendemain un nouvel assaut avec toutes ses forces, et fut repoussé cette seconde fois, aussi bien qu'ils avaient de l'avantage, ils osèrent bien faire des sorties. Quelques-uns d'entre eux, qui s'étaient trop avancés, et qui s'étaient laissé emporter par l'ardeur de poursuivre l'ennemi, étaient prêts d'être enveloppés, si Bélisaire qui en eut avis, ne leur eût envoyé un puissant secours, qui les dégagea. Les Barbares se retirèrent aussi dans leur camp, après avoir perdu en cette rencontre plusieurs vaillants hommes, et ils s'occupèrent à panser leurs blessés, et à raccommoder leurs armes. Plusieurs jours après ils s'approchèrent des murailles, comme pour les attaquer. Les Romains accoururent au devant, et en vinrent aux mains. Celui qui portait l'enseigne de Totila étant tombé de son cheval, laissa aussi tomber l'enseigne, dont les Romains qui combattaient dans les premiers rangs voulurent se saisir, mais les plus braves des Barbares les devancèrent, enlevèrent l'enseigne de la main droite du porte enseigne, laquelle ils coupèrent, à cause d'un bracelet qu'ils ne voulaient pas que les ennemis eussent la gloire d'emporter. Ils se retirèrent ensuite en désordre. Les Romains dépouillèrent le corps du porte-enseigne, poursuivirent les fuyards, en taillèrent plusieurs en pièces, et s'en retournèrent, sans avoir souffert de perte considérable.
5. Alors tout ce qu'il y avait de personnes illustres parmi les Goths s'assembla tout autour de Totila pour le blâmer, et pour lui reprocher l'imprudence par laquelle il avait perdu le fruit de ses travaux, en manquant ou de raser Rome, afin qu'il ne fût pas au pouvoir de l'ennemi de s'en emparer, ou de prendre les moyens nécessaires pour la conserver lui-même. C'est ainsi que sont faits les hommes: ils prennent les événements pour la règle de leurs avis ; et suivant l'inconstance de la fortune, ils sont dans un changement continuel de sentiments et de pensées. Les Goths adoraient Totila, lorsque le bonheur secondait les entreprises et bien qu'il se contentât de démolir une partie des murailles des villes qu'il avait prises, ils ne laissaient pas de parler de lui comme d'un prince invincible; mais depuis ils n'eurent point de honte de l'accabler de reproches, et d'oublier, ou plutôt de démentir toutes les louanges qu'ils lui avaient données, tout cela à cause qu'il avait eu une fois un peu de malheur. Cependant il faut que les hommes fassent souvent de semblables fautes, parce qu'elles sont comme des suites de la faiblesse de leur nature. Totila leva le siège; et se retira à Tibur, après néanmoins avoir rompu les ponts du Tibre, afin de n'être pas poursuivi. Il n'y eut que celui de Milan qu'il ne rompit pas, parce qu'il était trop proche de Rome. Il employa force gens à travailler aux réparations de la forteresse de Tibur que les Romains avaient démolie, et il y renferma ses richesses, et y demeura en repos. Bélisaire eut alors le loisir de mettre des portes neuves à Rome, et de les garnir. Quand elles furent achevées, il en envoya les clefs à Justinien, et l'hiver termina l'année, qui est la douzième de celles qui fournissent à Procope la matière de son Histoire.
|
|
