Texte grec :
| [6,9] CHAPITRE IX.
1. Γότθοι τε οὐ πολλῷ ὕστερον ἐς Ῥώμης τὸν περίβολον κακουργεῖν
ἤθελον. Καὶ πρῶτα μέν τινας ἐς τῶν ὀχετῶν ἕνα νύκτωρ καθῆκαν, ὧν αὐτοὶ
τὸ ὕδωρ κατ´ ἀρχὰς τοῦδε τοῦ πολέμου ἀφῄρηντο. Οἱ δὲ λύχνα τε καὶ
δᾷδας ἐν χερσὶν ἔχοντες ἀπεπειρῶντο τῆς ἐς τὴν πόλιν ἐνθένδε εἰσόδου.
Ἔτυχε δέ τινα διώρυχα οὐ μακρὰν Πιγκιανῆς πυλίδος τοῦ ὀχετοῦ τούτου
κύρτωμα ἔχον. Ὅθεν δὴ τῶν τις φυλάκων τὸ πῦρ κατιδὼν τοῖς
ξυμφυλάσσουσιν ἔφρασεν· οἱ δὲ λύκον αὐτοῦ παριόντα ἰδεῖν ἔφασαν.
Ταύτῃ γὰρ τὴν γῆν οὐχ ὑπερέχειν τὴν τοῦ ὀχετοῦ οἰκοδομίαν ξυνέβαινε,
πυρὶ δὲ εἰκάζεσθαι τοὺς τοῦ λύκου ὀφθαλμοὺς ᾤοντο. Τῶν μὲν οὖν
βαρβάρων ὅσοι τοῦ ὀχετοῦ ἀπεπειράσαντο, ἐπειδὴ ἐν μέσῃ πόλει
ἐγένοντο, ἔνθα δὴ ἄνοδός τις ἦν ἐκ παλαιοῦ ἐς αὐτό που τὸ Παλάτιον
φέρουσα, οἰκοδομίᾳ τινὶ ἐνταῦθα ἐνέτυχον οὔτε πρόσω ἰέναι τὸ λοιπὸν
συγχωρούσῃ οὔτε τῇ ἀναβάσει τὸ παράπαν χρῆσθαι. Ταύτην δὲ τὴν
οἰκοδομίαν Βελισάριος προμηθείᾳ τινὶ κατ´ ἀρχὰς τῆσδε τῆς πολιορκίας
πεποίηται, ὥσπερ μοι ἐν τοῖς ἔμπροσθεν λόγοις δεδήλωται. Λίθον οὖν ἕνα
βραχὺν ἐνθένδε ἀφελόντες ὀπίσω τε ἀναστρέφειν εὐθὺς ἔγνωσαν καὶ
παρὰ τὸν Οὐίττιγιν ἐπανήκοντες τόν τε λίθον ἐνδεικνύμενοι πάντα
ἀπήγγελλον. Καὶ ὁ μὲν τὰ τῆς ἐπιβουλῆς ἅμα τοῖς Γότθων ἀρίστοις ἐν
βουλῇ εἶχε, Ῥωμαίων δὲ ὅσοι φρουρὰν ἀμφὶ πυλίδα Πιγκιανὴν εἶχον,
μνήμην τῆς τοῦ λύκου ὑποψίας ἐν σφίσιν αὐτοῖς ἐποιοῦντο τῇ ὑστεραίᾳ.
Ἐπεὶ δὲ ὁ λόγος περιφερόμενος ἐς Βελισάριον ἦλθεν, οὐ παρέργως ὁ
στρατηγὸς τὸ πρᾶγμα ἤκουσεν, ἀλλ´ ἄνδρας τε αὐτίκα τῶν ἐν τῷ
στρατοπέδῳ δοκίμων ξὺν Διογένει τῷ δορυφόρῳ ἐς τὸν ὀχετὸν καθῆκε καὶ
διερευνήσασθαι ἅπαντα ξὺν πολλῷ τάχει ἐκέλευσεν. Οἱ δὲ τὰ λύχνα τῶν
πολεμίων καὶ τῶν δᾴδων ὅσα διερρυήκει πανταχοῦ τοῦ ὀχετοῦ εὗρον, καὶ
τὴν οἰκοδομίαν, ᾗ ὁ λίθος πρὸς τῶν Γότθων ἀφῄρητο, κατανενοηκότες
Βελισαρίῳ ἀπήγγελλον. Διὸ δὴ αὐτός τε τὸν ὀχετὸν ἐν μεγάλῃ φυλακῇ
ἔσχε καὶ οἱ Γότθοι αἰσθόμενοι ταύτης δὴ τῆς πείρας ἀπέσχοντο. Ἔπειτα δὲ
καὶ ἐκ τοῦ ἐμφανοῦς ἔφοδον κατὰ τοῦ περιβόλου ἐμηχανῶντο οἱ βάρβαροι.
2. Τηρήσαντες οὖν τὸν τοῦ ἀρίστου καιρὸν κλίμακάς τε καὶ πῦρ
ἐπαγόμενοι, ἥκιστα τῶν πολεμίων προσδεχομένων, ἐπὶ πυλίδα Πιγκιανὴν
ᾔεσαν, ἐλπίδι θαρροῦντες ἐξ ἐπιδρομῆς τὴν πόλιν αἱρήσειν, ἅτε οὐ πολλῶν
στρατιωτῶν ἐνταῦθα λειφθέντων. Ἔτυχε δὲ Ἰλδίγερ τηνικαῦτα ξὺν τοῖς
ἑπομένοις φυλακὴν ἔχων· ἕκαστοι γὰρ ἐκ περιτροπῆς ἐς τὴν φρουρὰν
ἐτετάχατο. Ἐπεὶ οὖν εἶδε προσιόντας οὐκ ἐν τάξει τοὺς πολεμίους,
ἀπήντησέ τε οὐ ξυντεταγμένοις ἐς παράταξιν, ἀλλὰ ξὺν πολλῇ ἀκοσμίᾳ
ἰοῦσι, καὶ τοὺς κατ´ αὐτὸν οὐδενὶ πόνῳ τρεψάμενος συχνοὺς ἔκτεινε.
Κραυγῆς δὲ μεγάλης καὶ ταραχῆς ἀνὰ τὴν πόλιν, ὡς τὸ εἰκὸς, γεγενημένης
Ῥωμαῖοί τε ὡς τάχιστα πανταχόσε τοῦ περιβόλου ξυνέρρεον καὶ οἱ
βάρβαροι ἄπρακτοι ἐς τὰ στρατόπεδα οὐκ ἐς μακρὰν ἐχώρησαν. Οὐίττιγις
δὲ αὖθις ἐς ἐπιβουλὴν τοῦ περιβόλου καθίστατο. Καὶ, ἦν γάρ τις αὐτῷ
ἐπιμαχωτάτη μάλιστα μοῖρα, ᾗ τοῦ Τιβέριδος ἡ ὄχθη ἐστὶν, ἐπεὶ ταύτῃ οἱ
πάλαι Ῥωμαῖοι θαρσοῦντες τοῦ ὕδατος τῷ ὀχυρώματι τὸ τεῖχος
ἀπημελημένως ἐδείμαντο, βραχύ τε αὐτὸ καὶ πύργων ἔρημον παντάπασι
ποιησάμενοι, ῥᾷον ἐνθένδε ἤλπιζε τὴν πόλιν αἱρήσειν. Οὐδὲ γὰρ οὐδέ τι
φυλακτήριον λόγου ἄξιον ἐνταῦθα τετύχηκεν εἶναι. Δύο οὖν Ῥωμαίους ἀμφὶ
τὸν Πέτρου τοῦ ἀποστόλου νεὼν ᾠκημένους χρήμασιν ἀναπείθει οἴνου
ἀσκὸν ἔχοντας παρὰ τοὺς ἐκείνῃ φρουροὺς ἰέναι περὶ λύχνων ἁφὰς, καὶ
αὐτοῖς τὸν οἶνον τρόπῳ ὅτῳ δὴ φιλοφροσύνην ἐνδεικνυμένους χαρίζεσθαι,
εἶτα ξὺν αὐτοῖς πόρρω τῶν νυκτῶν καθημένους πίνειν, ἑκάστῳ τε ἐς τὴν
κύλικα ὑπνωτικὸν ἐμβαλεῖν φάρμακον, ὅπερ σφίσιν αὐτὸς ἐδεδώκει.
Ἀκάτους δὲ λάθρα ἐν τῇ ἑτέρᾳ ὄχθῃ ἐν παρασκευῇ ποιησάμενος εἶχεν, αἷς
δὴ τῶν βαρβάρων τινὰς, ἐπειδὰν τάχιστα οἱ φύλακες ὕπνῳ ἔχοιντο, ξὺν
κλίμαξιν ἐκ σημείου ἑνὸς τὸν ποταμὸν διαβαίνοντας τὴν ἐπίθεσιν τῷ
περιβόλῳ ποιήσασθαι. Τό τε στράτευμα ἐς τοῦτο ἡτοίμαζεν ὅλον, ὅπως
ἅπασα κατὰ κράτος ἡ πόλις ἁλῴη. Τούτων δὲ οὕτω ξυγκειμένων σφίσι,
τοῖν ἀνδροῖν ἅτερος τοῖν Οὐιττίγιδι ἐς ταύτην δὴ παρεσκευασμένοιν τὴν
ὑπουργίαν (οὐ γὰρ ἔδει Ῥωμαίους τούτῳ τῷ Γότθων στρατοπέδῳ ἁλῶναι)
αὐτεπάγγελτος ἐλθὼν Βελισαρίῳ τε ἅπαντα φράζει καὶ τὸν ἕτερον
ἐνδείκνυσιν. Ὃς δὴ αἰκιζόμενος ἐς φῶς τε ἅπαντα ἤνεγκεν ὅσα δρᾶν
ἔμελλε καὶ τὸ φάρμακον ἐπεδείκνυεν, ὅπερ Οὐίττιγις αὐτῷ ἐδεδώκει. Καὶ
αὐτοῦ Βελισάριος τήν τε ῥῖνα καὶ τὰ ὦτα λωβησάμενος ἐς τῶν πολεμίων τὸ
χαράκωμα ὄνῳ ὀχούμενον ἔπεμψε. Καὶ κατιδόντες αὐτὸν οἱ βάρβαροι
ἔγνωσαν ὡς ὁ θεὸς οὐκ ἐῴη σφῶν τὰ βουλεύματα ὁδῷ ἰέναι, καὶ δι´ αὐτὸ
οὐκ ἄν ποτε ἡ πόλις σφίσιν ἁλώσιμος εἴη.
|
|
Traduction française :
| [6,9] CHAPITRE IX.
1. LES Goths ayant résolu, bientôt après, de faire une entreprise sur
les murailles de Rome, firent entrer quelques-uns de leur gens dans un
aqueduc, dont ils avaient détourné l'eau dès le commencement de la
guerre. Comme ils tâchaient de pénétrer par cet aqueduc jusque dans la
ville, un soldat du corps de garde de la porte Pinciana aperçut les
flambeaux qu'ils avaient pour se conduire, et en avertit ses compagnons,
qui parce que l'aqueduc n'était pas élevé hors de terre, dirent, que ce
n'était qu'un loup, dont les yeux étincelaient, qui avait été vu. Quand ils
eurent marché jusqu'au bout du canal, ils en trouvèrent la sortie, qui avait
été fermée par l'ordre de Bélisaire, dès le commencement de la guerre,
comme je l'ai dit dans le premier livre. Ils se contentèrent d'en arracher
une petite pierre, de la porter à Vitigis, et de lui exposer l'état où ils
avaient trouvé les choses. Alors ce prince délibéra sur cette affaire, avec
les personnes les plus considérables de son Conseil. Le lendemain,
comme l'on s'entretenait dans le corps de garde, du soupçon que l'on
avait eu le jour précédent, et du loup que l'on avait ou vu, ou cru voir,
Bélisaire crut se devoir éclaircir de la vérité, et faire visiter l'aqueduc par
quelques-uns des plus braves de ses soldats, à la tête desquels il mit
Diogène. Quand ceux-ci eurent reconnu les marques des flambeaux, et
l'endroit d'où la pierre avait été arrachée, ils le rapportèrent fidèlement à
Bélisaire, qui fit garder soigneusement l'aqueduc ; ce qui obligea les
Barbares d'abandonner l'entreprise.
2. Ensuite ils donnèrent un assaut avec des échelles, et avec des
feux d'artifice du côté de la porte Pinciana. L'assurance qu'ils avaient qu'il
était resté fort peu de soldats dans la garnison, leur donnait l'espérance
d'un heureux succès. Ildiger, qui faisait garde à son tour de ce côté-là,
ayant aperçu les ennemis qui venaient attaquer les murailles, courut au
devant d'eux et les tailla en pièces. Les habitants y accoururent aussi en
foule et contraignirent les Barbares de se retirer dans leur camp. Vitigis fit
une nouvelle entreprise contre la partie des murailles qui était du côté du
Tibre, et qui était aisée à forcer, à cause qu'elle était basse, qu'il n'y avait
point de tours, et que la garnison en était faible. Il gagna par argent deux
Romains qui demeuraient proche de l'église de Saint Pierre, et il leur
persuada d'aller sur le soir trouver les soldats de la garnison, avec une
outre de vin, de les inviter à boire, et de jeter dans leur verre d'une drogue
propre à procurer le sommeil. Pour lui il tint des bateaux tout prêts pour
passer le Tibre, au premier signal qui lui serait donné de venir escalader
les murailles. D'ailleurs il prépara toutes ses troupes pour donner un
assaut général ; mais parce que Dieu n'avait pas agréable que Rome fût
prise par les Goths, un des deux que Vitigis avait corrompus, découvrit
cette menée à Bélisaire, et dénonça son complice, qui reconnut tout à la
question, et montra la drogue qu'il devait mêler dans le vin, pour endormir
les soldats. Bélisaire lui ayant fait couper le nez et les oreilles, l'envoya
sur un âne au camp des ennemis; ce qui fit juger aux Barbares que Dieu
était contraire à leurs desseins et que jamais ils ne prendraient Rome.
|
|
