Texte grec :
| [6,27] CHAPITRE XXVII.
1. Βελισάριος δὲ οὐδέν τι ἧσσον ἀντέχοντας τῇ ταλαιπωρίᾳ τοὺς
βαρβάρους ὁρῶν ἐς τοῦ ὕδατος καθίστασθαι τὴν ἐπιβουλὴν διενοεῖτο,
ταύτῃ ῥᾷόν τε καὶ εὐπορώτερον αἱρήσειν τοὺς πολεμίους οἰόμενος. Καὶ, ἦν
γάρ τις κρήνη Αὐξίμου πρὸς βορρᾶν ἄνεμον ἐν χώρῳ κρημνώδει, τοῦ
περιβόλου ἀπέχουσα ὅσον λίθου βολὴν, κατὰ βραχὺ μάλιστα τὸν ῥοῦν
ἀφιεῖσα ἔς τινα δεξαμενὴν αὐτόθι ἐκ παλαιοῦ οὖσαν, ἥ τε δεξαμενὴ πλήρης
γεγενημένη ἐκ ταύτης δὴ τῆς ὀλίγης ἐπιρροῆς παρείχετο πόνῳ οὐδενὶ τοῖς
ἐν Αὐξίμῳ ὑδρεύεσθαι, ἔννοιά τις Βελισαρίῳ ἐγένετο ὡς, ἢν μὴ τὸ ὕδωρ
ἐνταῦθα ξυσταίη, οὐ μή ποτε οἷοί τε ὦσιν οἱ βάρβαροι πρὸς τῶν πολεμίων
βαλλόμενοι ἐν χρόνῳ πολλῷ ἀπὸ τῆς ἐπιρροῆς τοὺς ἀμφορέας
ἐμπλήσασθαι. Διαφθεῖραι γοῦν ἐθέλων τὴν δεξαμενὴν ἐπενόει τάδε.
Ἐξοπλίσας τὸ στράτευμα ὅλον, κύκλῳ τε αὐτὸ ἀμφὶ τὸν περίβολον ὡς ἐς
μάχην ταξάμενος, δόκησιν τοῖς ἐναντίοις παρείχετο ὡς τῷ τειχίσματι
προσβαλεῖν αὐτίκα δὴ μάλα πανταχόθεν μέλλοι. Διὸ δὴ κατωρρωδηκότες
τὴν ἔφοδον οἱ Γότθοι ἐν ταῖς ἐπάλξεσιν ἡσυχῆ ἔμενον, ὡς ἐνθένδε
ἀμυνούμενοι τοὺς πολεμίους. Ἐν τούτῳ δὲ Βελισάριος Ἰσαύρους πέντε
τοὺς ἐς τὰς οἰκοδομίας ἐμπείρους ξύν τε πελέκεσι καὶ ἄλλοις ὀργάνοις ἐς
λίθων ἐκτομὰς ἐπιτηδείοις ἐς τὴν δεξαμενὴν ἀσπίδων πλήθει
κρυπτομένους ἐσήγαγε, διαφθεῖραί τε καὶ διελεῖν τοὺς τοίχους πάσῃ
δυνάμει κατὰ τάχος ἐκέλευεν. Οἱ δὲ βάρβαροι τέως μὲν τοὺς ἄνδρας ἐπὶ τὸ
τεῖχος ὑπώπτευον ἰέναι, ἡσυχίαν ἦγον, ὅπως ἂν ὡς ἀγχοτάτω γενομένους
εὐπετῶς βάλλοιεν, ἐν νῷ τὸ ποιούμενον ἥκιστα ἔχοντες· ἐπεὶ δὲ τοὺς
Ἰσαύρους ἐντὸς γενομένους τῆς δεξαμενῆς εἶδον, λίθους τε καὶ τοξεύματα
πάντα ἐπ´ αὐτοὺς ἔβαλλον. Τότε δὴ οἱ μὲν ἄλλοι Ῥωμαῖοι ἅπαντες
ὑπεχώρουν δρόμῳ, μόνοι δὲ οἱ πέντε Ἴσαυροι, ἐπεὶ ἐγένοντο ἐν τῷ
ἀσφαλεῖ, ἔργου εἴχοντο. Κύρτωμα γάρ τι ὑπὲρ τοῦ ὕδατος σκιᾶς ἕνεκα τοῖς
πάλαι ἀνθρώποις τῇδε πεποίηται. Οὗ δὴ ἐντὸς γεγενημένοι ὡς ἥκιστα τῶν
πολεμίων, καίπερ συχνὰ βαλλόντων ἐφρόντιζον.
2. Διὸ δὴ οἱ Γότθοι ἐντὸς τοῦ περιβόλου μένειν οὐκέτι ἠνείχοντο, ἀλλὰ
ἀνοίξαντες τὴν ταύτῃ πυλίδα ἐπὶ τοὺς Ἰσαύρους ἅπαντες θυμῷ τε πολλῷ
καὶ θορύβῳ ἐχόμενοι ᾔεσαν. Καὶ οἱ Ῥωμαῖοι Βελισαρίου σφίσιν
ἐγκελευομένου σπουδῇ πολλῇ ὑπηντίαζον. Γίνεται μὲν οὖν μάχη καρτερὰ
ἐν χρόνῳ πολλῷ ὠθισμὸν ἔχουσα καὶ φόνος ἑκατέρων πολύς. Ῥωμαίων
δὲ μᾶλλον συχνοὶ ἔπιπτον. Ἅτε γὰρ οἱ βάρβαροι ὕπερθεν ἀμυνόμενοι
ὀλίγοι τε πολλοὺς ἐβιάζοντο καὶ τῷ ὠθισμῷ περιγενόμενοι πλείους
ἔκτεινον ἢ αὐτοὶ ἔθνησκον. Ἐνδιδόναι μέντοι Ῥωμαῖοι οὐδαμῆ ἤθελον,
παρόντα τε καὶ κραυγῇ ἐγκελευόμενον Βελισάριον αἰσχυνόμενοι. Τότε δὴ
καὶ βέλος τι ἐπὶ τοῦ στρατηγοῦ τὴν γαστέρα ᾔει ξὺν ῥοίζῳ πολλῷ, πρός
του τῶν ἐναντίων, εἴτε τύχῃ τινὶ εἴτε προνοίᾳ ἐνταῦθα βληθέν. Ὅπερ
Βελισάριος μὲν ὡς ἥκιστα εἶδεν. Οὐ γὰρ οὖν οὔτε φυλάσσεσθαι οὔτε πη
ἐκτρέπεσθαι ἴσχυσε. Δορυφόρος δέ τις Οὐνίγαστος ὄνομα παρ´ αὐτὸν
ἑστηκὼς κατενόησέ τε οὐκ ἄποθεν ὂν τῆς Βελισαρίου γαστρὸς, καὶ χεῖρα
τὴν δεξιὰν προβαλλόμενος ἔσωσε μὲν τὸν στρατηγὸν ἐκ τοῦ παραδόξου,
αὐτὸς δὲ πληγεὶς τῷ τοξεύματι εὐθὺς μὲν περιώδυνος γεγονὼς
ἀνεχώρησε. Μετὰ δὲ τῶν νεύρων οἱ ἀποκοπέντων οὐκέτι τὴν χεῖρα
ἐνεργεῖν ἴσχυσεν. Ἥ τε μάχη πρωὶ ἀρξαμένη ἐς μέσην ἡμέραν ἀφίκετο. Καὶ
τῶν Ἀρμενίων ἄνδρες ἑπτὰ ὑπό τε Ναρσῇ καὶ Ἀρατίῳ τασσόμενοι ἔργα
ἐπεδείξαντο ἀρετῆς ἄξια, ἔς τε τὴν δυσχωρίαν, ἣ μάλιστα ἀνάντης ἦν,
ὥσπερ ἐν τῷ ὁμαλεῖ περιθέοντες καὶ κτείνοντες τῶν πολεμίων τοὺς ἀεὶ
σφίσιν ἀντιστατοῦντας, ἕως διωσάμενοι τοὺς ἐκείνῃ βαρβάρους ἐτρέψαντο.
Οἵ τε ἄλλοι Ῥωμαῖοι ἐνδιδόντας ὁρῶντες ἤδη τοὺς πολεμίους ἐδίωκον καὶ ἡ
τροπὴ λαμπρὰ ἐγεγόνει, οἵ τε βάρβαροι αὖθις ἐντὸς τοῦ περιβόλου
ἐγένοντο.
3. Ῥωμαῖοι μὲν οὖν τήν τε δεξαμενὴν διεφθάρθαι καὶ τοῖς Ἰσαύροις
ἅπαν ἐπιτετελέσθαι τὸ ἔργον ᾤοντο, οἱ δὲ οὐδὲ ὅσον χάλικα ἐνθένδε
ἀφελέσθαι παντελὲς ἴσχυσαν. Οἱ γὰρ πάλαι τεχνῖται, ἀρετῆς ἐς τὰ ἔργα
ἐπιμελούμενοι μάλιστα, οὕτω δὴ καὶ ταύτην τὴν οἰκοδομίαν εἰργάσαντο,
ὥστε μήτε χρόνῳ μήτε ἀνθρώπων ἐπιβουλῇ εἴκειν. Ἄπρακτοι γοῦν οἱ
Ἴσαυροι, ἐπειδὴ Ῥωμαίους τοῦ χώρου κρατήσαντας εἶδον, ἐκ τῆς
δεξαμενῆς ἀπαλλαγέντες ἐς τὸ στρατόπεδον ἀπεχώρησαν. Διὸ δὴ
Βελισάριος τῶν τε ζῴων τὰ νεκρὰ καὶ βοτάνας ἐς ἀνθρώπου φθορὰν
ἱκανῶς πεφυκυίας ῥίπτειν ἐν τῷ ὕδατι τοὺς στρατιώτας ἐκέλευε καὶ λίθον
κατακεκαυμένην ἐνδελεχέστατα (ἣν πάλαι μὲν τίτανον, τανῦν δὲ ἄσβεστον
καλεῖν νενομίκασιν) ἐμβαλόντας ἐνταῦθα σβεννύειν. Καὶ οἱ μὲν κατὰ ταῦτα
ἐποίουν, οἱ δὲ βάρβαροι φρέατι ἐντὸς τοῦ περιβόλου ὕδωρ τι βραχὺ ὡς
μάλιστα ἔχοντι, ἐν τούτῳ δὴ τῷ χρόνῳ ἐλασσόνως ἢ κατὰ τὴν χρείαν
ἐχρῶντο. Καὶ τὸ λοιπὸν Βελισάριος οὔτε βίᾳ τὸ χωρίον ἑλεῖν οὔτε τινὰ
ἐπιβουλὴν ἐπιδείξασθαι ὕδατος πέρι ἢ ἄλλου ὁτουοῦν ἐν σπουδῇ ἐποιεῖτο,
μόνῳ τῷ λιμῷ περιέσεσθαι τῶν πολεμίων ἐλπίδα ἔχων. Καὶ ἀπ´ αὐτοῦ τῆς
φυλακῆς ἰσχυρότατα ἐπεμελεῖτο. Οἵ τε Γότθοι καραδοκοῦντες ἔτι τὸν ἐκ
Ῥαβέννης στρατὸν ἐν πολλῇ ἀπορίᾳ τῶν ἀναγκαίων ἡσύχαζον.
4. Ἤδη δὲ οἱ ἐν Φισούλῃ πολιορκούμενοι ὡς μάλιστα τῷ λιμῷ
ἐπιέζοντο, φέρειν τε τὸ κακὸν οὐχ οἷοί τε ὄντες, ἀπειπόντες δὲ καὶ πρὸς τὴν
ἐκ Ῥαβέννης ἐλπίδα, τοῖς ἐναντίοις προσχωρεῖν ἔγνωσαν. Κυπριανῷ
τοίνυν καὶ Ἰουστίνῳ ἐς λόγους ἐλθόντες, τά τε πιστὰ ὑπὲρ τῶν σωμάτων
λαβόντες, σφᾶς τε αὐτοὺς καὶ τὸ φρούριον ὁμολογίᾳ παρέδοσαν. Καὶ
αὐτοὺς οἱ ἀμφὶ Κυπριανὸν ξὺν τῷ Ῥωμαίων στρατῷ ἐπαγόμενοι, φρουράν
τε αὐτάρκη ἐν Φισούλῃ καταστησάμενοι, ἐς Αὔξιμον ἦλθον. Βελισάριος δὲ
αὐτῶν τοὺς ἡγουμένους τοῖς ἐν Αὐξίμῳ βαρβάροις ἀεὶ ἐνδεικνύμενος
ἐκέλευε τῆς ἀπονοίας μεθίεσθαι, τὴν ἐκ Ῥαβέννης ἀποσεισαμένοις ἐλπίδα·
ὄνησις γάρ τις οὐ μή ποτε οὐδὲ αὐτοῖς ἔσται, ἀλλ´ ἐπὶ πλεῖστον τῇ
ταλαιπωρίᾳ κεκακωμένοι οὐδὲν ἧσσον ἐς ταὐτὸν τύχης τοῖς ἐν Φισούλῃ
ἀφίξονται. Οἱ δὲ πολλὰ ἐν σφίσιν αὐτοῖς λογισάμενοι, ἐπειδὴ τῷ λιμῷ
οὐκέτι ἀντεῖχον, τούς τε λόγους ἐνεδέχοντο καὶ παραδοῦναι τὴν πόλιν
ἠξίουν, ἐφ´ ᾧ αὐτοὶ ἀπαθεῖς κακῶν ξὺν τοῖς χρήμασιν ἐπὶ Ῥαβέννης
πορεύσονται. Διὸ δὴ Βελισάριος τοῖς παροῦσι διηπορεῖτο, πολεμίους μὲν
τοιούτους τε τὴν ἀρετὴν καὶ τοσούτους τὸ πλῆθος τοῖς ἐν Ῥαβέννῃ
ἀναμίγνυσθαι ἀξύμφορον εἶναι οἰόμενος, τοῦ δὲ καιροῦ ὑστερῆσαι ὡς
ἥκιστα ἤθελεν, ἀλλ´ ἐπὶ Ῥάβεννάν τε καὶ Οὐίττιγιν, ᾐωρημένων ἔτι τῶν
πραγμάτων, ἰέναι. Φράγγοι γὰρ αὐτὸν ξυνετάρασσον, Γότθοις ἐς
ἐπικουρίαν ἀφίξεσθαι αὐτίκα δὴ μάλα ἐπίδοξοι ὄντες. ὧν δὴ προτερῆσαι
τὴν παρουσίαν ἐν σπουδῇ ἔχων διαλύειν τὴν προσεδρείαν μήπω Αὐξίμου
ἁλούσης οὐχ οἷός τε ἦν. Οἵ τε στρατιῶται οὐκ εἴων συγχωρεῖν τοῖς
βαρβάροις τὰ χρήματα, τραύματα μὲν πολλὰ ἐνδεικνύμενοι, ὧνπερ
ἐνταῦθα πρὸς αὐτῶν ἔτυχον, πόνους δὲ πάντας ἀπαριθμοῦντες τοὺς ἐν
ταύτῃ σφίσι τῇ πολιορκίᾳ ξυμπεπτωκότας, ὧν δὴ ἆθλα εἶναι τῶν
ἡσσημένων τὰ λάφυρα ἰσχυρίζοντο. Τέλος δὲ οἵ τε Ῥωμαῖοι καιροῦ ὀξύτητι
ἀναγκασθέντες, καὶ Γότθοι τῷ λιμῷ βιαζόμενοι ξυνίασιν ἀλλήλοις, ἐφ´ ᾧ
τῶν μὲν χρημάτων τὰ ἡμίσεια Ῥωμαῖοι ἐν σφίσιν αὐτοῖς διανέμωνται, τὰ δὲ
λειπόμενα Γότθοι ἔχοντες βασιλέως κατήκοοι ὦσιν. Ἑκάτεροι τοίνυν ὑπὲρ
τούτων τὰ πιστὰ ἔδοσαν, Ῥωμαίων μὲν οἱ ἄρχοντες τὰ ξυγκείμενα κύρια
εἶναι, Γότθοι δὲ τῶν χρημάτων οὐδ´ ὁτιοῦν ἀποκρύψασθαι. Οὕτω τε δὴ τὰ
χρήματα πάντα ἐνείμαντο καὶ Ῥωμαῖοι μὲν Αὔξιμον ἔσχον, οἱ δὲ βάρβαροι
τῷ βασιλέως στρατεύματι ἀνεμίγνυντο.
|
|
Traduction française :
| [6,27] CHAPITRE XXVII.
1. BÉLISAIRE surpris de l'invincible fermeté avec laquelle les
Barbares enduraient les misères du siège, s'imagina qu'il n'y avait point
de moyen plus propre pour les réduire, que de leur ôter la commodité de
l'eau. Il y avait une source à un jet de pierre des murailles du côté du
Septentrion, d'où un petit ruisseau coulait dans le fond d'une grotte, qui
servait comme de bassin aux habitants pour y puiser l'eau. Bélisaire
jugeant que si la grotte était une fois rompue, les habitants ne pourraient
plus prendre de l'eau avec leurs cruches au courant du ruisseau, tandis
que l'on tirerait sur eux, prît la résolution de la rompre ; et pour cet effet il
commanda à toutes ses troupes de se tenir prêtes, comme pour donner
un assaut. Les Goths se tenaient au haut de leurs murailles, pour le
soutenir. Bélisaire fit entrer dans la grotte, à la faveur de divers boucliers,
cinq Isauriens, qui étaient tailleurs de pierre, avec toute sorte
d'instruments, et leur commanda d'en abattre les murs. Les Barbares, qui
ne concevaient pas le dessein des Romains, croyaient qu'ils venaient
droit aux murailles, et ils se tenaient prêts pour les percer, lors qu'ils en
seraient approchés. Mais quand ils les virent aller vers la grotte, ils y
jetèrent une grande quantité de pierres et de traits. Quand les cinq
Isauriens y furent entrés, ils y travaillèrent à couvert, sans se mettre en
peine des traits, ni des flèches des assiégés. Pour les Romains, ils se
retirèrent.
2. Les Barbares ne se pouvant plus retenir, ouvrirent une de leurs
portes, et coururent avec furie sur les Isauriens. Les Romains animés par
Bélisaire, allèrent courageusement au-devant. Le combat fut rude et
sanglant; mais comme les Barbares avaient l'avantage de la colline, ils
tuèrent plus de Romains qu'ils ne perdirent de leurs gens. Toutefois ils ne
les purent mettre en fuite, à cause qu'ils étaient soutenus par la présence
de leur général. Il y eut dans cette mêlée une flèche, qui, soit à dessein,
ou par hasard, fut tirée droit au ventre de Bélisaire, qui ne la voyant pas,
n'avait garde de la parer ; mais un de ses gardes, nommé Unigat, l'ayant
aperçue, mit la main devant, et reçut le coup. La violence de la douleur
qu'il ressentait l'obligea à sortir du combat. Il en eut les nerfs coupés, et
ne put jamais s'aider de la main. Le combat dura depuis le matin jusqu'à
midi. Il y eut sept Arméniens des troupes de Narsès et d'Aratius, qui s'y
signalèrent, et qui courant sur les rochers les plus escarpés, comme en
une rase campagne, passèrent au fil de l'épée tous les Barbares qui
osèrent leur résister, jusqu'à ce qu'ils contraignirent les autres de prendre
la fuite. Quand les Goths commencèrent à plier, ils furent poursuivis
encore plus vivement qu'auparavant, et repoussés jusque dans leur ville.
3. Les Romains croyaient que les Isauriens avaient abattu toute la
grotte, et ils n'en avaient pas seulement détaché une pierre. Les anciens,
qui employaient tout l'art dont ils étaient capables, à rendre leurs
bâtiments solides et durables, avaient fait celui-ci à l'épreuve des injures
du temps, et de la violence des hommes. Quand les Isauriens virent que
les Romains étaient demeurés maîtres du champ de bataille, ils sortirent
de la grotte, et s'en retournèrent dans le camp. Cela fut cause que
Bélisaire commanda aux soldats de jeter dans la fontaine des cadavres,
et des herbes venimeuses, et d'y éteindre une pierre que l'on appelait
autrefois chaux, et que l'on appelle maintenant asbeste. Après que cela
fut exécuté, les Barbares n'eurent plus que de l'eau d'un puits, qui ne
pouvait suffire à toutes les nécessités de la ville. Mais le général de
l'armée Romaine ne s'attendait plus à les prendre par la force, ni par les
ruses, ni par la disette d'eau : il espérait seulement les réduire par la
famine ; et il gardait pour ce sujet les partages le plus étroitement qu'il
était possible. Les Goths, qui se flattaient toujours de l'espérance du
secours qui leur était promis de Ravenne, tenaient ferme dans leur place,
quoique réduits à la dernière nécessité par les rigueurs de la faim.
4. Pour ce qui est des habitants de Fésule, comme ils ne pouvaient
plus supporter la disette de toutes choses, ils se résolurent de se rendre.
Ayant donc conféré avec Cyprien et avec Justin, ils leur livrèrent le port, à
la charge que l'on les assurerait de leur vie. Cyprien y ayant laissé une
garnison suffisante, mena tous ceux qu'il en avait tirés à Auxime, où
Bélisaire montrant aux assiégés les chefs qui avaient défendu Fésule, il
les exhorta à quitter la folle espérance qui les avait si longtemps trompés;
et il leur représenta, qu'après s'être consumés de maux, ils seraient enfin
obligés de subir la même loi que ceux de ce fort. Comme il leur était
impossible de supporter plus longtemps la famine, après avoir délibéré
entre eux, ils demeurèrent d'accord de se rendre, à condition qu'il leur
serait permis d'emporter leurs richesses, et de se retirer à Ravenne.
Bélisaire avait un peu de peine à consentir, que des ennemis si
considérables par leur valeur et par leur nombre, allassent se joindre à
ceux de Ravenne, qu'il avait dessein d'aller assiéger sur-le-champ. La
puissance des Français lui causait aussi de fâcheuses inquiétudes ; car
comme il y avait apparence qu'ils reviendraient bientôt au secours des
Goths, il avait envie de prévenir leur retour, et ne voulait pas toutefois
laisser Auxime sans la prendre. D'ailleurs, ses soldats le conjuraient de ne
pas accorder aux Barbares la liberté d'emporter toutes leurs richesses. Ils
lui montraient les blessures qu'ils avaient reçues durant le siège ; ils
contaient les travaux qu'ils avaient soufferts, et ils soutenaient que les
dépouilles des vaincus leur appartenaient. Enfin, les Romains, pressés
par la nécessité du temps, et les Goths par celle de la famine,
s'accordèrent, à condition qu'ils partageraient également l'argent, et que
les Goths demeureraient soumis à l'obéissance de l'Empereur. Les chefs
des Romains donnèrent assurance que l'accord serait exécuté de bonne
foi ; et les Goths qu'ils ne détourneraient rien de leur argent. Ainsi l'argent
ayant été partagé, les Romains prirent possession d'Auxime, et les Goths
prirent parti dans l'armée romaine.
|
|
