Texte grec :
| [6,16] CHAPITRE XVI.
1. Βελισάριος δὲ καὶ Ναρσῆς ξὺν ἀμφοτέροις στρατεύμασιν ἀλλήλοις
ἀνεμίγνυντο ἀμφὶ πόλιν Φίρμον, ἣ κεῖται μὲν παρὰ τὴν ἠϊόνα τοῦ Ἰονίου
κόλπου, ἀπέχει δὲ Αὐξίμου πόλεως ἡμέρας ὁδόν. Ἐνταῦθα δὲ ξὺν πᾶσι
τοῖς τοῦ στρατοῦ ἄρχουσιν ἐν βουλῇ ἐποιοῦντο, ὅπη ποτὲ σφίσι πρότερον
ἐπὶ τοὺς πολεμίους ἰοῦσι μᾶλλον ξυνοίσει. Ἤν τε γὰρ ἐπὶ τοὺς Ἀρίμινον
πολιορκοῦντας χωρήσειαν, τοὺς ἐν Αὐξίμῳ ὑπώπτευον μὴ κατὰ νώτου
ἰόντες σφᾶς τε καὶ Ῥωμαίους τοὺς ταύτῃ ᾠκημένους τὰ ἀνήκεστα, ὡς τὸ
εἰκὸς, δράσωσι, καὶ ἀμφὶ τοῖς πολιορκουμένοις ἐδείμαινον μὴ τῇ ἀπορίᾳ
τῶν ἀναγκαίων δεινόν τι πάθωσιν. Οἱ μὲν οὖν πλεῖστοι Ἰωάννῃ χαλεπῶς
ἔχοντες ἐποιοῦντο τοὺς λόγους. Ἐπεκάλουν γάρ οἱ ὅτι θράσει τε ἀλογίστῳ
καὶ χρημάτων πολλῶν ἔρωτι ἐς τόσον κινδύνου ἀφίκοιτο, καὶ οὐκ ἐν τάξει
οὐδὲ ᾗ Βελισάριος ἐξηγεῖτο ἐῴη τὰ τοῦ πολέμου περαίνεσθαι. Ναρσῆς δὲ
(καὶ γάρ οἱ φίλτατος ἦν Ἰωάννης ἀνθρώπων ἁπάντων) δείσας μὴ
Βελισάριος πρὸς τὰ τοῖς ἄρχουσιν εἰρημένα ἐνδοὺς ἐν δευτέρῳ τὰ ἐν
Ἀριμίνῳ πράγματα θῆται ἔλεξε τοιάδε
„Οὐκ ἐν τοῖς εἰωθόσι διαλογίζεσθε, ἄνδρες ἄρχοντες, οὐδὲ ὑπὲρ ὧν
ἄν τις εἰκότως ἀμφιγνοήσειε τὴν βουλὴν ἔχετε, ἀλλ´ ἐν οἷς πάρεστι καὶ τοῖς
ἐς πολέμου πεῖραν οὐδεμίαν ἐλθοῦσι τὴν αἵρεσιν αὐτοσχεδιάζουσιν
ἑλέσθαι τὰ κρείσσω. Εἰ μὲν γὰρ ὅ τε κίνδυνος ἐν ἴσῳ εἶναι δοκεῖ καὶ βλάβος
ἑκατέρωθεν τοῖς γε ἀποτυχοῦσιν ἀντίπαλον, βουλεύεσθαί τε ἱκανῶς ἄξιον
καὶ λογισμῶν ἐπὶ πλεῖστον ἰοῦσιν οὕτω ποιεῖσθαι τὴν ὑπὲρ τῶν παρόντων
διάγνωσιν. Ἡμεῖς δὲ εἰ μὲν τὴν ἐς Αὔξιμον προσβολὴν ἐς ἄλλον τινὰ
χρόνον ἀποθέσθαι βουλοίμεθα, τὴν ζημίαν ἐν τοῖς ἀναγκαίοις οὐδαμῶς
ἕξομεν· τί γὰρ ἂν μεταξὺ τὸ διαλλάσσον εἴη; ἐν Ἀριμίνῳ δὲ, ὡς τὸ εἰκὸς,
σφαλέντες, εἰ μὴ λίαν πικρὸν εἰπεῖν ᾖ, τὴν Ῥωμαίων ἰσχὺν καταλύσομεν. Εἰ
μὲν οὖν Ἰωάννης ἐς τὰς σὰς ἐντολὰς ὕβρισεν, ἄριστε Βελισάριε, πολλήν γε
τὴν δίκην ἔχεις παρ´ ἐκείνου λαβὼν, ἐπεί σοι πάρεστι σώζειν τε τὸν
ἐπταικότα καὶ τοῖς πολεμίοις προΐεσθαι. Σκόπει δὲ μὴ τὰς ποινὰς ὧν
Ἰωάννης ἀγνοήσας ἥμαρτε παρὰ βασιλέως τε καὶ ἡμῶν λάβῃς. Εἰ γὰρ νῦν
Ἀρίμινον ἐξέλωσι Γότθοι, στρατηγόν τε αὐτοῖς Ῥωμαίων δραστήριον καὶ
στράτευμα ὅλον καὶ πόλιν κατήκοον βασιλεῖ δορυάλωτον πεποιῆσθαι
ξυμβήσεται. Καὶ οὐκ ἄχρι τούτου στήσεται τὸ δεινὸν, ἀλλὰ καὶ ξύμπασαν
καταστῆσαι τὴν τοῦ πολέμου δυνήσεται τύχην. Οὑτωσὶ γὰρ λογίζου περὶ
τῶν πολεμίων, ὡς πλήθει μὲν στρατιωτῶν ἔτι καὶ νῦν ἡμῶν παρὰ πολὺ
προὔχουσιν, ἐς ἀνανδρίαν δὲ οἷς πολλάκις ἐσφάλησαν ἐμπεπτώκασιν.
Εἰκότως· τὸ γὰρ τῆς τύχης ἐναντίωμα πᾶσαν αὐτῶν τὴν παρρησίαν
ἀφείλετο. Ἢν τοίνυν ἐν τῷ παρόντι εὐημερήσωσι, τό τε φρόνημα οὐκ ἐς
μακρὰν ἀπολήψονται καὶ τὸ λοιπὸν οὐκ ἐξ ἀντιπάλου μόνον ἡμῖν τῆς
τόλμης, ἀλλὰ καὶ πολλῷ μειζόνως τὸν πόλεμον τόνδε διοίσουσι. Φιλοῦσι
γὰρ οἱ τῶν δυσκόλων ἀπαλλασσόμενοι τῶν οὔπω δεδυστυχηκότων
ἀμείνους ἀεὶ τὰς γνώμας εἶναι.“
Ναρσῆς μὲν τοσαῦτα εἶπε.
2.Στρατιώτης δέ τις ἐξ Ἀριμίνου λαθὼν τῶν βαρβάρων τὴν φυλακὴν ἔς
τε τὸ στρατόπεδον ἦλθε καὶ Βελισαρίῳ γράμματα ἔδειξεν, ἃ πρὸς αὐτὸν
Ἰωάννης ἔγραψεν. Ἐδήλου δὲ ἡ γραφὴ τάδε
„Ἅπαντα ἡμᾶς τὰ ἐπιτήδεια χρόνου πολλοῦ ἐπιλελοιπέναι καὶ τὸ
λοιπὸν μήτε πρὸς τὸν δῆμον ἀντέχειν ἡμᾶς ἴσθι μήτε τοὺς ἐπιόντας
ἀμύνεσθαι οἵους τε εἶναι, ἀλλ´ ἑπτὰ ἡμερῶν ἀκουσίους ἡμᾶς τε αὐτοὺς καὶ
πόλιν τήνδε τοῖς πολεμίοις ἐγχειριεῖν· περαιτέρω γὰρ βιάζεσθαι τὴν
παροῦσαν ἀνάγκην ἥκιστα ἔχομεν, ἥνπερ ἀπολογεῖσθαι ὑπὲρ ἡμῶν, ἤν τι
οὐκ εὐπρεπὲς δράσωμεν, ἀξιόχρεων οἶμαι.“
3. Ἰωάννης μὲν ἔγραψεν ὧδε. Βελισάριος δὲ διηπορεῖτό τε καὶ ἐς
ἀμηχανίαν ἐπὶ πλεῖστον ἐξέπιπτε. Περί τε γὰρ τοῖς πολιορκουμένοις
ἐδείμαινε καὶ τοὺς ἐν Αὐξίμῳ πολεμίους ὑπώπτευε δῃώσειν μὲν
ἀδεέστερον ἅπαντα περιιόντας τὰ ἐκείνῃ χωρία, σφῶν δὲ κατόπισθεν τὸ
στρατόπεδον ἐνεδρεύσοντας, ἄλλως τε καὶ ἡνίκα ἂν τοῖς ἐναντίοις
προσμίξειαν, πολλά τε κακὰ καὶ ἀνήκεστα, ὡς τὸ εἰκὸς, διεργάσεσθαι.
Ἔπειτα μέντοι ἐποίει τάδε. Ἀράτιον μὲν ξὺν χιλίοις ἀνδράσιν αὐτοῦ ἔλιπεν,
ἐφ´ ᾧ πρὸς τῇ θαλάσσῃ στρατόπεδον ποιήσονται, πόλεως Αὐξίμου
σταδίους διακοσίους ἀπέχον. Οὓς δὴ ἐκέλευε μήτε πη ἐξανισταμένους
ἐνθένδε ἰέναι μήτε διαμάχεσθαι τοῖς πολεμίοις, πλήν γε δὴ ὅσα ἐκ τοῦ
στρατοπέδου ἀμυνομένους, ἢν ἐκεῖνοί ποτε ἐπ´ αὐτοὺς ἴωσι. Ταύτῃ γὰρ
τοὺς βαρβάρους μάλιστα ἤλπιζεν ἄγχιστά που στρατοπεδευομένων
Ῥωμαίων ἔν τε Αὐξίμῳ ἡσυχῆ μενεῖν καὶ οὔποτε κακουργήσοντας σφίσιν
ἕψεσθαι. Στρατιὰν δὲ ἀξιολογωτάτην ξὺν ναυσὶν ἔπεμψεν, ἧς Ἡρωδιανός
τε καὶ Οὐλίαρις καὶ Ναρσῆς Ἀρατίου ἀδελφὸς ἦρχον. Αὐτοκράτωρ δὲ τῷ
στόλῳ Ἰλδίγερ ἐφειστήκει, ᾧ δὴ εὐθὺ Ἀριμίνου Βελισάριος ἐπέστελλε πλεῖν,
φυλασσομένῳ ὅπως μὴ μακρὰν ἀπολελειμμένου τοῦ πεζοῦ στρατοῦ
καταίρειν ἐς τὴν ἐκείνῃ ἀκτὴν ἐγχειρήσωσιν. Ὁδῷ γὰρ αὐτοὺς πορεύεσθαι
τῆς ἠϊόνος οὐ πολλῷ ἄποθεν. Καὶ στρατιὰν μὲν ἄλλην, ἧς Μαρτῖνος ἦρχε,
ταῖς ναυσὶ ταύταις παρακολουθοῦντας κατὰ τὴν παραλίαν ἐκέλευεν ἰέναι,
ἐντειλάμενος, ἐπειδὰν ἄγχιστα τῶν πολεμίων ἵκωνται, πυρὰ πλείονα καὶ οὐ
κατὰ λόγον τοῦ στρατοῦ καίειν, δόκησίν τε πλήθους πολλῷ πλείονος τοῖς
ἐναντίοις παρέχεσθαι. Αὐτὸς δὲ ἄλλην ὁδὸν τῆς ἠϊόνος ἀπωτάτω οὖσαν
ξύν τε Ναρσῇ καὶ τῷ ἄλλῳ στρατῷ διὰ πόλεως Οὐρβισαλίας ᾔει, ἣν δὴ ἐν
τοῖς ἔμπροσθεν χρόνοις οὕτως Ἀλάριχος καθεῖλεν ὥστε ἄλλο γε αὐτῇ οὐδ´
ὁτιοῦν ἀπολέλειπται τοῦ πρότερον κόσμου, ὅτι μὴ πύλης μιᾶς καὶ τῆς
κατασκευῆς τοῦ ἐδάφους λείψανόν τι βραχύ.
|
|
Traduction française :
| [6,16] CHAPITRE XVI.
1. BÉLISAIRE et Narsès joignirent leurs troupes, proches de la ville
de Ferme, assise sur le rivage du golfe ionique, à une journée d'Auxine, et
ils y tinrent un conseil composé de tous les chefs, dans lequel ils
délibérèrent par où il serait plus à propos d'attaquer l'ennemi. Ils
appréhendaient que s'ils allaient vers Ariminium (Rimini), pour en faire
lever le siège, les soldats de la garnison d'Auxime ne les vinssent charger
par derrière, et ne les incommodassent beaucoup. Ils craignaient d'autre
côté, que les assiégés ne fussent dans la disette, et ne tombassent en de
fâcheuses extrémités. La plupart blâmaient la conduite de Jean, et
l'accusaient de s'être précipités dans un si grand danger, par une témérité
aveugle, et par une avarice insatiable contre les ordres de Bélisaire, et
contre les règles de la guerre. Narsès qui était le meilleur de ses amis, et
qui appréhendait que Bélisaire, ému par les plaintes des chefs, ne
négligeât de secourir Ariminium (Rimini), parla en ces termes.
Permettez-moi de vous dire, que vous délibérez contre l'ordre et que
vous contestez sur un point, sur lequel il serait aisé, même aux personnes
les plus ignorantes en ce qui regarde la guerre, de prendre d'elles-mêmes
le bon parti. S'il se présentait de deux côtés différents, un péril égal, et
une perte égale, il faudrait peser mûrement toutes les raisons, afin de
prendre une bonne résolution. Mais quand nous remettrons à un autre
temps le siège d'Auxime, quel inconvénient y aura-t-il à craindre? Quel
dommage en souffrirons-nous ? Au lieu que si nous souffrons que les
Goths entrent dans Ariminium (Rimini), nous ruinons les affaires de
l'Empire. Que si Jean a été si malheureux que de contrevenir à vos
ordres, il est assez puni, puisqu'il dépend maintenant de vous, ou de
l'abandonner aux ennemis, ou de le retirer de leurs mains. Mais prenez
garde, s'il vous plaît, de ne nous pas faire porter, et même à l'Empereur,
la peine d'une faute que Jean n'a commise que par imprudence. Si les
Goths prennent Ariminium (Rimini), ils auront en leur puissance un
excellent capitaine, une forte garnison, et une importante ville. Le mal ne
se terminera pas là. Peut-être que le sort des armes en sera changé.
Considérez, je vous prie, que les ennemis nous passent encore en
nombre, mais qu'ils ont le courage abattu par leurs disgrâces. Ils se
relèveraient bientôt, s'ils avaient un peu de bonheur, et ils continueraient
la guerre avec plus de fierté que nous ne ferions, puisqu'il n'y a point de
doute que ceux qui sont délivrés des accidents incommodes et fâcheux,
ont l'âme plus élevée, que ceux qui ne sont jamais tombés dans aucun
malheur.
Voilà ce que dit Narsès.
2. A l'heure même il arriva un soldat d'Ariminium (Rimini), qui apporta
à Bélisaire une lettre de Jean, dont voici les propres paroles.
Vous saurez, s'il vous plaît, que les vivres nous ont manqué, et que
nous ne pouvons plus retenir le peuple, ni résister à l'ennemi. Dans sept
jours, nous serons contraints de nous rendre, et de céder à la nécessité,
qui nous servira d'une assez juste défense, contre ceux, qui voudraient
nous accuser d'avoir fait une chose honteuse.
3. Bélisaire était dans une grande inquiétude. Il craignait, d'un côté,
pour la ville assiégée ; mais de l'autre, il se défiait que les ennemis, qui
étaient à Auxime, ne ravageassent impunément la campagne, et
n'incommodassent les troupes, par des courses et par des
escarmouches. Voici enfin l'ordre qu'il tint. Il laissa Aratius avec mille
hommes, campés proche de la mer, à deux cent stades d'Auxime, et leur
défendit de combattre, si ce n'est que l'ennemi vint attaquer leur camp. Il
espérait réprimer par ce moyen les irruptions des ennemis. Il envoya par
mer quelques troupes, qui étaient commandées par Hérodien, par Uliaris,
et par Narsès, frère d'Aratius. Ildiger avait la conduite de la flotte qui allait
à Arimini, où néanmoins il avait ordre de ne pas descendre, si l'armée
n'était proche du rivage, d'où elle ne se devait pas éloigner. Une autre
troupe suivait le long du rivage, sous la conduite de Martin et allumait de
grands feux, afin de faire accroire à l'ennemi, qu'ils étaient en très grand
nombre. Bélisaire alla avec Narsès et avec les autres chefs par la ville de
Salvia, qui fut autrefois tellement ruinée par Alaric, qu'il ne reste plus de
son ancienne beauté, qu'une porte et un chemin.
|
|
