Texte grec :
| [48] Ὅτι ἡ ἄκοντος ἐγκρατευομένη τοῦ ἀνδρὸς αὐτὴ τούτου
πορνεύοντος δώσει μειζοτέραν δίκην.
Ἡ γὰρ ἄκοντος ἐγκρατευομένη τοῦ ἀνδρὸς οὐ τῶν τῆς
ἐγκρατείας μισθῶν ἀποστερεῖται μόνον ἀλλὰ καὶ τῆς ἐκείνου
μοιχείας αὐτὴ τὸν λόγον ὑπέχει καὶ τὰς εὐθύνας μᾶλλον
ἐκείνου. Τί δήποτε; Ὅτι αὐτὴ πρὸς τὸ βάραθρον αὐτὸν τῆς
ἀσελγείας ὤθησε τῆς κατὰ νόμον ἀποστερήσασα μίξεως. Εἰ
γὰρ μηδὲ πρὸς ὀλίγον τοῦτο ποιεῖν ἐπιτέτραπται ἄκοντος
ἐκείνου, τίνα ἂν ἔχοι συγγνώμην ἡ διὰ παντὸς αὐτὸν ταύτης
ἀφελομένη τῆς παραμυθίας; Καὶ τί ταύτης, φησί, τῆς ἀνάγκης
καὶ τῆς ἐπηρείας βαρύτερον γένοιτ´ ἄν; Κἀγὼ τοῦτό φημι.
Τίνος οὖν ἔνεκεν ὑποβάλλεις σαυτὴν τῇ ἀνάγκῃ τοσαύτῃ;
Τοῦτον γὰρ τὸν λογισμὸν οὐ μετὰ τὸν γάμον ἀλλὰ πρὸ τοῦ
γάμου λαβεῖν ἐχρῆν.
Διὰ τοῦτο καὶ ὁ Παῦλος ὑστέραν τὴν ἀπὸ τοῦ δεσμοῦ
θεὶς ἀνάγκην, τότε περὶ τῆς λύσεως διαλέγεται. Εἰπὼν γὰρ
»Δέδεσαι γυναικί; Μὴ ζήτει λύσιν«, τὸ τηνικαῦτα ἐπήγαγε
»Λέλυσαι ἀπὸ γυναικός; Μὴ ζήτει γυναῖκα.« Ποιεῖ δὲ
τοῦτο ἵνα σὺ πρότερον ἀκριβῶς ἐπισκεψάμενος καὶ καταμαθὼν
τὴν ἀπὸ τῆς συζυγίας βίαν εὐκολώτερον τὸν περὶ τῆς
ἀγαμίας δέξῃ λόγον. »Ἐὰν δὲ καὶ γήμῃς«, φησίν, »οὐχ
ἥμαρτες· καὶ ἐὰν γήμῃ ἡ παρθένος, οὐχ ἥμαρτεν.« Ἰδοὺ
τὸ μέγα τοῦ γάμου κατόρθωμα ποῦ τελευτᾷ· εἰς τὸ μὴ ἐγκληθῆναι,
οὐκ εἰς τὸ θαυμαστωθῆναι· τοῦτο γὰρ τῆς παρθενίας
ἐστίν, ὁ δὲ γεγαμηκὼς ἀρκεῖται ἀκούων ὅτι οὐχ ἥμαρτε.
Τίνος οὖν ἕνεκεν παραινεῖς, φησί, μὴ ζητεῖν γυναῖκα; Καὶ
ὅτι δεθέντα καθάπαξ λυθῆναι οὐκ ἔνι, ὅτι πολλὴν ἔχει τὸ
πρᾶγμα τὴν θλῖψιν. Τοῦτο οὖν, εἰπέ μοι, κερδανοῦμεν ἀπὸ τῆς
παρθενίας μόνον τὸ τὴν ἐνθάδε θλῖψιν διαφυγεῖν; Καὶ τίς
ἀνέξεται παρθενεύειν ἐπὶ τοιούτοις μισθοῖς; Τίς δ´ ἀνάσχοιτο
εἰς τοσοῦτον ἀγῶνα κατιέναι μέλλων τοσούτων ἱδρώτων
γέμοντα ταύτην μόνην ἀπολαμβάνειν τὴν ἀμοιβήν;
|
|
Traduction française :
| [48] Ne voyez-vous pas en effet qu'en voulant garder la continence, malgré son mari,
cette femme s'expose à être plus que lui-même, punie de ses crimes et de ses désordres? Et
comment, me direz-vous? Parce qu'en lui refusant le légitime usage du mariage, elle le
porte à se précipiter dans le vice. Saint Paul exige pour ce refus le consentement mutuel des
deux parties ; comment donc excuser la femme qui prétend imposer à son mari le sacrifice
absolu de ses droits? Mais c'est là une odieuse servitude ! Je l'avoue; mais qui vous
forçait à vous y soumettre? C'était avant le mariage, et non après qu'il fallait faire toutes ces
réflexions. Aussi l'Apôtre, qui vient de nous représenter combien la chaîne du mariage est
lourde et pesante, se hâte-t-il de nous indiquer les moyens de nous y soustraire. Navez-vous
point de femme ? dit-il, ne cherchez point à vous marier. C'est ainsi qu'il nous amène
indirectement à mieux accueillir la virginité en faisant ressortir les tribulations du mariage;
toutefois il ajoute : Si vous épousez une femme, vous ne péchez point: et si une fille se marie,
elle ne pèche point. Voilà donc le grand mérite du mariage, on peut le contracter sans péché !
La virginité seule mérite l'admiration; tout l'avantage des époux, c'est de pouvoir se dire qu'ils
n'ont point failli, point violé la loi. Nous étonnerons-nous maintenant que l'Apôtre nous
exhorte à garder la continence, puisque le lien conjugal, quelque dur qu'il soit, demeure
indissoluble.
|
|
