Texte grec :
| [66] Ὅτι τὸ βαδίζειν τοῦ περιφέρεσθαι ἐπὶ ἡμιόνοις ἥδιον.
Ἀλλὰ τὸ περιφέρεσθαι ἐπὶ τῆς ἀγορᾶς ἐπὶ ἡμιόνων
ἡδύ. Τῦφος τοῦτο περιττὸς μόνον, ἡδονῆς δὲ ἀπεστέρηται
πάσης. Καὶ ὥσπερ οὔτε σκότος τοῦ φωτὸς ἄμεινον οὔτε τὸ
συγκεκλεῖσθαι τοῦ λελύσθαι οὔτε τὸ πολλῶν χρῄζειν τοῦ
μηδενός, οὕτως οὐδὲ αὐτὴ τοῖς οἰκείοις ποσὶ μὴ κεχρημένη
ἄμεινον διακείσεται. Τὰς γὰρ ἀηδίας ὅσας ἐκ τούτων ὑπομένειν
ἀνάγκη παρίημι. Καὶ γὰρ οὐχ ὅτε βούλεται ἔξεστιν
αὐτῇ τῆς οἰκίας προελθεῖν, ἀλλὰ καὶ πολλάκις χρησίμου τινὸς
κατεπειγούσης ἐξόδου οἴκοι μένειν ἀναγκάζεται, καθάπερ
τῶν ἐπαιτῶν οἱ τοὺς πόδας ἀποτετμημένοι καὶ οὐκ ἔχοντες
ὅτῳ φέροιντο. Κἂν μὲν ὁ ἀνὴρ τύχῃ τὰς ἡμιόνους ἀπασχολήσας
μικροψυχία καὶ μάχη καὶ πολλὴ παρασιώπησις· ἂν δὲ αὐτὴ
μηδὲν τῶν μελλόντων προορωμένη τὸ αὐτὸ τοῦτο ἐργάσηται,
τὸν ἄνδρα ἀφεῖσα καθ´ ἑαυτῆς τρέπει τὸν θυμόν, διατρώγουσα
συνεχῶς ὑπὸ τῆς ἐπηρείας ἑαυτήν. Καὶ πόσῳ βέλτιον
ἦν τοῖς ποσὶ κεχρημένην—διὰ γὰρ τοῦτο ἡμῖν αὐτοὺς
ἐποίησεν ὁ Θεός—μηδὲν τούτων ὑπομένειν τῶν δεινῶν ἢ
βουλομένην θρύπτεσθαι τοσαύτας ἔχειν λύπης καὶ μικροψυχίας
ἀνάγκας. Οὐδὲ γὰρ αὗται μόναι αἱ προφάσεις αὐτὰς οἴκοι
κατέχουσιν, ἀλλὰ κἂν ἀλγῆσαι τοὺς πόδας τύχῃ ἄν τε ἀμφοτέρας
τὰς ἡμιόνους ἄν τε θατέραν, τὸ αὐτὸ γίνεται. Καὶ
ὅταν μὲν εἰς πόαν ἀπενεχθῆναι συμβῇ—συμβαίνει δὲ τοῦτο
καθ´ ἕκαστον ἐνιαυτὸν καὶ ἐπὶ πολλαῖς ἡμέραις—, ἀνάγκη
πάλιν οἴκοι μένειν ὥσπερ δεδεμένην καὶ μηδὲ χρείας καλούσης
ἀναγκαίας ἐξιέναι τῆς οἰκίας.
Εἰ δὲ λέγοι τις ὅτι τοῦ πλήθους ἀπήλλακται τῶν
ἐντυγχανόντων οὐκ ἀναγκαζομένη καθ´ ἕκαστον τῶν γνωρίμων
ὁρᾶσθαι καὶ ἐρυθριᾶν, σφόδρα ἀγνοεῖν μοι δοκεῖ καὶ τὰ
ἀπαλλάττοντα καὶ τὰ περιβάλλοντα τὴν γυναικείαν φύσιν τῇ
αἰσχύνῃ. Οὔτε γὰρ τὸ φαίνεσθαι οὔτε τὸ κρύπτεσθαι τοῦτο
ποιεῖ ἀλλὰ τὸ μὲν ἡ μὴ κατέχουσα τὴν ψυχὴν ἔνδον προπέτεια,
τὸ δὲ ἡ σωφροσύνη καὶ ἡ αἰδώς. Διὰ ταῦτα καὶ τῶν ἀπηλλαγμένων
τῆς εἰρκτῆς ἐκείνης πολλαὶ καὶ διὰ μέσου τοῦ πλήθους
ἐπὶ τῆς ἀγορᾶς βαδίζουσαι οὐ μόνον οὐκ ἐπεσπάσαντο κατηγόρους
ἀλλὰ καὶ πολλοὺς ἔσχον τῆς σωφροσύνης τοὺς θαυμαστὰς
καὶ διὰ τοῦ σχήματος καὶ διὰ τοῦ βαδίσματος καὶ διὰ τοῦ
τῶν ἱματίων ἀνεπιτηδεύτου τῆς ἔνδον κοσμιότητος ἀφιεῖσαι
τὴν ἀκτῖνα λαμπράν· οὐκ ὀλίγαι δὲ τῶν ἔνδον καθημένων
πονηρᾷ δόξῃ περιέβαλον ἑαυτάς. Ἔνεστι γὰρ καὶ συγκεκλεισμένην
μᾶλλον τῶν φαινομένων τοῖς βουλομένοις ἐπιδείκνυσθαι
μετὰ πολλῆς τῆς προπετείας καὶ τῆς ἰταμότητος.
|
|
Traduction française :
| [66] Mais une femme mariée ne jouit-elle point de se montrer en public sur un char que
traînent deux mules magnifiques? — Triste jouissance et sotte vanité. C'est préférer les
ténèbres à la lumière, l'esclavage à la liberté et la pauvreté à la richesse. Cette femme s'est
habituée à ne plus faire usage de ses pieds ; et de là que de contrariétés! Elle ne saurait sortir
ni selon ses désirs, ni même toutes les fois qu'elle en aurait besoin; elle demeure renfermée
dans sa maison, comme ces estropiés qui ne peuvent se mouvoir. Son mari a-t-il employé les
mules à quelqu'autre service; la voilà qui s'irrite, se fâche, et puis garde un silence boudeur.
Elle-même a-t-elle oublié de les demander; la voilà qui tourne son dépit contre elle-même, et
qui se consume de chagrin. Eh ! ne vaudrait-il pas cent fois mieux faire usage de ses pieds,
comme Dieu le veut, que de se créer par mollesse tant de peines et de contrariétés ?Ajoutons
encore que ces chances de captivité se multiplient par la maladie d'une des deux mules ou de
toutes les deux, et par la saison assez longue de les mettre au vert. Ainsi cette belle dame reste
comme une prisonnière dans ses appartements ; et les affaires les plus urgentes ne peuvent
l'en tirer. — Mais alors, direz-vous, elle évite une foule importune, et des regards qui la
feraient rougir. — Ah ! vous ignorez ce qui expose et ce qui garde la pudeur de la femme. Ce
qui la garde, ce n'est point la solitude, mais la chaste gravité des sens et des manières; ce qui
l'expose, ce n'est pas la foule au milieu de laquelle on se montre, mais la légèreté du caractère
et des manières. Aussi combien de femmes qui secouent cet esclavage d'une honteuse
mollesse et ne craignent point de paraître en public et qui, loin de s'exposer au moindre
soupçon, font admirer leur modestie ! Leur vertu se reflète au dehors par la simplicité de la
démarche et de la parure. Combien au contraire que la retraite ne soustrait point à une
mauvaise renommée ! car la solitude favorise le mal et le secret invite à la légèreté.
|
|
