Texte grec :
| [39] Ποίᾳ χήρᾳ καὶ ποίᾳ παρθένῳ ἐπιτρέπει γαμεῖσθαι ὁ Παῦλος.
Πῶς οὖν ἣν ἀφίησιν ἐλευθέραν πάλιν κολάζει καὶ ὃν ἐν
κυρίῳ φησὶν εἶναι γάμον τοῦτον ὡς παρανόμως γινόμενον
κατακρίνει; Μὴ δείσῃς· οὐ τὸν αὐτὸν ἀλλ´ ἕτερον. Ὥσπερ
γὰρ λέγων· »Ἐὰν γάμῃ ἡ παρθένος οὐχ ἥμαρτεν«, οὐ περὶ
τῆς ἀποτεταγμένης τῷ γάμῳ φησί· δῆλον γὰρ ἅπασιν ὅτι
αὐτὴ ἥμαρτε καὶ ἁμαρτίαν ἀφόρητον. Ἀλλὰ περὶ τῆς ἀπειρογάμου
μὲν ἔτι, οὔπω δὲ οὐδὲ τοῦτο οὐδὲ ἐκεῖνο ψηφισαμένης
ἀλλ´ ἐν μεταιχμίῳ τούτων ἑκατέρων μενούσης τῶν λογισμῶν.
Οὕτω καὶ χήραν ἐνταῦθα μὲν τὴν ἁπλῶς οὐκ ἔχουσαν ἄνδρα
φησίν, οὔπω δὲ καὶ τῇ τῆς οἰκείας προαιρέσεως ψήφῳ
προσδεδεμένην ἀλλ´ ἐλευθέραν οὖσαν καὶ τοῦτο ἑλέσθαι
κἀκεῖνο· ἐκεῖ δὲ τὴν οὐκέτι κυρίαν οὖσαν ἑτέρῳ πάλιν ὁμιλῆσαι
νυμφίῳ, ἀλλ´ εἰς τοὺς τῆς ἐγκρατείας ἐμβεβηκυῖαν
ἀγῶνας. Ἔστι γὰρ καὶ χήραν εἶναι καὶ μὴ καταλέγεσθαι
εἰς τὸ τῶν χηρῶν ἀξίωμα, ὅταν μηδέπω ᾖ τοῦτο καταδεξαμένη.
Διὸ καὶ αὐτός φησι· »Χήρα καταλεγέσθω μὴ ἔλαττον
ἐτῶν ἑξήκοντα γεγονυῖα, ἑνὸς ἀνδρὸς γυνή.« Τὴν μὲν γὰρ
ἁπλῶς χήραν ἀφίησι γαμεῖν εἰ βούλοιτο, τὴν δὲ ἐπαγγειλαμένην
τῷ Θεῷ χηρεύειν διὰ παντός, εἶτα γαμηθεῖσαν,
καταδικάζει σφοδρῶς ὅτι τὰς πρὸς τὸν Θεὸν συνθήκας ἐπάτησεν.
Οὐ ταύταις οὖν ἀλλ´ ἐκείναις φησίν· »Εἰ δὲ οὐκ
ἐγκρατεύονται, γαμησάτωσαν· κρεῖττον γάρ ἐστι γαμῆσαι ἢ
πυροῦσθαι.« Ὁρᾷς οὐδαμοῦ τὸν γάμον καθ´ ἑαυτὸν θαυμαζόμενον
ἀλλὰ διὰ τὰς πορνείας, διὰ τοὺς πειρασμούς, διὰ τὴν
ἀκρασίαν; Ἄνω μὲν γὰρ ταῦτα ἅπαντα τίθησιν, ἐνταῦθα δὲ
ἐπειδὴ σφόδρα αὐτῶν καθήψατο τοῖς ὀνείδεσι, ῥήμασιν
εὐφημοτέροις πάλιν τὸ αὐτὸ πρᾶγμα καλεῖ, ἐμπρησμὸν αὐτὸ
καὶ πύρωσιν ὀνομάζων. Καὶ οὐδὲ ἐνταῦθα ἠνέσχετο μὴ
πλήξας τὸν ἀκροατὴν παρελθεῖν. Οὐ γὰρ εἶπεν· εἰ δὲ βίαν τινὰ
πάσχουσιν ὑπὸ τῆς ἐπιθυμίας, εἰ δὲ περιτρέπονται, εἰ δὲ μὴ
δύνανται. Οὐδὲν τοιοῦτον ὃ τῶν πασχόντων ἐστὶ καὶ συγγνώμης
ἀξίων. Ἀλλὰ τί; »Εἰ δὲ οὐκ ἐγκρατεύονται«, ὃ τῶν
οὐκ ἐθελόντων ἐστὶν ἐνεργεῖν διὰ τὴν ῥαθυμίαν. Δείκνυσι γὰρ
ὅτι κύριοι ὄντες τοῦ πράγματος παρὰ τὸ μὴ βούλεσθαι πονεῖν
οὐκ ἀνύουσιν. Ἀλλ´ ὅμως οὐδὲ οὕτως αὐτοὺς κολάζει οὐδὲ
τιμωρίας ὑπευθύνους ποιεῖ, ἀλλ´ ἐπαίνων ἀποστερήσας μόνον
μέχρι τοῦ διὰ τῶν ῥημάτων ψόγου τὴν σφοδρότητα ἐπιδείκνυται, παιδοποιΐας μὲν οὐδαμοῦ μεμνημένος τῆς εὐπροσώπου
καὶ σεμνῆς αἰτίας τοῦ γάμου, πυρώσεως δὲ καὶ ἀκρασίας καὶ
πορνείας καὶ πείρας σατανικῆς καὶ ὑπὲρ τοῦ ταῦτα μὴ
γίνεσθαι τὸ πρᾶγμα συγχωρῶν.
Καὶ τί τοῦτο; φησίν· ἕως γὰρ ἂν αὐτὸ τιμωρίας ἀπαλλάττῃ,
πᾶσαν κατάγνωσιν καὶ πάντα ὀνείδη εὐκόλως οἴσομεν·
μόνον ἐξέστω τρυφᾶν καὶ συνεχῶς ἀπολαύειν ἐπιθυμίας. Τί
οὖν, ὦ βέλτιστε, ἂν μηδὲ τρυφᾶν ἐξῇ, ὀνειδισμὸν καρπωσόμεθα
μόνον; Καὶ πῶς, φησίν, οὐκ ἔξεστι τρυφᾶν τοῦ Παύλου
λέγοντος· »Εἰ δὲ οὐκ ἐγκρατεύονται, γαμησατώσαν;«
Ἀλλ´ ἄκουε καὶ τὰ προσκείμενα τούτῳ. Ἔμαθες ὅτι
κρεῖττον τὸ γαμῆσαι ἢ πυροῦσθαι· ἀπεδέξω τὸ ἡδύ, ἐπῄνεσας
τὴν συγχώρησιν, ἐθαύμασας τῆς συγκαταβάσεως τὸν ἀπόστολον·
ἀλλὰ μὴ στῇς μέχρι τούτου, δέχου καὶ τὰ μετὰ ταῦτα·
τοῦ γὰρ αὐτοῦ ἀμφότερα τὰ παραγγέλματα. Τί οὖν μετὰ
ταῦτά φησιν; »Τοῖς δὲ γεγαμηκόσι παραγγέλλω, οὐκ ἐγὼ
ἀλλ´ ὁ κύριος, γυναῖκα ἀπὸ ἀνδρὸς μὴ χωρισθῆναι· ἐὰν δὲ καὶ
χωρισθῇ, μενέτω ἄγαμος, ἢ τῷ ἀνδρὶ καταλλαγήτω· καὶ
ἄνδρα γυναῖκα μὴ ἀφιέναι.«
|
|
Traduction française :
| [39] Vous m'objecterez peut-être ces paroles de saint Paul : Je dis aux personnes qui ne
sont pas mariées, ou qui sont veuves, qu'il leur est bon de demeurer dans cet état, comme moi.
Que, si elles ne peuvent garder la continence, qu'elles se marient. Quant à la femme, si son
mari meurt, elle est libre; qu'elle se marie à qui elle voudra, pourvu que ce soit selon le
Seigneur. (I Cor. VII, 8, 9, 39) Pourquoi donc blâmer, me direz-vous, la veuve qui use de
cette permission, et pourquoi condamner comme criminel un mariage qui se contracte selon le
Seigneur? ne vous y trompez point; il y a ici une double question. Quand l'Apôtre dit qu'une
vierge peut se marier sans péché, il parle non de celle qui a fait voeu de virginité, et qui ne
peut violer ce voeu sans commettre un sacrilège, mais de celle qui n'a pas encore fixé son
choix, et qui balance entre le mariage et la continence. Et de même, il permet les secondes
noces à Ia veuve qui ne s'est point décidée pour un veuvage perpétuel, mais il les défend
expressément à celle qui s'y est engagée. Observons, en effet, que dans l'Eglise le rang et la
dignité de veuve sont attachés au voeu de continence. C'est pourquoi l'Apôtre écrit à son
disciple Timothée : Que la veuve choisie n'ait pas moins de soixante ans, et qu'elle n'ait eu
qu'un mari. (I Tim. V, 9)
Toute veuve peut donc se marier, si elle le désire, mais saint Paul blâme sévèrement
celle qui convole à de secondes noces après s'être engagée à vivre dans la continence, et qui
foule ainsi aux pieds son alliance avec le Seigneur. Vous entendez maintenant à qui s'adresse
cette parole : Si les veuves ne peuvent garder la continence, qu'elles se marient, car il vaut
mieux se marier que de brûler. (I Cor. VII, 9) Remarquez en outre que jamais l'Apôtre ne
recommande le mariage pour lui-même, mais toujours comme moyen d'éviter le vice, la
tentation et le péché. Mais parce qu'il s'en était précédemment expliqué avec un peu de
sévérité, il emploie ici une expression toute bienveillante. Il veut, dit-il, empêcher qu'elles se
consument en désirs brûlants. Observons néanmoins que ce langage est encore empreint d'une
certaine sévérité, car il ne dit point : qu'elles se marient si la passion les presse trop fortement,
et si elles ne peuvent résister à la tentation, cela supposerait une faute digne de pardon, mais :
si elles ne peuvent garder la continence. Or, n'est-ce pas leur reprocher de perdre par lâcheté
et inertie les mérites d'une vertu qu'il leur serait facile de pratiquer? cependant il ne les
condamne point, et ne les menace d'aucun châtiment : il se borne à les priver de ses éloges.
Du reste, ses paroles sont sévères; elles ne mentionnent pas le motif ordinaire du mariage qui
est de se voir revivre en ses enfants, et laissent apercevoir que l'Apôtre ne le permet que
comme un moyen d'éviter le vice, la tentation et le péché.
|
|
