Texte grec :
| [2,1] Κεφάλαιον βʹ.
Ὅτι ἴδιον τῆς θείας τε καὶ ἀσωμάτου φύσεως
κατόρθωμά ἐστιν ἡ παρθενία.
Συνέσεως γὰρ ἡμῖν χρεία πολλῆς, δι´ ἧς ἔστι γνῶναι
τὴν ὑπερβολὴν τῆς χάριτος ταύτης, ἥτις συνεπινοεῖται μὲν
τῷ ἀφθάρτῳ πατρί· ὃ δὴ καὶ παράδοξον ἐν πατρὶ παρθενίαν
εὑρίσκεσθαι τῷ καὶ υἱὸν ἔχοντι καὶ δίχα πάθους γεννήσαντι.
Τῷ δὲ μονογενεῖ θεῷ τῷ τῆς ἀφθαρσίας χορηγῷ συγκατα–
λαμβάνεται, ὁμοῦ τῷ καθαρῷ καὶ ἀπαθεῖ τῆς γεννήσεως
αὐτοῦ συνεκλάμψασα· καὶ πάλιν τὸ ἴσον παράδοξον υἱὸς
διὰ παρθενίας νοούμενος. Ἐνθεωρεῖται δὲ ὡσαύτως καὶ τῇ
τοῦ ἁγίου πνεύματος φυσικῇ καὶ ἀφθάρτῳ καθαρότητι·
τὸ γὰρ καθαρὸν καὶ ἄφθαρτον ὀνομάσας ἄλλῳ ὀνόματι τὴν
παρθενίαν ἐσήμανας. Πάσῃ δὲ τῇ ὑπερκοσμίῳ φύσει
συμπολιτεύεται διὰ τῆς ἀπαθείας συμπαροῦσα ταῖς ὑπερεχούσαις
δυνάμεσιν, οὔτε τινὸς τῶν θείων χωριζομένη
καὶ οὐδενὸς τῶν ἐναντίων προσαπτομένη· πάντα γὰρ ὅσα
καὶ φύσει καὶ προαιρέσει πρὸς ἀρετὴν νένευκε τῷ καθαρῷ
πάντως ἐνωραΐζεται τῆς ἀφθαρσίας, καὶ πάντα ὅσα εἰς
τὴν ἐναντίαν ἀποκέκριται τάξιν τῇ ἀποπτώσει τῆς καθαρότητος
τοιαῦτά ἐστι καὶ ὀνομάζεται. Τίς οὖν ἐξαρκέσει
δύναμις λόγων τῇ τοσαύτῃ χάριτι παρισωθῆναι; Ἢ πῶς
οὐ φοβεῖσθαι χρή, μὴ διὰ τῆς τῶν ἐπαίνων σπουδῆς
λυμήνηταί τις τῷ μεγαλείῳ τοῦ ἀξιώματος, ἐλάττω τὴν
περὶ αὐτοῦ δόξαν τῆς προειλημμένης τοῖς ἀκροαταῖς ἐμποιήσας;
|
|
Traduction française :
| [2,1] Chapitre 2 : La virginité est la perfection propre de la Nature divine et incorporelle.
Il nous faut en effet beaucoup d'intelligence pour arriver à connaître l'excellence de cette grâce
dont l'idée accompagne celle de père incorruptible, car c'est bien un paradoxe que la virginité soit
trouvée chez un père, qui possède un fils et l'a engendré sans passion. Elle est comprise en même
temps que le Dieu Fils unique, chorège de l'incorruptibilité, puisqu'elle a resplendi simultanément
avec la pureté et l'impassibilité de sa génération: encore le même paradoxe, que la virginité
achemine à la pensée d'un fils. Elle est contemplée également dans la pureté essentielle et
incorruptible du saint Esprit, car en parlant de pureté et d'incorruptibilité, on désigne sous un autre
nom la virginité. Elle est concitoyenne de la nature hypercosmique tout entière, puisque son
impassibilité lui donne rang parmi les puissances supérieures, inséparable d'aucune des réalités
divines, sans la moindre attache avec les réalités adverses.
|
|
