Texte grec :
| [69,10] ἐποίει δὲ καὶ θέατρα καὶ ἀγῶνας, περιπορευόμενος τὰς πόλεις,
ἄνευ τῆς βασιλικῆς μέντοι παρασκευῆς· οὐδὲ γὰρ ἔξω τῆς Ῥώμης
ἐχρήσατό ποτε αὐτῇ. τὴν δὲ πατρίδα καίπερ μεγάλα τιμήσας καὶ
πολλὰ καὶ ὑπερήφανα αὐτῇ δούς, ὅμως οὐκ εἶδε. περὶ μέντοι τὰς
θήρας ἐσπουδακέναι λέγεται· καὶ γὰρ καὶ τὴν κλεῖν ἐν ταύταις κατέαξε
καὶ τὸ σκέλος μικροῦ ἐπηρώθη, καὶ πόλιν ἐν τῇ Μυσίᾳ οἰκίσας
Ἁδριανοῦ θήρας αὐτὴν ὠνόμασεν. οὐ μέντοι τι παρὰ τοῦτ´ ἄπρακτον
τῶν τῇ ἀρχῇ προσηκόντων κατέλιπε. τῆς δὲ περὶ τὰς θήρας
σπουδῆς αὐτοῦ καὶ ὁ Βορυσθένης ὁ ἵππος, ᾧ μάλιστα θηρῶν ἠρέσκετο,
σημεῖόν ἐστιν· ἀποθανόντι γὰρ αὐτῷ καὶ τάφον κατεσκεύασε
καὶ στήλην ἔστησε καὶ ἐπιγράμματα ἐπέγραψεν. ὅθεν οὐ θαυμαστὸν
εἰ καὶ τὴν Πλωτῖναν ἀποθανοῦσαν, δι´ ἧς ἔτυχε τῆς ἀρχῆς
ἐρώσης αὐτοῦ, διαφερόντως ἐτίμησεν, ὡς καὶ ἐπὶ ἡμέρας ἐννέα
μελανειμονῆσαι καὶ ναὸν αὐτῇ οἰκοδομῆσαι καὶ ὕμνους τινὰς ἐς αὐτὴν ποιῆσαι.
ὅτι τῆς Πλωτίνης ἀποθανούσης ἐπῄνει αὐτὴν Ἀδριανός, λέγων ὅτι
"πολλὰ παρ´ ἐμοῦ αἰτήσασα οὐδενὸς ἀπέτυχεν". τοῦτο δὲ οὐκ ἄλλως
ἔλεγεν, ἀλλ´ ὅτι τοιαῦτα ᾔτει οἷα οὔτε ἐβάρει με οὔτε συνεχώρει ἀντειπεῖν.
οὕτω δὲ περὶ τὴν θήραν ἐπιδέξιος ἦν ὡς καὶ μέγαν ποτὲ σῦν
μιᾷ πληγῇ καθελεῖν.
|
|
Traduction française :
| [69,10] Adrien construisait des théâtres et donnait des jeux dans les villes
qu'il parcourait, sans toutefois faire usage de l'appareil de la
souveraineté, car jamais il ne l'employa hors de Rome. Quant à sa patrie,
bien que lui ayant accordé de grands honneurs et lui ayant donné plusieurs
privilèges éclatants, il ne la visita pas. On dit qu'il eut la passion de
la chasse ; il s'y brisa la clavicule et faillit avoir une jambe estropiée
; une ville qu'il fonda en Mysie reçut le nom d'Adrianothères (Chasses
d'Adrien). Mais cette passion, néanmoins, ne lui fit négliger aucune des
affaires qui sont du ressort de l'autorité suprême. Cet amour de la chasse
est encore attesté par Borysthène, son cheval favori pour la chasse,
puisqu'à la mort de ce cheval, il lui fit construire un tombeau, y érigea
une stèle et y grava une inscription. Aussi, ne faut-il pas s'étonner si,
à la mort de Plotine, dont l'amour l'avait porté au pouvoir, il lui rendit
des honneurs extraordinaires, au point d'être, durant neuf jours, vêtu de
noir ; qu'il lui bâtit un temple et composa des hymnes à sa mémoire. Il
était d'ailleurs d'une telle habileté à la chasse, qu'un jour il abattit
d'un seul coup un sanglier énorme.
|
|
