Texte grec :
| [21,1] Πᾶσαν μὲν κακίαν φευκτέον ἐστὶ τοῖς νοῦν
ἔχουσι, μάλιστα δὲ τὴν πλεονεξίαν· αὕτη γὰρ διὰ
τὴν ἐκ τοῦ συμφέροντος ἐλπίδα προκαλουμένη πολλοὺς
πρὸς ἀδικίαν μεγίστων κακῶν αἰτία γίνεται
τοῖς ἀνθρώποις. διὸ καὶ μητρόπολις οὖσα τῶν
ἀδικημάτων, οὐ μόνον τοῖς ἰδιώταις ἀλλὰ καὶ τοῖς
μεγίστοις τῶν βασιλέων πολλὰς καὶ μεγάλας ἀπεργάζεται
συμφοράς.
{sans traduction : Ὅτι Ἀντίγονος ὁ βασιλεὺς ἐξ ἰδιώτου γενόμενος
δυνάστης καὶ πλεῖστον ἰσχύσας τῶν καθ´ αὑτὸν
βασιλέων οὐκ ἠρκέσθη ταῖς παρὰ τῆς τύχης
δωρεαῖς, ἀλλ´ ἐπιβαλόμενος τὰς τῶν ἄλλων βασιλείας
εἰς αὑτὸν ἀδίκως περιστῆσαι τὴν ἰδίαν
ἀπέβαλεν ἀρχὴν ἅμα καὶ τοῦ ζῆν ἐστερήθη.
Ὅτι Πτολεμαῖος καὶ Σέλευκος καὶ Λυσίμαχος
συνέδραμον ἐπ´ Ἀντίγονον τὸν βασιλέα· οὐχ οὕτως
ὑπὸ τῆς πρὸς ἀλλήλους εὐνοίας προκληθέντες, ὡς
ὑπὸ τοῦ καθ´ ἑαυτοὺς φόβου συναναγκασθέντες
ὥρμησαν ἑτοίμως πρὸς τὴν τῶν ὅλων κοινοπραγίαν.
Ὅτι οἱ ἐλέφαντες οἱ Ἀντιγόνου καὶ Λυσιμάχου
κατὰ τὴν μάχην ἠγωνίζοντο ὡς ἂν τῆς φύσεως
ἐφάμιλλον δεδωκυίας αὐτοῖς τὴν ἀλκὴν καὶ βίαν.
Μετὰ δὲ ταῦτα προσελθόντων αὐτῷ τῶν Χαλαίων
καὶ προλεγόντων ὡς, εἰ τὸν Σέλευκον ἐκ
τῶν χειρῶν ἀφήσει, συμβήσεται τήν τ´ Ἀσίαν
πᾶσαν ὑποχείριον γενέσθαι καὶ αὐτὸν Ἀντίγονον
ἐν τῇ πρὸς ἐκεῖνον παρατάξει καταστρέψειν τὸν
βίον ... οὐ μετρίως ἐκινήθη ... καταπλαγεὶς
τὸ ἀξίωμα τῶν ἀνδρῶν. ... δοκοῦσι δὲ καὶ Ἀλεξάνδρῳ
προειπεῖν ὅτι παρελθὼν εἰς Βαβυλῶνα τελευτήσει.
ὁμοίως δὲ τῇ περὶ Ἀλεξάνδρου
προρρήσει συνέβη καὶ τὴν περὶ Σελεύκου τελεσθῆναι
κατὰ τὰς τῶν ἀνδρῶν τούτων ἀποφάσεις·
περὶ ἧς τὰ κατὰ μέρος ἐροῦμεν, ὅταν ἐπὶ τοὺς
οἰκείους χρόνους ἐπιβαλώμεθα.}
Ὁ Ἀντίγονος ὁ βασιλεὺς Ἀσίας τέσσαρσι
βασιλεῦσιν ὁμονοήσασι πολεμήσας, Πτολεμαίῳ
τῷ Λάγου Αἰγυπτίων ὄντι βασιλεῖ, Σελεύκῳ
Βαβυλωνίων, Λυσιμάχῳ Θρᾳκῶν, Κασάνδρῳ τῷ
Ἀντιπάτρου Μακεδονίας, καὶ μάχην συνάψας, πολλοῖς
βέλεσι τρωθεὶς ἀνῃρέθη καὶ θάπτεται βασιλικῇ
τιμῇ. ὁ δὲ υἱὸς αὐτοῦ Δημήτριος σὺν τῇ μητρὶ
αὐτοῦ Στρατονίκῃ διατριβούσῃ περὶ Κιλικίαν σὺν
τοῖς χρήμασι πᾶσιν ἔπλευσεν εἰς Σαλαμῖνα τῆς
Κύπρου διὰ τὸ κατέχεσθαι ὑπὸ Δημητρίου.
{{sans traduction : Ὅτι Σέλευκος μετὰ τὴν διαίρεσιν τῆς Ἀντιγόνου
βασιλείας ἀναλαβὼν τὴν δύναμιν παρεγένετο εἰς
Φοινίκην καὶ ἐπεχείρησε κατὰ τὰς γενομένας συνθήκας
τὴν Κοίλην Συρίαν ἰδιοποιεῖσθαι. προκατειληφότος
δὲ τὰς ἐν αὐτῇ πόλεις Πτολεμαίου καὶ
κατηγοροῦντος ὅτι φίλος ὢν Σέλευκος προσεδέξατο
τὴν ὑπὸ Πτολεμαῖον οὖσαν χώραν εἰς τὴν ἰδίαν
καταταχθῆναι μερίδα, πρὸς δὲ τούτοις ὅτι τοῦ
πολέμου τοῦ πρὸς Ἀντίγονον κεκοινωνηκότος
οὐδὲν αὐτῷ μετέδωκαν οἱ βασιλεῖς τῆς δορικτήτου
χώρας, πρὸς ταύτας τὰς διαβολὰς ἀντεῖπε Σέλευκος
φάμενος δίκαιον εἶναι τοὺς τῇ παρατάξει κρατήσαντας
κυρίους ὑπάρχειν τῶν δορικτήτων, περὶ
δὲ τῆς Κοίλης Συρίας διὰ τὴν φιλίαν ἐπὶ τοῦ παρόντος
μηδὲν πολυπραγμονήσειν, ὕστερον δὲ βουλεύσεσθαι
πῶς χρηστέον ἐστὶν τῶν φίλων τοῖς
βουλομένοις πλεονεκτεῖν.
{Οὐ μὴν πολύν γε χρόνον συνέβη μεῖναι τὴν πόλιν,
Σελεύκου καθελόντος αὐτὴν καὶ μεταγαγόντος ἐπὶ
τὴν κτισθεῖσαν μὲν ὑπ´ αὐτοῦ, ἀπ´ ἐκείνου δὲ κληθεῖσαν
Σελεύκειαν. ἀλλὰ περὶ μὲν τούτων ἀκριβῶς
ἕκαστα δηλώσομεν ἐπὶ τοὺς οἰκείους χρόνους παραγενηθέντες.}
Εἴ τῳ περισπούδαστον ταύτας (sc. τὰς ἐκ τῆς
Ἑλλάδος ἐνταῦθα σταλείσας ἀποικίας) εἰδέναι,
ἱστόρηται περιέργως Στράβωνι τῷ γεωγράφῳ,
Φλέγοντί τε καὶ Διοδώρῳ τῷ ἐκ Σικελίας ...}}
|
|
Traduction française :
| [21,0] I. La cupidité tient le premier rang entre les vices
quil importe le plus à lhomme de fuir : dautant
que la recherche continue de son avantage propre
le conduit bientôt à linjustice ; ce qui jette dans les
plus grands malheurs, non seulement les hommes
en général, mais plus particulièrement encore les
Rois et les Souverains. Antigonus par exemple, Roi
de lAsie, faisant la guerre à quatre autres Rois
ligués ensemble, à savoir, Ptolémée fils de Lagus
Roi dEgypte, Séleucus Roi de Babylone,
Lysimachus Roi de Thrace, Cassander fils
dAntipater Roi de Macédoine, tomba percé de
flèches dans une bataille quil leur donnait. Il fut
néanmoins enseveli dune manière convenable à
son rang. Son épouse Stratonice qui demeurait
alors dans la Cilicie et son fils Démétrius se
transportèrent avec toutes leurs richesses à
Salamine ville de Chypre, que Démétrius sétait
soumise.
|
|
