Texte grec :
| [4,78] Δαίδαλος δὲ παρά τε τῷ Κωκάλῳ καὶ τοῖς Σικανοῖς διέτριψε
πλείω χρόνον, θαυμαζόμενος ἐν τῇ κατὰ τὴν τέχνην ὑπερβολῇ.
κατεσκεύασε δ´ ἐν τῇ νήσῳ ταύτῃ τινὰ τῶν ἔργων ἃ μέχρι τοῦ
νῦν διαμένει. πλησίον μὲν γὰρ τῆς Μεγαρίδος
φιλοτέχνως ἐποίησε τὴν ὀνομαζομένην κολυμβήθραν,
ἐξ ἧς μέγας ποταμὸς εἰς τὴν πλησίον θάλατταν ἐξερεύγεται
καλούμενος Ἀλαβών. κατὰ δὲ τὴν νῦν
Ἀκραγαντίνην ἐν τῷ Καμικῷ καλουμένῳ πόλιν ἐπὶ
πέτρας οὖσαν πασῶν ὀχυρωτάτην κατεσκεύασε καὶ
παντελῶς ἐκ βίας ἀνάλωτον· στενὴν γὰρ καὶ σκολιὰν
τὴν ἀνάβασιν αὐτῆς φιλοτεχνήσας ἐποίησε δύνασθαι
διὰ τριῶν ἢ τεττάρων ἀνθρώπων φυλάττεσθαι.
διόπερ ὁ Κώκαλος ἐν ταύτῃ ποιήσας τὰ βασίλεια
καὶ τὰ χρήματα κατατιθέμενος ἀνάλωτον ἔσχεν αὐτὴν
διὰ τῆς ἐπινοίας τοῦ τεχνίτου. τρίτον δὲ σπήλαιον
κατὰ τὴν Σελινουντίαν χώραν κατεσκεύασεν, ἐν ᾧ
τὴν ἀτμίδα τοῦ κατ´ αὐτὴν πυρὸς οὕτως εὐστόχως
ἐξέλαβεν ὥστε διὰ τὴν μαλακότητα τῆς θερμασίας
ἐξιδροῦν λεληθότως καὶ κατὰ μιχρὸν τοὺς ἐνδιατρίβοντας
καὶ μετὰ τέρψεως θεραπεύειν τὰ σώματα μηδὲν
παρενοχλουμένους ὑπὸ τῆς θερμότητος. κατὰ δὲ τὸν
Ἔρυκα πέτρας οὔσης ἀποτομάδος εἰς ὕψος ἐξαίσιον,
καὶ τῆς κατὰ τὸ ἱερὸν τῆς Ἀφροδίτης στενοχωρίας
ἀναγκαζούσης ἐπὶ τὸ τῆς πέτρας ἀπόκρημνον ποιήσασθαι
τὴν οἰκοδομίαν, κατεσκεύασεν ἐπ´ αὐτοῦ
τοῦ κρημνοῦ τοῖχον, προβιβάσας παραδόξως τὸ ὑπερκείμενον
τοῦ κρημνοῦ. χρυσοῦν τε κριὸν τῇ Ἀφροδίτῃ
τῇ Ἐρυκίνῃ φασὶν αὐτὸν φιλοτεχνῆσαι περιττῶς
εἰργασμένον καὶ τῷ κατ´ ἀλήθειαν κριῷ ἀπαρεγχειρήτως
ὡμοιωμένον. ἄλλα τε πολλά φασιν αὐτὸν φιλοτεχνῆσαι κατὰ
τὴν Σικελίαν, ἃ διὰ τὸ πλῆθος τοῦ χρόνου διέφθαρται.
|
|
Traduction française :
| [4,78] Dédale demeura longtemps chez Cocalus, et se fit admirer des Sicaniens par ses talents. Il
construisit dans la Sicile plusieurs ouvrages qui sont parvenus jusqu'à nous. De ce nombre est
l'ouvrage connu sous le nom de Colymvithra, près de Mégaris ; il sort de cette piscine le fleuve
Allabon qui se jette dans la mer. A Camicus, dans le territoire d'Agrigente, il construisit, sur un rocher,
une ville très fortifiée et tout à fait imprenable. Il en rendit les avenues si étroites et si tortueuses qu'il
ne fallait que trois ou quatre hommes pour les garder. Aussi, Cocalus y établit-il son palais, et y
déposa ses richesses. Le troisième ouvrage que Dédale laissa en Sicile, est une grotte construite
dans le territoire de Sélinonte ; il y fit arriver, par une construction ingénieuse, les vapeurs du feu
souterrain : les malades qui y entraient étaient pris peu à peu d'une sueur modérée, et guérissaient
insensiblement sans être incommodés de la chaleur. Près d'Eryx, il y avait un rocher escarpé et si
élevé, que les constructions qui entouraient le temple de Vénus menaçaient de tomber dans le
précipice. Dédale consolida ces constructions, entoura le rocher d'un mur et en élargit
merveilleusement le sommet. Il dédia ensuite à Vénus Erycine une ruche d'or, travail admirable qui
imitait à s'y méprendre une ruche véritable. Il exécuta en Sicile beaucoup d'autres travaux d'art que le
temps a détruits.
|
|
