Texte grec :
| [4,39] διόπερ ὡς ἥρωι ποιήσαντες ἁγισμοὺς καὶ
χώματα κατασκευάσαντες ἀπηλλάγησαν εἰς Τραχῖνα.
μετὰ δὲ τούτους Μενοίτιος ὁ Ἄκτορος υἱός, φίλος
ὢν Ἡρακλεῖ, κάπρον καὶ ταῦρον καὶ κριὸν θύσας
ὡς ἥρωι κατέδειξε κατ´ ἐνιαυτὸν ἐν Ὀποῦντι θύειν
καὶ τιμᾶν ὡς ἥρωα τὸν Ἡρακλέα. τὸ παραπλήσιον
δὲ καὶ τῶν Θηβαίων ποιησάντων, Ἀθηναῖοι πρῶτοι
τῶν ἄλλων ὡς θεὸν ἐτίμησαν θυσίαις τὸν Ἡρακλέα,
καὶ τοῖς ἄλλοις ἀνθρώποις παράδειγμα τὴν ἑαυτῶν
εἰς τὸν θεὸν εὐσέβειαν ἀποδείξαντες προετρέψαντο
τὸ μὲν πρῶτον ἅπαντας Ἕλληνας, μετὰ δὲ ταῦτα
καὶ τοὺς κατὰ τὴν οἰκουμένην ἀνθρώπους ἅπαντας
ὡς θεὸν τιμᾶν τὸν Ἡρακλέα. προσθετέον δ´ ἡμῖν
τοῖς εἰρημένοις ὅτι μετὰ τὴν ἀποθέωσιν αὐτοῦ Ζεὺς
Ἥραν μὲν ἔπεισεν υἱοποιήσασθαι τὸν Ἡρακλέα καὶ
τὸ λοιπὸν εἰς τὸν ἅπαντα χρόνον μητρὸς εὔνοιαν
παρέχεσθαι, τὴν δὲ τέκνωσιν γενέσθαι φασὶ τοιαύτην·
τὴν Ἥραν ἀναβᾶσαν ἐπὶ κλίνην καὶ τὸν
Ἡρακλέα προσλαβομένην πρὸς τὸ σῶμα διὰ τῶν
ἐνδυμάτων ἀφεῖναι πρὸς τὴν γῆν, μιμουμένην τὴν
ἀληθινὴν γένεσιν· ὅπερ μέχρι τοῦ νῦν ποιεῖν τοὺς
βαρβάρους ὅταν θετὸν υἱὸν ποιεῖσθαι βούλωνται.
τὴν δ´ Ἥραν μετὰ τὴν τέκνωσιν μυθολογοῦσι συνοικίσαι
τὴν Ἥβην τῷ Ἡρακλεῖ, περὶ ἧς καὶ τὸν
ποιητὴν τεθεικέναι κατὰ τὴν Νεκυίαν
εἴδωλον, αὐτὸς δὲ μετ´ ἀθανάτοισι θεοῖσι
τέρπεται ἐν θαλίαις καὶ ἔχει καλλίσφυρον Ἥβην.
τὸν δ´ οὖν Ἡρακλέα λέγουσι καταλεγόμενον ὑπὸ τοῦ
Διὸς εἰς τοὺς δώδεκα θεοὺς μὴ προσδέξασθαι τὴν
τιμὴν ταύτην· ἀδύνατον γὰρ ἦν τοῦτον καταλεχθῆναι
μὴ πρότερον ἑνὸς τῶν δώδεκα θεῶν ἐκβληθέντος·
ἄτοπον οὖν εἶναι προσδέξασθαι τιμὴν ἑτέρῳ
θεῷ φέρουσαν ἀτιμίαν. Περὶ μὲν οὖν Ἡρακλέους εἰ καὶ
πεπλεονάκαμεν, ἀλλ´ οὖν οὐδὲν τῶν μυθολογουμένων
περὶ αὐτοῦ παραλελοίπαμεν.
|
|
Traduction française :
| [4,39] Ils lui rendirent les honneurs dus aux héros, et ils ne s'en retournèrent à Trachine qu'après
avoir élevé un tertre funéraire. Monoetius, fils d'Actor et ami d'Hercule, sacrifia au héros un taureau,
un sanglier et un bélier ; il ordonna qu'on offrît tous les ans, à Oponte, ce même sacrifice héroïque en
honneur d'Hercule. Les Thébains en firent autant. Cependant les Athéniens ont été les premiers à
rendre à Hercule les honneurs divins ; et l'exemple de cette piété fut d'abord suivi par tous les Grecs ;
ensuite tous les habitants de la terre honorèrent Hercule comme un dieu. Nous devons ajouter
qu'après l'apothéose d'Hercule, Jupiter persuada à Junon d'adopter Hercule pour son fils, et que cette
déesse eut toujours pour lui dans la suite l'affection d'une mère. Cette adoption se fit, dit-on, de la
manière suivante : Junon monta dans son lit, tenant Hercule attaché à son corps, et, imitant un
véritable accouchement, elle le laissa tomber sous ses vêtements. Cette cérémonie est encore
aujourd'hui en usage chez les Barbares lorsqu'ils veulent adopter un enfant. Les mythologues
racontent qu'après cette adoption, Junon donna à Hercule Hébé pour épouse. Le poète lui-même en
parti dans l'évocation des morts : «Ce n'est qu'une ombre ; car lui-même se réjouit aux festins des
dieux immortels, et possède Hébé aux jolis pieds». On raconte qu'Hercule, mis par Jupiter au nombre
des douze dieux, ne voulut point recevoir cet honneur, parce qu'il aurait fallu auparavant exclure de
l'Olympe l'un des douze dieux. Nous nous sommes beaucoup étendu sur Hercule ; mais aussi nous
n'avons rien omis de ce que les mythographes ont dit à cet égard.
|
|
