Texte grec :
| [2,2] Οὕτω δὲ τῶν πραγμάτων τῷ Νίνῳ προχωρούντων
δεινὴν ἐπιθυμίαν ἔσχε τοῦ καταστρέψασθαι τὴν
Ἀσίαν ἅπασαν τὴν ἐντὸς Τανάιδος καὶ Νείλου· ὡς
ἐπίπαν γὰρ τοῖς εὐτυχοῦσιν ἡ τῶν πραγμάτων
εὔροια τὴν τοῦ πλείονος ἐπιθυμίαν παρίστησι.
διόπερ τῆς μὲν Μηδίας σατράπην ἕνα τῶν περὶ
αὑτὸν φίλων κατέστησεν, αὐτὸς δ´ ἐπῄει τὰ κατὰ
τὴν Ἀσίαν ἔθνη καταστρεφόμενος, καὶ χρόνον ἑπτακαιδεκα
ετῆ καταναλώσας πλὴν Ἰνδῶν καὶ Βακτριανῶν
τῶν ἄλλων ἁπάντων κύριος ἐγένετο. τὰς μὲν
οὖν καθ´ ἕκαστα μάχας ἢ τὸν ἀριθμὸν ἁπάντων
τῶν καταπολεμηθέντων οὐδεὶς τῶν συγγραφέων
ἀνέγραψε, τὰ δ´ ἐπισημότατα τῶν ἐθνῶν ἀκολούθως
Κτησίᾳ τῷ Κνιδίῳ πειρασόμεθα συντόμως ἐπιδραμεῖν.
κατεστρέψατο μὲν γὰρ τῆς παραθαλαττίου
καὶ τῆς συνεχοῦς χώρας τήν τε Αἴγυπτον καὶ Φοινίκην,
ἔτι δὲ Κοίλην Συρίαν καὶ Κιλικίαν καὶ Παμφυλίαν
καὶ Λυκίαν, πρὸς δὲ ταύταις τήν τε Καρίαν
καὶ Φρυγίαν καὶ Μυσίαν καὶ Λυδίαν, προσηγάγετο
δὲ τήν τε Τρῳάδα καὶ τὴν ἐφ´ Ἑλλησπόντῳ Φρυγίαν
καὶ Προποντίδα καὶ Βιθυνίαν καὶ Καππαδοκίαν
καὶ τὰ κατὰ τὸν Πόντον ἔθνη βάρβαρα κατοικοῦντα
μέχρι Τανάιδος, ἐκυρίευσε δὲ τῆς τε Καδουσίων
χώρας καὶ Ταπύρων, ἔτι δ´ Ὑρκανίων καὶ
Δραγγῶν, πρὸς δὲ τούτοις Δερβίκων καὶ Καρμανίων
καὶ Χωρομναίων, ἔτι δὲ Βορκανίων καὶ Παρθυαίων,
ἐπῆλθε δὲ καὶ τὴν Περσίδα καὶ τὴν Σουσιανὴν
καὶ τὴν καλουμένην Κασπιανήν, εἰς ἥν εἰσιν εἰσβολαὶ
στεναὶ παντελῶς, διὸ καὶ προσαγορεύονται
Κάσπιαι πύλαι. πολλὰ δὲ καὶ ἄλλα τῶν ἐλαττόνων
ἐθνῶν προσηγάγετο, περὶ ὧν μακρὸν ἂν εἴη λέγειν.
τῆς δὲ Βακτριανῆς οὔσης δυσεισβόλου καὶ πλήθη
μαχίμων ἀνδρῶν ἐχούσης, ἐπειδὴ πολλὰ πονήσας
ἄπρακτος ἐγένετο, τὸν μὲν πρὸς Βακτριανοὺς πόλεμον
εἰς ἕτερον ἀνεβάλετο καιρόν, τὰς δὲ δυνάμεις
ἀναγαγὼν εἰς τὴν Ἀσσυρίαν ἐξελέξατο τόπον εὔθετον
εἰς πόλεως μεγάλης κτίσιν.
|
|
Traduction française :
| [2,2] Ces succès inspirèrent à Ninus le violent désir de
subjuguer toute l'Asie, comprise entre le Tanaïs et le Nil,
tant il est vrai que la prospérité ne fait qu'augmenter
l'ambition de l'homme. Il établit un de ses amis satrape
de la Médie, et s'avança lui-même vers la conquête des
nations de l'Asie ; dans un espace de dix-sept ans, il se
rendit maître de toute la contrée, à l'exception des Indes et
de la Bactriane. Aucun historien n'a décrit en détail les batailles
qu'il a livrées, ni le nombre des peuples qu'il a vaincus;
nous ne signalerons de ces derniers que les principaux
sur l'autorité de Ctésias de Cnide. Parmi les contrées littorales,
il soumit à sa puissance l'Egypte, la Phénicie, la Coelé-Syrie,
la Silicie, la Pamphylie, la Lycie, la Carie, la Phrygie,
la Mysie et la Lydie; il ajouta encore à ces conquêtes
la Troade, la Phrygie sur l'Hellespont, la Propontide, la
Bithynie, la Cappadoce et les nations barbares qui habitent
le Pont jusqu'au Tanaïs. Il se rendit aussi maître du
pays des Cadusiens, des Tapyrs, des Hyrcaniens, des
Drangiens, des Derbices, des Carmaniens, des Choromnéens,
des Borcaniens et des Parthes. Il pénétra jusque
dans la Perse, dans la Susiane et dans la région Caspienne
où se trouvent les défilés connus sous le nom de Portes
Caspiennes. Il réduisit encore bien d'autres peuples de
moindre importance et dont nous ne parlerons point. Quant
à la Bactriane, contrée d'un accès difficile et peuplée de
guerriers, après plusieurs tentatives inutiles, il ajourna la
guerre, ramena sa troupe dans la Syrie et choisit un emplacement
convenable pour fonder une grande ville.
|
|
