Texte grec :
| [7,3] Ταῦτα ἐγὼ ἀνέγραψα, ὅτι καὶ ὑπὲρ Καλάνου ἐχρῆν
εἰπεῖν ἐν τῇ περὶ Ἀλεξάνδρου συγγραφῇ· μαλακισθῆναι
γάρ τι τῷ σώματι τὸν Κάλανον ἐν τῇ Περσίδι γῇ,
οὔπω πρόσθεν νοσήσαντα· οὔκουν οὐδὲ δίαιταν διαιτᾶσθαι
θέλειν ἀρρώστου ἀνδρός, ἀλλὰ εἰπεῖν γὰρ πρὸς
Ἀλέξανδρον, καλῶς αὐτῷ ἔχειν ἐν τῷ τοιῷδε καταστρέψαι,
πρίν τινος ἐς πεῖραν ἐλθεῖν παθήματος ὅ τι
περ ἐξαναγκάσει αὐτὸν μεταβάλλειν τὴν πρόσθεν
δίαιταν. καὶ Ἀλέξανδρον ἀντειπεῖν μὲν αὐτῷ ἐπὶ
πολύ· ὡς δ´ οὐχ ἡττησόμενον ἑώρα, ἀλλὰ ἄλλως ἂν
ἀπαλλαγέντα, εἰ μή τις ταύτῃ ὑπεικάθοι, οὕτω δὴ
ὅπῃ ἐπήγγελλεν αὐτός, κελεῦσαι νησθῆναι αὐτῷ πυράν,
καὶ ταύτης ἐπιμεληθῆναι Πτολεμαῖον τὸν Λάγου τὸν
σωματοφύλακα. οἱ δὲ καὶ πομπήν τινα προπομπεῦσαι
αὐτοῦ λέγουσιν ἵππους τε καὶ ἄνδρας, τοὺς μὲν
ὡπλισμένους, τοὺς δὲ θυμιάματα παντοῖα τῇ πυρᾷ
ἐπιφέροντας· οἱ δὲ καὶ ἐκπώματα χρυσᾶ καὶ ἀργυρᾶ
καὶ ἐσθῆτα βασιλικὴν λέγουσιν ὅτι ἔφερον. αὐτῷ δὲ
παρασκευασθῆναι μὲν ἵππον, ὅτι βαδίσαι ἀδυνάτως
εἶχεν ὑπὸ τῆς νόσου· οὐ μὴν δυνηθῆναί γε οὐδὲ τοῦ
ἵππου ἐπιβῆναι, ἀλλὰ ἐπὶ κλίνης γὰρ κομισθῆναι
φερόμενον, ἐστεφανωμένον τε τῷ Ἰνδῶν νόμῳ καὶ
ᾄδοντα τῇ Ἰνδῶν γλώσσῃ. οἱ δὲ Ἰνδοὶ λέγουσιν ὅτι
ὕμνοι θεῶν ἦσαν καὶ αὐτῶν ἔπαινοι. καὶ τὸν μὲν
ἵππον τοῦτον ὅτου ἐπιβήσεσθαι ἔμελλε, βασιλικὸν ὄντα
τῶν Νησαίων, πρὶν ἀναβῆναι ἐπὶ τὴν πυρὰν Λυσιμάχῳ
χαρίσασθαι, τῶν τινι θεραπευόντων αὐτὸν ἐπὶ
σοφίᾳ· τῶν δὲ δὴ ἐκπωμάτων ἢ στρωμάτων ὅσα
ἐμβληθῆναι εἰς τὴν πυρὰν κόσμον αὐτῷ τετάχει Ἀλέξανδρος,
ἄλλα ἄλλοις δοῦναι τῶν ἀμφ´ αὑτόν. οὕτω
δὴ ἐπιβάντα τῇ πυρᾷ κατακλιθῆναι μὲν ἐν κόσμῳ,
ὁρᾶσθαι δὲ πρὸς τῆς στρατιᾶς ξυμπάσης. Ἀλεξάνδρῳ
δὲ οὐκ ἐπιεικὲς φανῆναι τὸ θέαμα ἐπὶ φίλῳ ἀνδρὶ
γιγνόμενον· ἀλλὰ τοῖς γὰρ ἄλλοις θαῦμα παρασχέσθαι
οὐδέν τι παρακινήσαντα ἐν τῷ πυρὶ τοῦ σώματος. ὡς
δὲ τὸ πῦρ ἐς τὴν πυρὰν ἐνέβαλον οἷς προστεταγμένον
ἦν, τάς τε σάλπιγγας φθέγξασθαι λέγει Νέαρχος,
οὕτως ἐξ Ἀλεξάνδρου προστεταγμένον, καὶ τὴν στρατιὰν
ἐπαλαλάξαι πᾶσαν ὁποῖόν τι καὶ ἐς τὰς μάχας ἰοῦσα
ἐπηλάλαζε, καὶ τοὺς ἐλέφαντας συνεπηχῆσαι τὸ ὀξὺ
καὶ πολεμικόν, τιμῶντας Κάλανον. ταῦτα καὶ τοιαῦτα
ὑπὲρ Καλάνου τοῦ Ἰνδοῦ ἱκανοὶ ἀναγεγράφασιν, οὐκ
ἀχρεῖα πάντα ἐς ἀνθρώπους, ὅτῳ γνῶναι ἐπιμελές,
{ὅτι} ὡς καρτερόν τέ ἐστι καὶ ἀνίκητον γνώμη ἀνθρωπίνη
ὅ τι περ ἐθέλοι ἐξεργάσασθαι.
|
|
Traduction française :
| [7,3] J'ai rapporté ces détails parce qu'on ne peut écrire l'histoire d'Alexandre sans
parler de Calanus. Le Gymnosophiste étant tombé malade pour la première fois en
Perse, et ne pouvant se plier aux règles d'un régime, il témoigna qu'il
recevrait comme un bienfait la permission d'aller au-devant de la mort, avant
que des accidents le forçassent de renoncer à ses premières habitudes.
Alexandre s'opposa d'abord vivement à ce dessein, mais ne pouvant ébranler
Calanus, et le sachant prêt à se décider pour un autre genre de mort, si on lui
refusait celui qu'il demandait, consentit à lui faire dresser un bûcher.
Ptolémée fut chargé de cette commission. On ajoute qu'Alexandre fit accompagner
la pompe par des détachements armés d'hommes à pied et à cheval. On portait des
parfums pour être épanchés dans les flammes, des vases d'or et d'argent, une
robe de pourpre. On amène un cheval à Calanus. Sa faiblesse ne lui permit pas de
s'en servir. On le plaça sur une litière, couronné à la manière des Indiens. Il
chante dans leur langage, des hymnes en l'honneur des dieux. Il pria Lysimachus,
l'un de ses disciples et de ses admirateurs d'accepter son cheval qui était de
la race néséenne, et qui sortait des haras du roi. Il distribua aux spectateurs
les coupes et les tapis qui devaient être jetés dans le bûcher. Il y monte et
s'y étend avec dignité en présence de toute l'armée. Alexandre ne jugea point
convenable d'assister au triste spectacle de la mort d'un ami. On admire le
courage de Calanus qui demeure immobile au milieu des flammes. Néarque rapporte
qu'au moment où l'on mit le feu, les trompettes sonnèrent par l'ordre
d'Alexandre. Toute l'armée poussa le cri des combats, et les éléphants même
firent entendre un frémissement belliqueux qui semblait applaudir à Calanus.
Tels sont les détails que des historiens dignes de foi nous ont transmis sur
Calanus, ce qui montre à quel degré de force et de supériorité s'élève l'esprit
humain, lorsqu'il s'arme d'une ferme résolution.
|
|
