Texte grec :
| [7,18] Ἐπεὶ καὶ τοῖόνδε τινὰ λόγον Ἀριστόβουλος ἀναγέγραφεν,
Ἀπολλόδωρον τὸν Ἀμφιπολίτην τῶν ἑταίρων
τῶν Ἀλεξάνδρου, στρατηγὸν τῆς στρατιᾶς ἣν παρὰ
Μαζαίῳ τῷ Βαβυλῶνος σατράπῃ ἀπέλιπεν Ἀλέξανδρος,
ἐπειδὴ συνέμιξεν ἐπανιόντι αὐτῷ ἐξ Ἰνδῶν, ὁρῶντα
πικρῶς τιμωρούμενον τοὺς σατράπας ὅσοι ἐπ´ ἄλλῃ καὶ
ἄλλῃ χώρᾳ τεταγμένοι ἦσαν, ἐπιστεῖλαι Πειθαγόρᾳ τῷ
ἀδελφῷ, μάντιν γὰρ εἶναι τὸν Πειθαγόραν τῆς ἀπὸ
σπλάγχνων μαντείας, μαντεύσασθαι καὶ ὑπὲρ αὐτοῦ
τῆς σωτηρίας. ἀντεπιστεῖλαι δὲ αὐτῷ Πειθαγόραν
πυνθανόμενον τίνα μάλιστα φοβούμενος χρήσασθαι
ἐθέλοι τῇ μαντείᾳ. τὸν δὲ γράψαι αὖθις ὅτι τόν τε
βασιλέα αὐτὸν καὶ Ἡφαιστίωνα. θύεσθαι δὴ τὸν
Πειθαγόραν πρῶτα μὲν ἐπὶ τῷ Ἡφαιστίωνι· ὡς δὲ
ἐπὶ τοῦ ἥπατος τοῦ ἱερείου ὁ λοβὸς ἀφανὴς ἦν, οὕτω
δὴ ἐγγράψαντα καὶ κατασημηνάμενον τὸ γραμμάτιον
πέμψαι παρὰ τὸν Ἀπολλόδωρον ἐκ Βαβυλῶνος εἰς
Ἐκβάτανα, δηλοῦντα μηδέν τι δεδιέναι Ἡφαιστίωνα·
ἔσεσθαι γὰρ αὐτοῖς ὀλίγου χρόνου ἐκποδών. καὶ
ταύτην τὴν ἐπιστολὴν λέγει Ἀριστόβουλος κομίσασθαι
Ἀπολλόδωρον μιᾷ πρόσθεν ἡμέρᾳ ἢ τελευτῆσαι Ἡφαιστίωνα.
αὖθις δὲ θύεσθαι τὸν Πειθαγόραν ἐπὶ τῷ
Ἀλεξάνδρῳ καὶ γενέσθαι καὶ ἐπ´ Ἀλεξάνδρῳ ἄλοβον
τὸ ἧπαρ τοῦ ἱερείου. καὶ Πειθαγόραν τὰ αὐτὰ καὶ
ὑπὲρ Ἀλεξάνδρου γράψαι Ἀπολλοδώρῳ. Ἀπολλόδωρον
δὲ οὐ κατασιωπῆσαι, ἀλλὰ φράσαι γὰρ πρὸς Ἀλέξανδρον
τὰ ἐπεσταλμένα, ὡς εὔνοιαν μᾶλλόν τι ἐπιδειξόμενον
τῷ βασιλεῖ, εἰ φυλάττεσθαι παραινέσειε μή τις αὐτῷ
κίνδυνος ἐν τῷ τότε ξυμπέσοι. καὶ Ἀπολλόδωρόν τε
λέγει ὅτι Ἀλέξανδρος ἐπῄνεσε καὶ τὸν Πειθαγόραν,
ἐπειδὴ παρῆλθεν εἰς Βαβυλῶνα, ἤρετο ὅτου γενομένου
αὐτῷ σημείου ταῦτα ἐπέστειλεν πρὸς τὸν ἀδελφόν·
τὸν δὲ εἰπεῖν ὅτι ἄλοβόν οἱ τὸ ἧπαρ ἐγένετο τοῦ
ἱερείου· ἐρομένου δὲ ὅ τι νοοῖ τὸ σημεῖον μέγα εἰπεῖν
εἶναι χαλεπόν. Ἀλέξανδρον δὲ τοσούτου δεῆσαι χαλεπῆναι
τῷ Πειθαγόρᾳ, ὡς καὶ δι´ ἐπιμελείας ἔχειν
αὐτὸν πλείονος, ὅτι ἀδόλως τὴν ἀλήθειάν οἱ ἔφρασε.
ταῦτα αὐτὸς Ἀριστόβουλος λέγει παρὰ Πειθαγόρου
πυθέσθαι· καὶ Περδίκκᾳ δὲ μαντεύσασθαι αὐτὸν λέγει
καὶ Ἀντιγόνῳ χρόνῳ ὕστερον· καὶ τοῦ αὐτοῦ σημείου
ἀμφοῖν γενομένου Περδίκκαν τε ἐπὶ Πτολεμαῖον
στρατεύσαντα ἀποθανεῖν καὶ Ἀντίγονον ἐν τῇ μάχῃ
τῇ πρὸς Σέλευκον καὶ Λυσίμαχον τῇ ἐν Ἰψῷ γενομένῃ.
καὶ μὲν δὴ καὶ ὑπὲρ Καλάνου τοῦ σοφιστοῦ τοῦ Ἰνδοῦ
τοῖόσδε τις ἀναγέγραπται λόγος, ὁπότε ἐπὶ τὴν πυρὰν
ᾔει ἀποθανούμενος, τότε τοὺς μὲν ἄλλους ἑταίρους
ἀσπάζεσθαι αὐτόν, Ἀλεξάνδρῳ δὲ οὐκ ἐθελῆσαι προσελθεῖν
ἀσπασόμενον, ἀλλὰ φάναι γὰρ ὅτι ἐν Βαβυλῶνι
αὐτῷ ἐντυχὼν ἀσπάσεται. καὶ τοῦτον τὸν λόγον ἐν
μὲν τῷ τότε ἀμεληθῆναι, ὕστερον δέ, ἐπειδὴ ἐτελεύτησεν
ἐν Βαβυλῶνι Ἀλέξανδρος, ἐς μνήμην ἐλθεῖν
τῶν ἀκουσάντων, ὅτι ἐπὶ τῇ τελευτῇ ἄρα τῇ Ἀλεξάνδρου ἐθειάσθη.
|
|
Traduction française :
| [7,18] Aristobule raconte un autre prodige. Apollodore d'Amphipolis, un des Hétaïres,
stratège de l'année laissée près de Mazée, satrape de Babylone, voyant la
sévérité que le roi développait, à son retour des Indes, à l'égard de tous ceux
qu'il avait mis en place, écrivit à son frère Pythagore, l'un de ces devins qui
jugent de l'avenir par l'inspection des entrailles des animaux, et le consulta
pour lui-même. Pythagore lui répondit qu'il fallait l'instruire du nom de ceux
qu'il redoutait. C'était Alexandre et Héphestion. Pythagore consulta d'abord les
entrailles sur le sort d'Héphestion, et comme il manquait un des lobes du foie,
il répondit qu'il n'y avait rien à craindre d'Héphestion, menacé d'une mort
prochaine. Cette lettre arriva, de Babylone à Ecbatane, la veille même de la
mort Héphestion. Le devin consulta ensuite les victimes sur le sort d'Alexandre.
Elles offrent les mêmes indications, il fait la même réponse.
Apollodore, pour faire preuve de zèle envers Alexandre, lui découvrit le danger
qui le menaçait. Le roi lui en sut gré, et, arrivé à Babylone, il interrogea
Pythagore sur la nature du présage que celui-ci lui révéla. Loin de se fâcher
contre Pythagore, le prince lui sut un gré marqué de lui avoir confié naïvement
ces détails.
Aristobule annonce les tenir du devin même. Pythagore fit dans la suite, sur les
mêmes signes, la même prédiction à Perdiccas et à Antigonos, au premier,
lorsqu'il faisait la guerre à Ptolémée, au second, avant la bataille d'Issus
contre Séleucus et Lysimaque. L'effet suivit la prédiction.
On rapporte aussi que le philosophe Calanus, au moment où il s'approchait du
bûcher, embrassa tous les Hétaïres, et s'arrêta vers Alexandre en lui disant : «
Nous nous reverrons à Babylone, et c'est là que je t'embrasserai. » On fit alors
peu d'attention à ces paroles, que l'on releva après la mort d'Alexandre.
|
|
