Texte grec :
| [5,6] Ὅτῳ δὴ τὰ τῆς Ἀσίας ὧδε ἔχει ὡς πρὸς τοῦ
Ταύρου τε καὶ τοῦ Καυκάσου τέμνεσθαι ἀπὸ ἀνέμου
ζεφύρου ὡς ἐπὶ ἀπηλιώτην ἄνεμον τὴν Ἀσίαν, τούτῳ
δύο μὲν αὗται μέγισται πρὸς αὐτοῦ τοῦ Ταύρου τῆς
Ἀσίας μοῖραι γίγνονται, ἡ μὲν ἐς μεσημβρίαν τε καὶ
πρὸς νότον ἄνεμον {τοῦ Ταύρου} κεκλιμένη, ἡ δὲ ἐπ´
ἄρκτον τε καὶ ἄνεμον βορρᾶν. τῆς δὲ ὡς ἐπὶ νότον
Ἀσίας τετραχῇ αὖ τεμνομένης μεγίστην μὲν μοῖραν
τὴν Ἰνδῶν γῆν ποιεῖ Ἐρατοσθένης τε καὶ Μεγασθένης,
ὃς ξυνῆν μὲν Σιβυρτίῳ τῷ σατράπῃ τῆς Ἀραχωσίας,
πολλάκις δὲ λέγει ἀφικέσθαι παρὰ Σανδράκοττον τὸν
Ἰνδῶν βασιλέα, ἐλαχίστην δὲ ὅσην ὁ Εὐφράτης
ποταμὸς ἀπείργει ὡς πρὸς τὴν ἐντὸς τὴν ἡμετέραν
θάλασσαν. δύο δὲ αἱ μεταξὺ Εὐφράτου τε ποταμοῦ
καὶ τοῦ Ἰνδοῦ ἀπειργόμεναι αἱ δύο ξυντεθεῖσαι μόλις
ἄξιαι τῇ Ἰνδῶν γῇ ξυμβαλεῖν. ἀπείργεσθαι δὲ τὴν
Ἰνδῶν χώραν πρὸς μὲν ἕω τε καὶ ἀπηλιώτην ἄνεμον
ἔστε ἐπὶ μεσημβρίαν τῇ μεγάλῃ θαλάσσῃ· τὸ πρὸς
βορρᾶν δὲ αὐτῆς ἀπείργειν τὸν Καύκασον τὸ ὄρος
ἔστε ἐπὶ τοῦ Ταύρου τὴν ξυμβολήν· τὴν δὲ ὡς πρὸς
ἑσπέραν τε καὶ ἄνεμον Ἰάπυγα ἔστε ἐπὶ τὴν μεγάλην
θάλασσαν ὁ Ἰνδὸς ποταμὸς ἀποτέμνεται. καὶ ἔστι
πεδίον ἡ πολλὴ αὐτῆς, καὶ τοῦτο, ὡς εἰκάζουσιν, ἐκ
τῶν ποταμῶν προςκεχωσμένον. εἶναι γὰρ οὖν καὶ
τῆς ἄλλης χώρας ὅσα πεδία οὐ πρόσω θαλάσσης τὰ
πολλὰ τῶν ποταμῶν παρ´ ἑκάστοις ποιήματα· ὣς δὲ
καὶ τῆς χώρας τὴν ἐπωνυμίαν τοῖς ποταμοῖς ἐκ
παλαιοῦ προσκεῖσθαι, καθάπερ Ἕρμου τέ τι πεδίον
λέγεσθαι, ὃς κατὰ τὴν Ἀσίαν γῆν ἀνίσχων ἐξ ὄρους
Μητρὸς Δινδυμήνης παρὰ Σμύρναν πόλιν Αἰολικὴν
ἐκδιδοῖ ἐς θάλασσαν, καὶ ἄλλο Καΰστρου, πεδίον
Λύδιον καὶ Λυδίου ποταμοῦ, καὶ Καΐκου ἄλλο ἐν
Μυσίᾳ καὶ Μαιάνδρου τὸ Καρικὸν ἔστε ἐπὶ Μίλητον
πόλιν Ἰωνικήν. Αἴγυπτόν τε Ἡρόδοτός τε καὶ
Ἑκαταῖος οἱ λογοποιοί, ἢ εἰ δή του ἄλλου ἢ Ἑκαταίου
ἐστὶ τὰ ἀμφὶ τῇ γῇ τῇ Αἰγυπτίᾳ ποιήματα, δῶρόν τε
τοῦ ποταμοῦ ἀμφότεροι ὡσαύτως ὀνομάζουσιν καὶ οὐκ
ἀμαυροῖς τεκμηρίοις ὅτι ταύτῃ ἔχει Ἡροδότῳ ἐπιδέδεικται,
ὡς καὶ τὴν γῆν αὐτὴν τυχὸν τοῦ ποταμοῦ
εἶναι ἐπώνυμον. Αἴγυπτος γὰρ τὸ παλαιὸν ὁ ποταμὸς
ὅτι ἐκαλεῖτο, ὅντινα νῦν Νεῖλον Αἰγύπτιοί τε καὶ οἱ
ἔξω Αἰγύπτου ἄνθρωποι ὀνομάζουσιν, ἱκανὸς τεκμηριῶσαι
Ὅμηρος, λέγων ἐπὶ τῇ ἐκβολῇ τοῦ Αἰγύπτου
ποταμοῦ τὸν Μενέλεων στῆσαι τὰς νέας. εἰ δὴ οὖν
εἷς τε ποταμὸς παρ´ ἑκάστοις καὶ οὐ μεγάλοι οὗτοι
ποταμοὶ ἱκανοὶ γῆν πολλὴν ποιῆσαι ἐς θάλασσαν
προχεόμενοι, ὁπότε ἰλὺν καταφέροιεν καὶ πηλὸν ἐκ
τῶν ἄνω τόπων ἔνθενπερ αὐτοῖς αἱ πηγαί εἰσιν, οὐδὲ
ὑπὲρ τῆς Ἰνδῶν ἄρα χώρας ἐς ἀπιστίαν ἰέναι ἄξιον,
ὅπως πεδίον τε ἡ πολλή ἐστι καὶ ἐκ τῶν ποταμῶν τὸ
πεδίον ἔχει προσκεχωσμένον. Ἕρμον μὲν γὰρ καὶ
Κάϋστρον καὶ Κάϊκόν τε καὶ Μαίανδρον ἢ ὅσοι πολλοὶ
ποταμοὶ τῆς Ἀσίας ἐς τήνδε τὴν ἐντὸς θάλασσαν
ἐκδιδοῦσιν οὐδὲ σύμπαντας ξυντεθέντας ἑνὶ τῶν Ἰνδῶν
ποταμῶν ἄξιον ξυμβαλεῖν πλήθους ἕνεκα τοῦ ὕδατος,
μὴ ὅτι τῷ Γάγγῃ τῷ μεγίστῳ, ὅτῳ οὔτε τὸ τοῦ
Νείλου ὕδωρ τοῦ Αἰγυπτίου οὔτε ὁ Ἴστρος ὁ κατὰ τὴν
Εὐρώπην ῥέων ἄξιοι ξυμβαλεῖν, ἀλλ´ οὐδὲ τῷ Ἰνδῷ
ποταμῷ ἐκεῖνοί γε πάντες ξυμμιχθέντες ἐς ἴσον ἔρχονται,
ὃς μέγας τε εὐθὺς ἀπὸ τῶν πηγῶν ἀνίσχει καὶ πεντεκαίδεκα
ποταμοὺς πάντας τῶν Ἀσιανῶν μείζονας παραλαβὼν
καὶ τῇ ἐπωνυμίᾳ κρατήσας οὕτως ἐκδιδοῖ ἐς
θάλασσαν. ταῦτά μοι ἐν τῷ παρόντι περὶ Ἰνδῶν τῆς
χώρας λελέχθω· τὰ δὲ ἄλλα ἀποκείσθω ἐς τὴν Ἰνδικὴν
ξυγγραφήν.
|
|
Traduction française :
| [5,6] L'Asie est donc coupée dans sa longueur de l'Est à l'Ouest, par le Taurus et le
Caucase qui la partagent en méridionale et en septentrionale la première se
subdivise en quatre régions, dont l'Inde est la plus grande, au rapport
d'Ératosthène et de Mégasthène. (Ce dernier fixé chez Sibyrtius, satrape des
Arachotiens, fit, ainsi qu'il nous l'apprend, plusieurs voyages à la coin de
Sandracotte, roi des Indiens.) La moins étendue de ces régions est celle
enclavée entre l'Euphrate et la Méditerranée; les deux autres, situées entre
l'Euphrate et l'Indus, ne peuvent même réunies, se comparer à l'Inde. Celle-ci
est bornée à l'Orient et au Mid par l'Erythrée, au Nord par le Caucase et le
Taurus, et à l'Occident par l'Indus: dans toute l'étendue de son cours.
l'Inde s'étend presque partout en plaines : on les croit formées par les
attérissements des fleuves débordés. C'est ainsi qu'aux bords de la mer
croissent ces plaines qui empruntent le nom des fleuves à qui elles doivent leur
origine ainsi l'Hermus qui tombe du mont de Cybèle en Asie, et se décharge près
de Smyrne en Éolie, a donné son nom ans champs d'Hermus; ainsi le Lydius à la
plaine du Cayster, le Caïcus à la Mysie , et le Méandre à la Carie qui s'étend
jusqu'à Milet. Ainsi l'Égypte est un présent du Nil, s'il en faut croire
Hérodote et l'historien Hécatée (supposé que l'ouvrage qui porte son nom soit
effectivement de lui.) Hérodote le prouve d'une manière irrésistible; il paraît
même que le fleuve a donné son nom cette à contrée; il s'appelait l'Égyptus au
rapport d'Homère, qui fait aborder la flotte de Ménélas à l'embouchure de l'Égyptus.
Que si des fleuves peu considérables entraînent depuis leur source jusqu'à leur
embouchure assez de limon pour en former des plaines, comment ne pas attribuer
le même effet à ceux qui arrosent les champs de l'Inde. L'Hermus, et le Caytser,
et le Caïcus, et le Méandre, et les autres fleuves de l'Asie qui se déchargent
dans la Méditerranée, si leurs eaux étaient réunies, loin de pouvoir être mis en
parallèle avec le Gange, le plus grand des fleuves, qui surpasse le Nil même et
l'Ister, ne sauraient être comparés à l'Indus qui, déjà considérable à sa source, se jette
dans les mers grossi dans sa course des eaux de quinze grands fleuves.
C'en est assez sur l'Inde; je m'étendrai davantage dans l'histoire spéciale que
j'en écrirai.
|
|
