Texte grec :
| [5,4] Ὁ δὲ Ἰνδὸς ποταμὸς ὅτι μέγιστος ποταμῶν ἐστι
τῶν κατὰ τὴν Ἀσίαν τε καὶ τὴν Εὐρώπην, πλὴν
Γάγγου, καὶ τούτου Ἰνδοῦ ποταμοῦ, καὶ ὅτι αἱ πηγαί
εἰσιν αὐτῷ ἐπὶ τάδε τοῦ ὄρους τοῦ Παραπαμίσου ἢ
Καυκάσου, καὶ ὅτι ἐκδίδωσιν ἐς τὴν μεγάλην θάλασσαν
τὴν κατὰ Ἰνδοὺς ὡς ἐπὶ νότον ἄνεμον, καὶ ὅτι
δίστομός ἐστιν ὁ Ἰνδὸς καὶ αἱ ἐκβολαὶ αὐτοῦ ἀμφότεραι
τεναγώδεις, καθάπερ αἱ πέντε τοῦ Ἴστρου, καὶ ὅτι
Δέλτα ποιεῖ καὶ αὐτὸς ἐν τῇ Ἰνδῶν γῇ τῷ Αἰγυπτίῳ
Δέλτα παραπλήσιον καὶ τοῦτο Πάταλα καλεῖται τῇ
Ἰνδῶν φωνῇ, ταῦτα μὲν ὑπὲρ τοῦ Ἰνδοῦ τὰ μάλιστα
οὐκ ἀμφίλογα καὶ ἐμοὶ ἀναγεγράφθω. ἐπεὶ καὶ ὁ
Ὑδάσπης καὶ Ἀκεσίνης καὶ Ὑδραώτης καὶ Ὕφασις, καὶ
οὗτοι Ἰνδοὶ ποταμοὶ ὄντες, τῶν μὲν ἄλλων τῶν Ἀσιανῶν
ποταμῶν πολύ τι κατὰ μέγεθος ὑπερφέρουσι, τοῦ
Ἰνδοῦ δὲ μείονές εἰσιν καὶ πολὺ δὴ μείονες, ὅπου καὶ
αὐτὸς ὁ Ἰνδὸς τοῦ Γάγγου. Κτησίας μὲν δή, εἰ δή
τῳ ἱκανὸς καὶ Κτησίας ἐς τεκμηρίωσιν, ἵνα μὲν
στενότατος αὐτὸς αὑτοῦ ὁ Ἰνδός ἐστι, τεσσαράκοντα
σταδίους λέγει ὅτι διέχουσιν αὐτῷ αἱ ὄχθαι, ἵνα δὲ
πλατύτατος, καὶ ἑκατόν· τὸ πολὺ δὲ εἶναι αὐτοῦ τὸ
μέσον τούτοιν.
Τοῦτον τὸν ποταμὸν τὸν Ἰνδὸν ὑπὸ τὴν ἕω διέβαινε
ξὺν τῇ στρατιᾷ Ἀλέξανδρος ἐς τῶν Ἰνδῶν τὴν γῆν·
ὑπὲρ ὧν ἐγὼ οὔτε οἷστισι νόμοις διαχρῶνται ἐν τῇδε
τῇ συγγραφῇ ἀνέγραψα, οὔτε ζῷα εἰ δή τινα ἄτοπα
ἡ χώρα αὐτοῖς ἐκφέρει, οὔτε ἰχθύας ἢ κήτη ὅσα ἢ
οἷα ὁ Ἰνδὸς ἢ ὁ Ὑδάσπης ἢ ὁ Γάγγης ἢ οἱ ἄλλοι
Ἰνδῶν ποταμοὶ φέρουσιν, οὐδὲ τοὺς μύρμηκας τοὺς
τὸν χρυσόν σφισιν ἐργαζομένους, οὐδὲ τοὺς γρῦπας
τοὺς φύλακας, οὐδὲ ὅσα ἄλλα ἐφ´ ἡδονῇ μᾶλλόν τι
πεποίηται ἢ ἐς ἀφήγησιν τῶν ὄντων, ὡς τά γε κατ´
Ἰνδοὺς ὅσα ἂν ἄτοπα ψεύσωνται, οὐκ ἐξελεγχθησόμενα
πρὸς οὐδαμῶν. ἀλλὰ Ἀλέξανδρος γὰρ καὶ οἱ ξὺν
τούτῳ στρατεύσαντες τὰ πολλὰ ἐξήλεγξαν, ὅσα γε μὴ
καὶ αὐτῶν ἔστιν οἳ ἐψεύσαντο· ἀχρύσους τε εἶναι
Ἰνδοὺς ἐξήλεγξαν, ὅσους γε δὴ Ἀλέξανδρος ξὺν τῇ
στρατιᾷ ἐπῆλθε, πολλοὺς δὲ ἐπῆλθε, καὶ ἥκιστα
χλιδῶντας κατὰ τὴν δίαιταν, ἀλλὰ μεγάλους μὲν τὰ
σώματα, οἵους μεγίστους τῶν κατὰ τὴν Ἀσίαν, πενταπήχεις
τοὺς πολλοὺς ἢ ὀλίγον ἀποδέοντας, καὶ μελαντέρους
τῶν ἄλλων ἀνθρώπων, πλὴν Αἰθιόπων, καὶ τὰ
πολέμια πολύ τι γενναιοτάτους τῶν γε δὴ τότε
ἐποίκων τῆς Ἀσίας. τὸ γὰρ Περσῶν τῶν πάλαι, ξὺν
οἷς ὁρμηθεὶς Κῦρος ὁ Καμβύσου Μήδους τε τὴν
ἀρχὴν τῆς Ἀσίας ἀφείλετο καὶ ἄλλα ἔθνη τὰ μὲν
κατεστρέψατο, τὰ δὲ προσχωρήσαντά οἱ ἑκόντα κατέσχεν,
οὐκ ἔχω ἀτρεκῶς ὥς γε δὴ πρὸς τὰ Ἰνδῶν ξυμβαλεῖν.
καὶ γὰρ καὶ Πέρσαι τότε πένητές τε ἦσαν καὶ χώρας
τραχείας οἰκήτορες, καὶ νόμιμά σφισιν ἦν οἷα ἐγγυτάτω
εἶναι τῇ Λακωνικῇ παιδεύσει. τὸ δὲ τραῦμα τὸ
γενόμενον Πέρσαις ἐν τῇ Σκυθικῇ γῇ οὐδὲ τοῦτο ἔχω
ἀτρεκῶς ξυμβαλεῖν πότερα δυσχωρίαις ξυνενεχθεῖσιν
ἤ τινι ἄλλῃ Κύρου ἁμαρτίᾳ ξυνέβη ἢ Σκυθῶν γε τῶν
ταύτῃ κακίους τὰ πολέμια Πέρσαι ἦσαν.
|
|
Traduction française :
| [5,4] L'Indus est le plus grand des fleuves de l'Europe et de l'Asie, à
l'exception du Gange; ses sources tombent de Paropamise qui termine la chaîne du
Caucase à l'Orient : il se décharge au midi dans l'Érythrée par deux embouchures
marécageuses, ainsi que celles de l'Ister, et qui présentent , comme le Nil, la
forme d'un triangle que les Grecs appellent Delta, et les Indiens Pattala. Voilà
ce que j'ai pu recueillir de plus certain sur l'Indus. On voit aux Indes
d'autres fleuves, l'Hydaspe, l'Acésinès, l'Hydraote et Myphase, qui, par leur
étendue considérable, sont à tous les fleuves de l'Asie, ce que l'Indus est à
eux, ce que le Gange est à l'Indus. Ctésias, si cet auteur a quelque poids,
détermine la moindre largeur de l'Indus à quarante stades, la plus grande à
cent, et la moyenne à soixante-dix.
Alexandre passa le fleuve au point du jour avec toute son armée.
Je ne traiterai point ici de l'Inde, de ses lois, de ses productions, des
animaux extraordinaires qu'elle nourrit, des poissons monstrueux qu'on trouve
dans ses fleuves. Quant à ces fourmis qui font de l'or, à ces griffons qui le
gardent, ces contes appartiennent à la fable et non à l'histoire; et les auteurs
en sont d'autant plus prodigues, qu'il semble difficile de les convaincre de
fausseté. Alexandre et ceux qui l'ont suivi ont remarqué dans leurs propres
historiens une foule de mensonges. Ils se sont assurés, dans les Indes dont ils
ont parcouru la plus grande étendue, que ces peuples simples n'avaient ni
trésors ni luxe. Les Indiens ont le teint d'un brun foncé; ils sont de haute
taille, ils ont près de cinq coudées de haut, ce sont les hommes les plus grands
et les plus belliqueux de l'Asie. Je ne leur compare point les Perses dont la
valeur, guidée par Cyrus, enleva aux Mèdes l'empire de l'Asie, et soumit
plusieurs nations. Ces Perses étaient pauvres, habitaient un pays sauvage, et
vivaient sous des institutions assez semblables à celles de Lycurgue et s'ils
furent vaincus par les Scythes, je ne sais s'il faut l'attribuer à leur
infériorité plutôt qu'aux désavantages du poste, ou à la faute de leur général.
|
|
