Texte grec :
| [2,51] Οὕτω δὴ τεταγμένους χρόνον μέν τινα προῆγεν
ἀναπαύων, ὥστε καὶ πάνυ ἔδοξε σχολαία γενέσθαι
αὐτῷ ἡ πρόσοδος. τοὺς γὰρ βαρβάρους, ὅπως τὰ
πρῶτα ἐτάχθησαν, οὐκέτι ἀντεπῆγε Δαρεῖος, ἀλλ' ἐπὶ
τοῦ ποταμοῦ ταῖς ὄχθαις, πολλαχῇ μὲν ἀποκρήμνοις
οὔσαις, ἔστι δὲ ὅπου καὶ χάρακα παρατείνας αὐταῖς
ἵνα εὐεφοδώτερα ἐφαίνετο, οὕτως ἔμενεν. καὶ ταύτῃ
εὐθὺς δῆλος ἐγένετο τοῖς ἀμφ' Ἀλέξανδρον τῇ γνώμῃ
δεδουλωμένος. ὡς δὲ ὁμοῦ ἤδη ἦν τὰ στρατόπεδα,
ἐνταῦθα παριππεύων πάντῃ Ἀλέξανδρος παρεκάλει
ἄνδρας ἀγαθοὺς γίγνεσθαι, οὐ τῶν ἡγεμόνων μόνον
τὰ ὀνόματα ξὺν τῷ πρέποντι κόσμῳ ἀνακαλῶν, ἀλλὰ
καὶ ἰλάρχας καὶ λοχαγοὺς ὀνομαστὶ καὶ τῶν ξένων
τῶν μισθοφόρων, ὅσοι κατ' ἀξίωσιν ἤ τινα ἀρετὴν
γνωριμώτεροι ἦσαν. καὶ αὐτῷ πανταχόθεν βοὴ ἐγίνετο
μὴ διατρίβειν, ἀλλὰ ἐσβάλλειν ἐς τοὺς πολεμίους. ὁ δὲ
ἦγεν ἐν τάξει ἔτι, τὰ μὲν πρῶτα, καίπερ ἐν ἀπόπτῳ ἤδη
ἔχων τὴν Δαρείου δύναμιν, βάδην, τοῦ μὴ διασπασθῆναί
τι ἐν τῇ ξυντονωτέρᾳ πορείᾳ κυμῆναν τῆς φάλαγγος.
ὡς δὲ ἐντὸς βέλους ἐγίγνοντο, πρῶτοι δὴ οἱ κατὰ
Ἀλέξανδρον καὶ αὐτὸς Ἀλέξανδρος ἐπὶ τοῦ δεξιοῦ τεταγμένος
δρόμῳ ἐς τὸν ποταμὸν ἐνέβαλον, ὡς τῇ τε
ὀξύτητι τῆς ἐφόδου ἐκπλῆξαι τοὺς Πέρσας καὶ τοῦ
θᾶσσον ἐς χεῖρας ἐλθόντας ὀλίγα πρὸς τῶν τοξοτῶν
βλάπτεσθαι. καὶ ξυνέβη ὅπως εἴκασεν Ἀλέξανδρος.
εὐθὺς γὰρ ὡς ἐν χερσὶν ἡ μάχη ἐγένετο, τρέπονται
τοῦ Περσικοῦ στρατεύματος οἱ τῷ ἀριστερῷ κέρᾳ ἐπιτεταγμένοι.
καὶ ταύτῃ μὲν λαμπρῶς ἐνίκα Ἀλέξανδρός
τε καὶ οἱ ἀμφ' αὐτόν. οἱ δὲ Ἕλληνες οἱ μισθοφόροι
οἱ ξὺν Δαρείῳ, ἧ διέσχε τῶν Μακεδόνων ἡ φάλαγξ
ὡς ἐπὶ τὸ δεξιὸν κέρας παραρραγεῖσα, ὅτι Ἀλέξανδρος
μὲν σπουδῇ ἐς τὸν ποταμὸν ἐμβαλὼν καὶ ἐν χερσὶ τὴν
μάχην ποιήσας ἐξώθει ἤδη τοὺς ταύτῃ τεταγμένους
τῶν Περσῶν, οἱ δὲ κατὰ μέσον τῶν Μακεδόνων οὔτε
τῇ ἴσῃ σπουδῇ ἥψαντο τοῦ ἔργου καὶ πολλαχῇ κρημνώδεσι
ταῖς ὄχθαις ἐντυγχάνοντες τὸ μέτωπον τῆς
φάλαγγος οὐ δυνατοὶ ἐγένοντο ἐν τῇ αὐτῇ τάξει
διασώσασθαι, _ταύτῃ ἐμβάλλουσιν οἱ Ἕλληνες τοῖς
Μακεδόσιν ἧ μάλιστα διεσπασμένην αὐτοῖς τὴν φάλαγγα
κατεῖδον. καὶ τὸ ἔργον ἐνταῦθα καρτερὸν ἦν,
τῶν μὲν ἐς τὸν ποταμὸν ἀπώσασθαι τοὺς Μακεδόνας
καὶ τὴν νίκην τοῖς ἤδη φεύγουσι σφῶν ἀνασώσασθαι,
τῶν Μακεδόνων δὲ τῆς τε Ἀλεξάνδρου ἤδη φαινομένης
εὐπραγίας μὴ λειφθῆναι καὶ τὴν δόξαν τῆς φάλαγγος,
ὡς ἀμάχου δὴ ἐς τὸ τότε διαβεβοημένης, μὴ ἀφανίσαι.
καί τι καὶ τοῖς γένεσι τῷ τε Ἑλληνικῷ καὶ τῷ Μακε-
δονικῷ φιλοτιμίας ἐνέπεσεν ἐς ἀλλήλους. καὶ ἐνταῦθα
πίπτει Πτολεμαῖός τε ὁ Σελεύκου, ἀνὴρ ἀγαθὸς γενόμενος,
καὶ ἄλλοι ἐς εἴκοσι μάλιστα καὶ ἑκατὸν τῶν οὐκ
ἠμελημένων Μακεδόνων.
Ἐν τούτῳ δὲ αἱ ἀπὸ τοῦ δεξιοῦ κέρως τάξεις, τετραμμένους
ἤδη τοὺς κατὰ σφᾶς τῶν Περσῶν ὁρῶντες,
ἐπὶ τοὺς ξένους τε τοὺς μισθοφόρους τοὺς Δαρείου
καὶ τὸ πονούμενον σφῶν ἐπικάμψαντες ἀπό τε τοῦ
ποταμοῦ ἀπώσαντο αὐτούς, καὶ κατὰ τὸ παρερρωγὸς
τοῦ Περσικοῦ στρατεύματος ὑπερφαλαγγήσαντες ἐς τὰ
πλάγια ἐμβεβληκότες ἤδη ἔκοπτον τοὺς ξένους. καὶ οἱ
ἱππεῖς δὲ οἱ τῶν Περσῶν κατὰ τοὺς Θεσσαλοὺς τεταγμένοι
οὐκ ἔμειναν ἐντὸς τοῦ ποταμοῦ ἐν αὐτῷ τῷ
ἔργῳ, ἀλλ' ἐπιδιαβάντες εὐρώστως ἐνέβαλον ἐς τὰς
ἴλας τῶν Θετταλῶν. καὶ ταύτῃ ξυνέστη ἱππομαχία
καρτερά, οὐδὲ πρόσθεν ἐνέκλιναν οἱ Πέρσαι πρὶν
Δαρεῖόν τε πεφευγότα ἤσθοντο καὶ πρὶν ἀπορραγῆναι
σφῶν τοὺς μισθοφόρους συγκοπέντας ὑπὸ τῆς φάλαγγος.
τότε δὲ ἤδη λαμπρά τε καὶ ἐκ πάντων ἡ φυγὴ
ἐγίγνετο. καὶ οἵ τε τῶν Περσῶν ἵπποι ἐν τῇ ἀναχωρήσει
ἐκακοπάθουν βαρέως ὡπλισμένους τοὺς ἀμβάτας
σφῶν φέροντες, καὶ αὐτοὶ οἱ ἱππεῖς κατὰ στενὰς ὁδοὺς
πλήθει τε πολλοὶ καὶ πεφοβημένως ξὺν ἀταξίᾳ ἀποχωροῦντες
οὐ μεῖον ἀπ' ἀλλήλων καταπατούμενοι ἢ
πρὸς τῶν διωκόντων πολεμίων ἐβλάπτοντο. καὶ οἱ
Θεσσαλοὶ εὐρώστως αὐτοῖς ἐπέκειντο, ὥστε οὐ μείων
ἢ τῶν πεζῶν φόνος ἐν τῇ φυγῇ τῶν ἱππέων ἐγίγνετο.
Δαρεῖος δέ, ὡς αὐτῷ τὸ πρῶτον ὑπ' Ἀλεξάνδρου
ἐφοβήθη τὸ κέρας τὸ εὐώνυμον καὶ ταύτῃ ἀπορρηγνύμενον
κατεῖδε τοῦ ἄλλου στρατοπέδου, εὐθὺς ὡς εἶχεν
ἐπὶ τοῦ ἅρματος ξὺν τοῖς πρώτοις ἔφευγε. καὶ ἔστε
μὲν ὁμαλοῖς χωρίοις ἐν τῇ φυγῇ ἐπετύγχανεν, ἐπὶ τοῦ
ἅρματος διεσώζετο, ὡς δὲ φάραγξί τε καὶ ἄλλαις
δυσχωρίαις ἐνέκυρσε, τὸ μὲν ἅρμα ἀπολείπει αὐτοῦ
καὶ τὴν ἀσπίδα καὶ τὸν κάνδυν ἐκδύς. ὁ δὲ καὶ τὸ
τόξον ἀπολείπει ἐπὶ τοῦ ἅρματος. αὐτὸς δὲ ἵππου ἐπιβὰς
ἔφευγε. καὶ ἡ νὺξ οὐ διὰ μακροῦ ἐπιγενομένη
ἀφείλετο αὐτὸν τὸ πρὸς Ἀλεξάνδρου ἁλῶναι. Ἀλέξανδρος
γὰρ ἔστε μὲν φάος ἦν ἀνὰ κράτος ἐδίωκεν, ὡς
δὲ συνεσκόταζέ τε ἤδη καὶ τὰ πρὸ ποδῶν ἀφανῆ ἦν,
εἰς τὸ ἔμπαλιν ἀπετρέπετο ὡς ἐπὶ τὸ στρατόπεδον. τὸ
μέντοι ἅρμα τοῦ Δαρείου ἔλαβε καὶ τὴν ἀσπίδα ἐπ'
αὐτῷ καὶ τὸν κάνδυν καὶ τὸ τόξον. καὶ γὰρ καὶ ἡ
δίωξις βραδυτέρα αὐτῷ ἐγεγόνει, ὅτι ἐν τῇ πρώτῃ
παραρρήξει τῆς φάλαγγος ἐπιστρέψας καὶ αὐτὸς οὐ
πρόσθεν ἐς τὸ διώκειν ἐτράπετο πρὶν τούς τε μισθοφόρους
τοὺς ξένους καὶ τὸ τῶν Περσῶν ἱππικὸν ἀπὸ
τοῦ ποταμοῦ ἀπωσθέντας κατεῖδε.
Τῶν δὲ Περσῶν ἀπέθανον Ἀρσάμης μὲν καὶ Ῥεομίθρης
καὶ Ἀτιζύης τῶν ἐπὶ Γρανίκῳ ἡγησαμένων τοῦ
ἱππικοῦ. ἀποθνήσκει δὲ καὶ Σαυάκης ὁ Αἰγύπτου σατράπης
καὶ Βουβάκης τῶν ἐντίμων Περσῶν. τὸ δὲ
ἄλλο πλῆθος εἰς δέκα μάλιστα μυριάδας καὶ ἐν τούτοις
ἱππεῖς ὑπὲρ τοὺς μυρίους, ὥστε λέγει Πτολεμαῖος
ὁ Λάγου ξυνεπισπόμενος τότε Ἀλεξάνδρῳ τοὺς μετὰ
σφῶν διώκοντας Δαρεῖον, ὡς ἐπὶ φάραγγί τινι ἐν τῇ
διώξει ἐγένοντο, ἐπὶ τῶν νεκρῶν διαβῆναι τὴν φάραγγα.
τό τε στρατόπεδον τὸ Δαρείου εὐθὺς ἐξ ἐφόδου ἑάλω
καὶ ἡ μήτηρ καὶ ἡ γυνή, αὐτὴ δὲ καὶ ἀδελφὴ Δαρείου,
καὶ υἱὸς Δαρείου νήπιος. καὶ θυγατέρες δύο ἑάλωσαν
καὶ ἄλλαι ἀμφ' αὐτὰς Περσῶν τῶν ὁμοτίμων γυναῖκες
οὐ πολλαί. οἱ γὰρ ἄλλοι Πέρσαι τὰς γυναῖκας σφῶν
ξὺν τῇ ἄλλῃ κατασκευῇ ἐς Δαμασκὸν ἔτυχον ἐσταλκότες.
ἐπεὶ καὶ Δαρεῖος τῶν τε χρημάτων τὰ πολλὰ
καὶ ὅσα ἄλλα μεγάλῳ βασιλεῖ ἐς πολυτελῆ δίαιταν καὶ
στρατευομένῳ ὅμως συνέπεται πεπόμφει ἐς Δαμασκόν,
ὥστε ἐν τῷ στρατεύματι οὐ πλείονα ἢ τρισχίλια τάλαντα
ἑάλω. ἀλλὰ καὶ τὰ ἐν Δαμασκῷ χρήματα ὀλίγον
ὕστερον ἑάλω ὑπὸ Παρμενίωνος ἐπ' αὐτὸ τοῦτο σταλέντος.
τοῦτο τὸ τέλος τῇ μάχῃ ἐκείνῃ ἐγένετο ἐπὶ
ἄρχοντος Ἀθηναίοις Νικοκράτους μηνὸς Μαιμακτηριῶνος.
Τῇ δὲ ὑστεραίᾳ, καίπερ τετρωμένος τὸν μηρὸν
ξίφει Ἀλέξανδρος, ὁ δὲ τοὺς τραυματίας ἐπῆλθε, καὶ
τοὺς νεκροὺς ξυναγαγὼν ἔθαψε μεγαλοπρεπῶς ξὺν τῇ
δυνάμει πάσῃ ἐκτεταγμένῃ ὡς λαμπρότατα ἐς πόλεμον.
καὶ λόγῳ τε ἐπεκόσμησεν ὅσοις τι διαπρεπὲς ἔργον ἐν
τῇ μάχῃ ἢ αὐτὸς ξυνέγνω εἰργασμένον ἢ ἀκοῇ συμφωνούμενον
ἔμαθεν, καὶ χρημάτων ἐπιδόσει ὡς ἑκάστους
ξὺν τῇ ἀξίᾳ ἐτίμησεν. καὶ Κιλικίας μὲν ἀποδεικνύει
σατράπην Βάλακρον τὸν Νικάνορος, ἕνα τῶν
σωματοφυλάκων τῶν βασιλικῶν, ἀντὶ δὲ τούτου ἐς
τοὺς σωματοφύλακας κατέλεξε Μένητα τὸν Διονυσίου.
ἀντὶ δὲ Πτολεμαίου τοῦ Σελεύκου τοῦ ἀποθανόντος
ἐν τῇ μάχῃ Πολυπέρχοντα τὸν Σιμμίου ἄρχειν ἀπέδειξε
τῆς ἐκείνου τάξεως. καὶ Σολεῦσι τά τε πεντήκοντα
τάλαντα, ἃ ἔτι ἐνδεᾶ ἦν ἐκ τῶν ἐπιβληθέντων
σφίσι χρημάτων, ἀνῆκεν καὶ τοὺς ὁμήρους ἀπέδωκεν.
|
|
Traduction française :
| [2,51] L'ordre de bataille ainsi disposé, Alexandre s'avance lentement, et en faisant des haltes
fréquentes, comme s'il ne voulait rien précipiter.
De son côté Darius ne quitte point les bords escarpés du fleuve où il était
placé ; il a même défendu par des palissades les rives d'un facile accès : cette
disposition révèle aux Macédoniens que Darius a déjà présagé sa défaite.
Les armées en présence, Alexandre à cheval, parcourt ses rangs, encourage les
siens, appelle nominativement et avec éloge non seulement les principaux chefs,
mais encore les Ilarques, les moindres officiers, et ceux mêmes des étrangers
distingués par leurs grades ou leurs exploits : tous, par un cri unanime,
demandent à fondre sur l'ennemi.
Alexandre continue de s'avancer lentement, de peur qu'une marche trop rapide ne
jette du désordre dans sa phalange ; mais parvenu à la portée du trait ; les
premiers qui l'entourent, et lui-même à la tête de l'aile droite courent à
toutes brides vers le fleuve pour effrayer les Perses par l'impétuosité du choc,
en venir plutôt aux mains, et se garantir ainsi de leurs flèches. Alexandre
n'est point trompé dans son attente. Au premier choc, la gauche de l'ennemi
cède, et laisse aux Macédoniens une victoire aussi éclatante qu'assurée.
Dans le mouvement précipité et décisif d'Alexandre, la pointe de la phalange
avait suivi l'aile droite, tandis que le centre n'avait pu marcher avec la même
promptitude ni maintenir son front et ses rangs, arrêté par la barrière que
présentaient les bords escarpés du fleuve : les Grecs, à la solde de Darius,
saisissent le moment et tombent avec impétuosité sur la phalange macédonienne
ouverte. Le combat devient opiniâtre ; les Perses s'efforcent de rejeter les
Macédoniens dans le fleuve, et de reprendre l'avantage pour ceux qui fuyaient ;
et les Macédoniens s'obstinent à maintenir celui d'Alexandre, et l'honneur de la
phalange jusque là réputée invincible. La rivalité des Grecs et des Macédoniens
redouble l'acharnement. Ptolémée, après des prodiges de valeur, et cent vingt
Macédoniens de distinction, sont tués.
Cependant l'aile droite d'Alexandre, après avoir renversé tout ce qui était
devant elle, tourne sur les Grecs à la solde de Darius, les écarte du bord, et,
enveloppant leurs rangs découverts et ébranlés, les attaque en flanc, et en fait
un horrible carnage.
Les chevaux Perses en regard des Thessaliens, sans les attendre au-delà du
fleuve, le passent bride abattue, et tombent sur la cavalerie opposée : ils
combattirent avec acharnement, et ne cédèrent que lorsqu'ils virent les Perses
mis en fuite, et les Grecs taillés en pièces. Alors la déroute fut complète.
La cavalerie des Perses souffrit beaucoup dans cette fuite, et de l'embarras de
son armure pesante, et du désordre qui se mit dans les rangs ; tous, dans leur
épouvante, se pressaient en foule les uns sur les autres dans les défilés, de
manière que les leurs en écrasèrent davantage que l'ennemi n'en détruisit : Les
Thessaliens pressent vivement les fuyards ; le carnage de la cavalerie égale
celui de l'infanterie.
Dès qu'Alexandre eut enfoncé l'aile gauche des Perses, Darius se sauva avec les
premiers sur un char qu'il ne quitta point tant qu'il courut à travers plaine ;
mais arrivé dans des gorges difficiles, il abandonne son char, son bouclier, sa
pourpre, son arc même, et fuit à cheval. La nuit qui survint bientôt, le dérobe
aux poursuites d'Alexandre, qui ne cessent qu'avec le jour. Le vainqueur
retourne vers son armée, et s'empare du char et des dépouilles de Darius.
Alexandre l'eût pris lui-même, si, pour le poursuivre, il n'eût attendu le
rétablissement de sa phalange ébranlée, la défaite des Grecs et la déroute de la
cavalerie des Perses. Ils perdirent Arsame ; Rhéomitrès; Atizyès, l'un de ceux
qui, au Granique, avaient commandé la cavalerie ; Sabacès, satrape d'Égypte, et
Bubacès, un des Perses les plus distingués. On évalue à cent mille le nombre
général des morts, dont dix mille chevaux ; de sorte que, au rapport de
Ptolémée, qui accompagnait Alexandre dans cette poursuite, on traversa des
ravins comblés de cadavres.
Au premier abord on se rendit maître du camp de Darius ; on y trouva la mère, la
femme, la soeur, et un fils jeune encore du monarque de l'Asie, avec deux de ses
filles et quelques femmes des principaux de son armée, toutes les autres avaient
été conduites avec les bagages à Damas, où Darius avait fait porter la plus
grande partie de ses trésors, et tous les objets de magnificence que traînent à
l'armée les rois de Perse.
On ne trouva dans le camp que trois mille talents ; mais Parménion, envoyé à
Damas par Alexandre, y recueillit toutes les richesses du vaincu.
Telle fut l'issue de cette journée, qui eut lieu dans le mois Maimactèrion,
Nicostrate étant Archonte à Athènes.
Le lendemain Alexandre, quoique souffrant encore d'une blessure qu'il avait
reçue à la cuisse, visite les blessés, fait inhumer les morts avec pompe, en
présence de son armée rangée en bataille, dans le plus grand appareil. Il fait
l'éloge des actions héroïques dont il avait été témoin, ou que la voix générale
de toute l'armée publiait, et honora chacun d'entre eux de largesses selon leur
mérite et leurs rangs. Balacre, l'un des gardes de sa personne, est nommé
satrape de Cilicie, et remplacé par Ménès ; Polyspercbon succède au commandement
de Ptolémée, qui avait péri dans le combat. On remet aux habitants de Soles les
cinquante talents qui leur relaient à paver ; on leur rend leurs otages.
|
|
