Texte grec :
[3,100] Ὧς φάτο· μείδησαν δὲ θεαί, καὶ ἐσέδρακον ἄντην
ἀλλήλαις. ἡ δ' αὖτις ἀκηχεμένη προσέειπεν·
"Ἄλλοις ἄλγεα τἀμὰ γέλως πέλει· οὐδέ τί με χρὴ
μυθεῖσθαι πάντεσσιν· ἅλις εἰδυῖα καὶ αὐτή.
νῦν δ' ἐπεὶ ὔμμι φίλον τόδε δὴ πέλει ἀμφοτέρῃσιν,
105 πειρήσω, καί μιν μειλίξομαι, οὐδ' ἀπιθήσει."
Ὧς φάτο· τὴν δ' Ἥρη ῥαδινῆς ἐπεμάσσατο χειρός,
ἦκα δὲ μειδιόωσα παραβλήδην προσέειπεν·
"Οὕτω νῦν, Κυθέρεια, τόδε χρέος, ὡς ἀγορεύεις,
ἔρξον ἄφαρ· καὶ μή τι χαλέπτεο, μηδ' ἐρίδαινε
110 χωομένη σῷ παιδί· μεταλλήξει γὰρ ὀπίσσω."
Ἠ ῥα, καὶ ἔλλιπε θῶκον· ἐφωμάρτησε δ' Ἀθήνη·
ἐκ δ' ἴσαν ἄμφω ταίγε παλίσσυτοι. ἡ δὲ καὶ αὐτὴ
βῆ ῥ ἴμεν Οὐλύμποιο κατὰ πτύχας, εἴ μιν ἐφεύροι.
εὗρε δὲ τόνγ' ἀπάνευθε Διὸς θαλερῇ ἐν ἀλωῇ,
115 οὐκ οἶον, μετα καὶ Γανυμήδεα, τόν ῥά ποτε Ζεὺς
οὐρανῷ ἐγκατένασσεν ἐφέστιον ἀθανάτοισιν,
κάλλεος ἱμερθείς. ἀμφ' ἀστραγάλοισι δὲ τώγε
χρυσείοις, ἅ τε κοῦροι ὁμήθεες, ἑψιόωντο.
καί ῥ ὁ μὲν ἤδη πάμπαν ἐνίπλεον ᾧ ὑπὸ μαζῷ
120 μάργος Ἔρως λαιῆς ὑποΐσχανε χειρὸς ἀγοστόν,
ὀρθὸς ἐφεστηώς· γλυκερὸν δέ οἱ ἀμφὶ παρειὰς
χροιῇ θάλλεν ἔρευθος. ὁ δ' ἐγγύθεν ὀκλαδὸν ἧστο
σῖγα κατηφιόων· δοιὼ δ' ἔχεν, ἄλλον ἔτ' αὔτως
ἄλλῳ ἐπιπροιείς, κεχόλωτο δὲ καγχαλόωντι.
125 καὶ μὴν τούσγε παρᾶσσον ἐπὶ προτέροισιν ὀλέσσας
βῆ κενεαῖς σὺν χερσὶν ἀμήχανος, οὐδ' ἐνόησεν
Κύπριν ἐπιπλομένην. ἡ δ' ἀντίη ἵστατο παιδός,
καί μιν ἄφαρ γναθμοῖο κατασχομένη προσέειπεν·
"Τίπτ' ἐπιμειδιάᾳς, ἄφατον κακόν; ἦέ μιν αὔτως
130 ἤπαφες, οὐδὲ δίκῃ περιέπλεο νῆιν ἐόντα;
εἰ δ' ἄγε μοι πρόφρων τέλεσον χρέος, ὅττι κεν εἴπω·
καί κέν τοι ὀπάσαιμι Διὸς περικαλλὲς ἄθυρμα
κεῖνο, τό οἱ ποίησε φίλη τροφὸς Ἀδρήστεια
ἄντρῳ ἐν Ἰδαίῳ ἔτι νήπια κουρίζοντι,
135 σφαῖραν ἐυτρόχαλον, τῆς οὐ σύγε μείλιον ἄλλο
χειρῶν Ἡφαίστοιο κατακτεατίσσῃ ἄρειον.
χρύσεα μέν οἱ κύκλα τετεύχαται· ἀμφὶ δ' ἑκάστῳ
διπλόαι ἁψῖδες περιηγέες εἱλίσσονται·
κρυπταὶ δὲ ῥαφαί εἰσιν· ἕλιξ δ' ἐπιδέδρομε πάσαις
140 κυανέη. ἀτὰρ εἴ μιν ἑαῖς ἐνὶ χερσὶ βάλοιο,
ἀστὴρ ὥς, φλεγέθοντα δι' ἠέρος ὁλκὸν ἵησιν.
τήν τοι ἐγὼν ὀπάσω· σὺ δὲ παρθένον Αἰήταο
θέλξον ὀιστεύσας ἐπ' Ἰήσονι· μηδέ τις ἔστω
ἀμβολίη. δὴ γάρ κεν ἀφαυροτέρη χάρις εἴη."
145 Ὧς φάτο· τῷ δ' ἀσπαστὸν ἔπος γένετ' εἰσαΐοντι.
μείλια δ' ἔκβαλε πάντα, καὶ ἀμφοτέρῃσι χιτῶνος
νωλεμὲς ἔνθα καὶ ἔνθα θεᾶς ἔχεν ἀμφιμεμαρπώς.
λίσσετο δ' αἶψα πορεῖν αὐτοσχεδόν· ἡ δ' ἀγανοῖσιν
ἀντομένη μύθοισιν, ἐπειρύσσασα παρειάς,
|
|
Traduction française :
| [3,100] Les deux déesses entendant ce discours, se regardaient
en souriant : "On rit de mes chagrins, continua Vénus d'un air
affligé, je le sais trop, et je me garderai bien d'en parler
davantage. Je vais tâcher de gagner l'Amour, j'emploierai les
caresses, et je crois qu'il se laissera persuader." Junon prenant
alors la main de la déesse, lui dit avec un gracieux sourire :
"Reine de Cythère, exécutez promptement votre promesse.
Oubliez tout ressentiment contre votre fils, et ne vous mettez
plus en colère contre lui. C'est un enfant, il se corrigera."
En achevant ces mots, Junon se leva, Minerve la suivit et elles
s'en retournèrent ensemble. Vénus, de son côté, se mit à
parcourir les lieux les plus secrets de l'Olympe pour y chercher
son fils. Elle le trouva sous un bosquet fleuri, seul avec
Ganymède, dont la beauté charma autrefois le maître des dieux,
qui le mit au rang des Immortels. Ils jouaient ensemble comme
des enfants du même âge avec des osselets d'or. Le folâtre
Amour était debout, ayant la main gauche remplie d'osselets et
serrée contre son sein. Son teint brillait des plus vives couleurs,
et la joie éclatait dans ses yeux. Son camarade au contraire,
assis sur ses talons, l'air triste et honteux, jouait au hasard deux
osselets qui lui restaient, en se fâchant contre Cupidon, qui riait
de toutes ses forces. Après avoir tout perdu, Ganymède s'en
retourna tout confus et les mains vides, sans apercevoir la déesse
qui s'avançait : "Méchant, dit-elle à l'amour, en lui caressant le
visage, pourquoi te moquer ? Tu viens sans doute de tromper
Ganymède et d'abuser de sa simplicité. Mais, écoute, j'ai besoin
de ton ministère, et si tu veux faire ce que je vais te dire, je te
donnerai le plus beau de tous les bijoux qu'ait eu Jupiter à ton
âge, celui que lui fit sa nourrice Adrastie pour l'amuser dans
l'antre du mont Ida. Vulcain lui-même ne pourrait te faire un plus
beau présent. C'est une boule creuse et à jour, formée de cercles
d'or, entre lesquels serpente un lierre. Lorsqu'on la jette en l'air,
elle trace en tombant un sillon de lumière pareil à celui que laisse
après elle une étoile qui tombe du firmament. Tel est le bijou
que je te promets si tu veux percer d'une de tes flèches le coeur
de la fille Eétès et lui inspirer de l'amour pour Jason." A ce
discours, l'Amour, déjà plein d'impatience, jette tous ses osselets,
saute à sa mère, et la tenant par sa robe, lui fait les plus vives
instances pour obtenir sur-le-champ le bijou.
|
|
