Texte grec :
[4,1100] ἀλλὰ Διὸς δείδοικα δίκην ἰθεῖαν ἀτίσσαι.
οὐδὲ μὲν Αἰήτην ἀθεριζέμεν, ὡς ἀγορεύεις,
λώιον· οὐ γάρ τις βασιλεύτερος Αἰήταο.
καί κ' ἐθέλων, ἕκαθέν περ, ἐφ' Ἑλλάδι νεῖκος ἄγοιτο.
τῶ μ' ἐπέοικε δίκην, ἥτις μετὰ πᾶσιν ἀρίστη
1105 ἔσσεται ἀνθρώποισι, δικαζέμεν· οὐδέ σε κεύσω.
παρθενικὴν μὲν ἐοῦσαν ἑῷ ἀπὸ πατρὶ κομίσσαι
ἰθύνω· λέκτρον δὲ σὺν ἀνέρι πορσαίνουσαν
οὔ μιν ἑοῦ πόσιος νοσφίσσομαι· οὐδέ, γενέθλην
εἴ τιν' ὑπὸ σπλάγχνοισι φέρει, δῄοισιν ὀπάσσω."
Ὧς ἄρ' ἔφη· καὶ τὸν μέν ἐπισχεδὸν εὔνασεν ὕπνος.
ἡ δ' ἔπος ἐν θυμῷ πυκινὸν βάλετ'· αὐτίκα δ' ὦρτο
ἐκ λεχέων ἀνὰ δῶμα· συνήιξαν δὲ γυναῖκες
ἀμφίπολοι, δέσποιναν ἑὴν μέτα ποιπνύουσαι.
σῖγα δ' ἑὸν κήρυκα καλεσσαμένη προσέειπεν,
1115 ᾗσιν ἐπιφροσύνῃσιν ἐποτρυνέουσα μιγῆναι
Αἰσονίδην κούρῃ, μηδ' Ἀλκίνοον βασιλῆα
λίσσεσθαι· τὸ γὰρ αὐτὸς ἰὼν Κόλχοισι δικάσσει,
παρθενικὴν μὲν έοῦσαν ἑοῦ ποτὶ δώματα πατρὸς
ἐκδώσειν, λέκτρον δὲ σὺν ἀνέρι πορσαίνουσαν
1120 οὐκέτι κουριδίης μιν ἀποτμήξειν φιλότητος.
Ὧς ἄρ' ἔφη· τὸν δ' αἶψα πόδες φέρον ἐκ μεγάροιο,
ὥς κεν Ἰήσονι μῦθον ἐναίσιμον ἀγγείλειεν
Ἀρήτης βουλάς τε θεουδέος Ἀλκινόοιο.
τοὺς δ' εὗρεν παρὰ νηὶ σὺν ἔντεσιν ἐγρήσσοντας
1125 Ὑλλικῷ ἐν λιμένι, σχεδὸν ἄστεος· ἐκ δ' ἄρα πᾶσαν
πέφραδεν ἀγγελίην· γήθησε δὲ θυμὸς ἑκάστου
ἡρώων· μάλα γάρ σφιν ἑαδότα μῦθον ἔειπεν.
Αὐτίκα δὲ κρητῆρα κερασσάμενοι μακάρεσσιν,
ἣ θέμις, εὐαγέως ἐπιβώμια μῆλ' ἐρύσαντες,
1130 αὐτονυχὶ κούρῃ θαλαμήιον ἔντυον εὐνὴν
ἄντρῳ ἐν ἠγαθέῳ, τόθι δή ποτε Μάκρις ἔναιεν,
κούρη Ἀρισταίοιο μελίφρονος, ὅς ῥα μελισσέων
ἔργα πολυκμήτοιό τ' ἀνεύρατο πῖαρ ἐλαίης.
κείνη δὴ πάμπρωτα Διὸς Νυσήιον υἷα
1135 Εὐβοίης ἔντοσθεν Ἀβαντίδος ᾧ ἐνὶ κόλπῳ
δέξατο, καὶ μέλιτι ξηρὸν περὶ χεῖλος ἔδευσεν,
εὖτέ μιν Ἑρμείας φέρεν ἐκ πυρός· ἔδρακε δ' Ἥρη,
καί ἑ χολωσαμένη πάσης ἐξήλασε νήσου.
ἡ δ' ἄρα Φαιήκων ἱερῷ ἐνὶ τηλόθεν ἄντρῳ
1140 νάσσατο, καὶ πόρεν ὄλβον ἀθέσφατον ἐνναέτῃσιν.
ἔνθα τότ' ἐστόρεσαν λέκτρον μέγα· τοῖο δ' ὕπερθεν
χρύσεον αἰγλῆεν κῶας βάλον, ὄφρα πέλοιτο
τιμήεις τε γάμος καὶ ἀοίδιμος. ἄνθεα δέ σφιν
νύμφαι ἀμεργόμεναι λευκοῖς ἐνὶ ποικίλα κόλποις
1145 ἐσφόρεον· πάσας δὲ πυρὸς ὣς ἄμφεπεν αἴγλη·
τοῖον ἀπὸ χρυσέων θυσάνων ἀμαρύσσετο φέγγος.
δαῖε δ' ἐν ὀφθαλμοῖς γλυκερὸν πόθον· ἴσχε δ' ἑκάστην
αἰδὼς ἱεμένην περ ὅμως ἐπὶ χεῖρα βαλέσθαι.
αἱ μέν τ' Αἰγαίου ποταμοῦ καλέοντο θύγατρες·
|
|
Traduction française :
| [4,1100] mais je crains de blesser les décrets éternels de Jupiter
et d'ailleurs il serait plus dangereux que vous ne pensez d'offenser
Eétès dont la puissance surpasse celle de tous les
autres rois et qui peut, du fond de son pays, porter bientôt la
guerre au milieu de la Grèce. Il vaut mieux prononcer un jugement
qui paraîtra juste à tous les hommes et que je vais vous
communiquer. Si la princesse conserve encore sa virginité, je veux
qu'elle soit renvoyée à son père, mais si déjà elle est épouse, je ne
la séparerai point de son époux et je ne livrerai point entre des
mains ennemies l'enfant qu'elle peut avoir conçu." Alcinoüs, après
cette réponse, se laissa bientôt aller au sommeil. Son épouse,
frappée de ce qu'elle venait d'entendre, se leva sans perdre de
temps, sortit de l'appartement, accompagnée de ses esclaves et
ayant fait venir sans bruit son hérault, le chargea d'annoncer à
Jason le jugement et de l'exhorter de sa part à terminer
sur-le-champ son mariage avec Médée.
Le hérault étant parti pour se rendre au port d'Hylius, peu éloigné
de la ville, y trouva les Argonautes qui passaient la nuit sous les
armes. La nouvelle qu'il apportait ne pouvait être plus agréable.
Elle répandit parmi eux la plus vive allégresse.
Aussitôt on fit en l'honneur des dieux les libations accoutumées, on
traîna les victimes à l'autel et on prépara le lit nuptial dans un antre
sacré qui servit autrefois de retraite à la Nymphe Macris, fille du
tendre Aristée, qui fit le premier connaître aux hommes le suc que
compose l'abeille et le jus onctueux de l'olive.
Macris, habitant auparavant l'île d'Eubée, reçut entre ses bras le
jeune Bacchus et abreuva de miel ses lèvres desséchées par le feu
dont Mercure venait de le retirer, mais bientôt la Nymphe,
chassée de l'Eubée par la colère de Junon, se retira dans une grotte
de l'île des Phéaciens, qui par ses bienfaits se virent en peu de temps
comblés de richesses.
Les Argonautes ayant donc préparé dans ce lieu un grand lit,
étendirent par-dessus la Toison d'or, afin d'orner davantage le
trône de l'hymen et de rendre cette union à jamais mémorable. Une
troupe de Nymphes, dont les unes étaient filles du fleuve Égée
|
|
